الفصل الرابع
زينب بصدمة : انتي بتقولي ايه يا امه
خديجة : اللي سمعتيه يا بتي
زينب : طيب افرض عمها مرضيش
خديجة : كيف ميرضاش يا بنتي هنقله انكم موافقين ووقتها مينفعش خطبة علي خطبة فهمتي
زينب بإبتسامة : ايوه فهمت الف حمد وشكر ليك يارب
خديجة : المهم تاج متعرفش حاجة واصل عن الموضوع ده فهمتي ولا لا البنية داخلة علي امتحانات
زينب : طبعا يا امه ربنا يوفقها يارب
/////////////////////////
في فيلا عادل النمر
نمر نازل من عربيته جري لقي الاسعاف خارج ووراها عربية ليال رجع ركب ومشيوا وراهم للمستشفي
بعد دخول عادل للعناية خرج الدكتور
نمر : حصل ايه يا دكتور للدرجادي حالته صعبة
الدكتور : للاسف يا نمر باشا انا نبهت قبل كده ممنوع الاجهاد او الزعل او هيتعرض لذبحة
نمر يبص لليال بصدمة : ذبحة
ليال بتبكي : والله يا عمو هو اللي حلفني مقلكش
نمر بصراخ : انتي مجنونة يا ليال هي دي فيها حلفني ومحلفنيش
محمود بيهديه : خلاص يا نمر ان شاء الله هيبقي زي الفل
الدكتور : حصل خير يا جماعة ربنا يقومه بالسلامة
فريد بهدؤ : هي حالته ايه دلوقتي يا دكتور
الدكتور بتوتر : ان شاء الله هيبقي كويس نعدي ٢٤ ساعة دول بخير دي اهم حاجة
نمر : يارب
ليال بتعيط ومنهارة
نمر : خلاص حقك عليا اسف اني زعقت فيكي
ليال : انا مش زعلانة منك انا خايفة يجراله حاجة ويسبنا زي جمال احنا ملناش حد في الدنيا غيره
نمر : متقوليش كده ان شاء الله هيقوم بالسلامة ويبقي زي الفل ويجوز الولاد ويشوف ولادهم كمان
ليال : يارب
محمود : نمر
نمر راح له : ايوه
محمود : هما الولاد فين
نمر : ليال فين الولاد
ليال بتمسح دموعها : نايمين وصحيت الشغالة تقعد معاهم
نمر : خلاص يلا روحي واول ما يفوق هكلمك
ليال : لا مش هقدر اسيبه
نمر : اسمعي الكلام الله يرضي عليكي عشان الولاد ميصحوش ويعيطوا
ليال : ماشي بس اول ما يفوق عرفني علطول
نمر : حاضر هتقدري تسوقي ولا اجي اوصلك
ليال : لالا هقدر خليك انت جنبه
نمر : ماشي
فريد وهو بيربت علي كتفه : متقلقش ان شاء الله هيقوم بالسلامة
نمر : يارب يا فريد يارب
محمود : ايه يا عم ما تجمد امال
نمر : ربنا يسترها
فجأة انفتح باب العناية وخرج ممرضتين
ممرضة ١: روحي نادي دكتورة خديجة بسرعة قوليلها حالتها بدات تفوق بس الضغط بيقل دي هتطين عيشتنا
ممرضة ٢ : اوك
محمود لفت نظره كلامهم وركز معاهم
بعد دقيقتين جات انثي طويلة القامة وكانها تقول طولي لا يكفي بل اريد شموخا اكثر لترتدي جزمة سوداء انيقة ذات كعب رفيع عالي تخطو ببنطال جيبة من اللون الاسود وشميز باللون النبيتي وحجاب باللون الاسود مرتدية البالطو الابيض لتزيد جمالها جمال لا يوصف تجعله يحبس انفاسه
خديجة شبه راكضة : هو بقاله قد ايه بيفوق
الممرضة بتحاول توصل لخطواتها : خمس دقايق يا دكتورة
فريد سكت ومبتسم لما شاف محمود ومحبش يكلمها عشان شكل حالة المريض مستعجلة
محمود مركز معاها وفضل نظره ثابت علي مكان ما دخلت
نمر : انت يا ابني
فريد بضحكة : انت يا اخينا
محمود : ها
فريد بضحكة : دخلت من زمان يا ابني
نمر بإستغراب : في ايه
فريد : ابدا اصله تنح لما شاف خطيبته
نمر : هي فين وبيبص حواليه
محمود وبيضرب كتفه : انت مالك انت
فريد ونمر : ههههههههههههههه
محمود ابتسم وسكت
خديجة خارجة تزعق
خديجة بعصبية: انتو بتستهبلو والله لو اتكرر الموضوع ده تاني انا بنفسي هبلغ مدير المستشفي يرفدكم انتو سامعين مش كل مرة كده واداري عليكم دي ارواح ناس يا انسة منك ليها
ممرضة بخوف : يا فندم
خديجة بحدة : مش عاوزة اي مبررات يا انسة
د. محمد : خير يا دكتورة
خديجة : مفيش حاجة يا دكتور البنات منفزوش حاجة كنت طلباها خلاص روحو انتو
د.محمد بإبتسامة : قلبك الطيب ده اللي بيخليهم ميسمعوش الكلام ومتاكد انهم غلطوا غلطة كبيرة وانتي داريتي عنهم كالعادة
خديجة بإبتسامة : ربنا يهديهم
محمود بحدة شديدة ومستحملش يشوفهم كده قرب منها : ازيك يا خديجة
خديجة انصدمت من الصوت ولفت وشافت فريد وراحت له بسرعة وطنشت محمود اللي كان بيغلي
خديجة : ايه يا فريد انت كويس في حد تعبان هنا
فريد : لا يا حبيبتي اطمني ده اخو نمر صاحبي بس تعبان شوية
خديجة بعملية : الف سلامة يا فندم
نمر : الله يسلمك
محمود واقف ثابت وبيغلي
د.محمد : اقدر اساعدك بحاجة
خديجة : لا ابدا يا دكتور متشكرة
د.محمد : اوك عن اذنكم
محمود بشرار : معرفتيهوش علينا ليه مش عيب كده
خديجة بحدة : لا مش عيب يا ابن عمي لان دي مستشفي مش نادي
نمر كتم ضحكته بالعافية
خديجة : يلا عن اذنكم والف سلامة علي اخو حضرتك يا فندم
نمر : الله يسلمك يا دكتورة
محمود بغيظ : اختك دي انا هقتلها
فريد : عشان اشرب من دمك
///////////////////////////////
في فيلا عادل النمر
ليال بتبكي وهي ماسكة صورة جمال : بابا شكله مستعجل وانت واحشه اوي بس احنا ملناش غيره يا جمال طيب مش كفاية انت هيبقي انت وبابا والله العظيم ما هستحمل ابدا انا اول مرة احس احساس اليتم يا جمال لما بابا مات انتو الاتنين كنتو جنبي وبعدين انت رحت وفضلي هو ودلوقتي عاوز يجيلك ويسبني "
التليفون بيرن
ليال ببحة من البكاء : الو
نمر بهدؤ: انتي لسه بتعيطي
ليال ببكاء مرير : خايفة عليه اوي لو جراله حاجة هموت وراه
نمر : بعد الشر عليكم انتو الاتنين اطمني والله هو كويس
ليال : يعني خرج من العناية
نمر : لا الدكتور قال مش قبل ما يفوت ٢٤ ساعة علي الاقل وحالته تستقر بس هو طمني الحمد لله
ليال : الحمد لله ربنا يرده بالسلامة يارب
نمر : يارب يلا روحي نامي عشان تنزلي الشغل بدري مينفعش الشركة تبقي من غيركم انتو الاتنين
ليال : ماشي هاجي اشوف بابا وبعدين اروح الشغل
نمر : ماشي يا ستي يلا تصبحي علي خير
ليال : وحضرتك من اهله مع السلامة
نمر : مع السلامة
//////////////////////////
زينب " ياه يا تاج لو ربنا بيحبك صحيح يبقي تتجوزي فريد راجل صحيح وهبقي مطمنة عليكي معاه بس هقول ايه كله بأيد رب العالمين "
تاج مبتسمة : مالك يا ماما سرحانة في ايه
زينب : ولا حاجة يا بنتي
تاج : عليا يا ست ماما
زينب مبتسمة : ولا حاجة يا بنتي والله بفكر في المستقبل وبدعيلك تبقي دكتورة قد الدنيا
تاج : ان شاء الله يا ماما ربنا يقدرني واحققلك مرادك
زينب بتنهيدة : ربنا يوفقك يا بنتي ويبعد عنك كل حاجة وحشة
تاج : اللهم امين انا هروح اعملي نسكافيه يا ماما اعملك حاجة معايا
زينب : لا يا بنتي انا هنام تصبحي علي خير
تاج : وحضرتك من اهله " لبست فوق بيجامتها الاسدال وخرجت للمطبخ عملت نسكافيه "
وهي طالعة شافت فريد داخل من برة
فريد : مساء الخير
تاج بتوتر : مساء النور
فريد : هي خلود او خديجة حد صاحي
تاج : لا نامو من شوية
فريد : طيب معلش يا تاج ممكن تعمليلي اي سندوتش وفنجال قهوة عشان مصدع شوية
تاج بهدؤ: حاضر
فريد : لو بنتذاكري روحي وانا هعمل بس طلبت منك لاني تعبان جدا والله
تاج : لا عادي مفيش مشكلة عن اذنك
فريد طلع غير هدومه ونزل المطبخ لقي السندوتشات والقهوة وهي مش موجودة
فريد : طيب مش تستني اشكرها " اه هموت من الجوع "
عند تاج
زينب : ايه يا بنتي ده كله بتعملي نسكافيه
تاج : لا يا ماما انا عملته من زمان بس فريد جه وقالي اعمله معايا قهوة وسندوتش وعملتله لان البنات نايمين
زينب بإبتسامة : طيب يا بنتي ربنا يرضي عليكي
تاج : تسلمي يا ست الكل
زينب والابتسامة لم تفارق شفتيها " ربنا ينولني مرادي وبدل ما تبقي خطوبه كده وكده يبقي جوزك يارب عشان ارتاح وقلبي يطمن عليكي "
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
