الفصل الخامس والخمسون
عند نمر مكنش عاوز يروح بس رجع مجبر غصب عنه وصل البيت بقاله ربع ساعة ومش قادر ينزل من العربية
عند ليال نفذت كل اللي هي عوزاه وقعدت تستناه من بدري وبقالها ربع ساعة واقفة ورا ستارة البلكونة شيفاه ومستنياه ينزل من العربية ويطلع وكانه قرر يرحمها ويرحم تعبها فتح باب العربية ونزل
وهي دخلت جري وقفلت البلكونة وشيكت علي نفسها وراحت عند الباب مستنياه يوصل
نمر طالع مش طايق نفسه " اكيد نامت ولا حاسة هي عملت ايه فيا ولا بتفكر فيا اصلا احنا ارتباطنا ده غلطة ولازم تتصلح هي تولد وكل واحد يروح لحاله مستحيل هنكمل سوا احنا مننفعش لبعض "
عادل بهدؤ : نمر
رجع نزل السلمتين اللي طلعهم وبإستغراب : خير يا عادل ايه اللي مسهرك لغاية دلوقتي
عادل بهدؤ : اقعد بس
نمر : اديني قعدت خير طمني
عادل بهدؤ : دلوقتي هقلك كلمتين وركز معايا
نمر : اتفضل
عادل بهدؤ : انا عاوزك تبقي متاكد ان انا بعتبرك ابني مش بس اخويا
نمر ببسمة : عارف يا عادل والله ربنا ما يحرمني منك
عادل : ومتفرقش عن جمال اي حاجة ياريت تبقي فاهم كده
نمر بتنهيدة : فاهم وعارف والله يا عادل قول اللي عندك متقلقنيش
عادل : ليال
نمر : مالها
عادل : انت تعرف انها طلبت الطلاق من جمال بتاع خمس ست مرات وهي حامل
نمر بصدمة : نعم ليه !
عادل بضحكة : ههههههه هي حملها كده صعب اعصابها بتتلف ومبتستحملش اي حاجة وفي حملها في هند وعادل كان نفس الحكاية علطول خناق مع جمال ومشاكل وتطلب الطلاق لدرجة في مرة اتهور جمال وطلقها بس الشيخ قاله طالما وقت غضب وعصبية ومكنتش بوعيك متعتبرش طلقة
نمر بصدمة : ياه للدرجادي
عادل بإبتسامة : واكتر من كده بكتير فلما تشوف منها حاجة كده استحملها هي طبيعتها كده من زمان
نمر بتوتر : كويس انك نبهتني
عادل : معلش استحملها متجيش عليها الفترة دي وخدها علي قد عقلها
نمر بتنهيدة قام لعادل: ان شاء الله ربنا ما يحرمني منك يا عادل ويباركلي فيك وباس راسه
عادل ثطبطب علي ايده : انت ابني يا نمر وهي بنتي وربنا اعلم
نمر : ربنا ما يحرمنا منك
عادل يقوم : يلا انا يدوب انام بقي سهرتوني معاكم جامد النهاردة تصبح علي خيير
نمر : وانت من اهله يا حبيبي " كويس انك نورتني وفهمتني يا عادل ربنا يقويني بقي
/////////////////////////////
في بيت سعيد
خالد : يلا احنا نستأذن بقي يا جماعة
نفيسة : مانتو قاعدين شوية يا ولدي مشبعناش منيكو
خالد : معلش يا مراة عمي ملحوقة ان شاء الله لان عندي شغل بدري
نفيسة : ربنا يقويك يا ولدي
خالد : تعيشي يا ست الكل
سعيد : ابقي تعالي يا بوي
دلال وهي بتبوس راسه : حاضر يا حبيبي
خالد بصلها بغيرة
نفيسة : يا بنتي متنسيشتاخدي حاجتك اللي عندي طالما استقريتي ومبقاش فيه فرش ولا ناس ولا غيره
دلال : حاضر يا ماما هطلع اجيبهم
خالد : دلال
دلال : نعم
خالد بنظرة صرامة : هاتي اللي جلتلك عليه بلاها جزمك دي
دلال ببسمة : اوك
راحت دلال جابت حاجتها ونزلت وسلمت علي اهلها ومشيت
في العربية
خالد : جبتي جزمك
دلال: ايوا
خالد : تمام الحجات ام كعب ومفتحة دي متنلبسش ماشي
دلال ببسمة : اوك مش هخرج بيها للمدرسة لكن معاك همشي بيها ماشي
خالد ببسمة : ماشي موافق
دلال : تسلملي
وصلوا البيت
خالد بصرامة : انزلي اطلعي علطول وانا هسلم علي الرجالة
دلال : طيب وحاجتي
خالد : هي هتتسرق اياك يعني يا بنت الحلال امان متقلقيش هطلعهملك
دلال : اوك
انسحبت دلال وطلعت ونزل خالد يسلم علي الناس اللي في بيتهم
////////////////////
نمر طلع ووقف قدام باب الاوضة ومتردد في الدخول لقي الباب بينفتح
ليال " لاقيته تاخر اوي وخايفة افتح الباب الاقيه في وشي بس اتاخر جامد هو داخل البيت من زمان وفتحت الباب عشان اشوفه لاقيته في وشي "
نمر متخشب من الصدمة " ايه اللي هي عملاه ده اكيد مش مستنياني حورية علي الارض قدامي انصدمت لما شوفتها لابسة فستان ابيض بسيط رغم انه بسيط ومفيهوش حاجة ملفته بس كونها تلبسلي ابيض ده دوب قلبي وخلاني مش مركز وشعرها العسلي اللي نازل علي ضهرها ولا تاج الورد اللي لبساه كل ده خلاني مش في وعيي ومفقتش غير علي صوتها "
ليال بتوتر : حمد لله علي السلامة قلقتني عليك
نمر بصدمة : قلقتي عليا ليه !
ليال بنفس التوتر وبتفرك ايدها في بعضها : اصلك مش متعود تتاخر للدرجادي فخفت عليك
نمر بصدمة : لياااال في ايه انا مش حمل توقعات تدوب القلب والاخر انزل علي مفيش
ليال بصتله وبدموع : انا اسفة
نمر بهدؤ : انتي شايفة ان الحكاية هتتحل بانا اسفة
ليال ببكاء : لو مقصدش اللي انت فهمته اكيد هيتحل بانا اسفة والله ما اقصد اللي وصلك خالص
نمر بكبرياء رجل : عادل متفرقش كتير صدقيني
ليال بصدمة : قصدك ايه
نمر بتوتر : يعني عادي تقصدي او متقصديش شئ يرجعلك انا خلاص عرفت حدودي وربنا يعدي الكام شهر دول علي كده
ليال : قصدك ايه
نمر " حاولت استفزها عشان تخرج اللي عندها ومتعملش اي جدار بينا حاولت اجيب اخرها معايا لان انا مش اعمي عشان مركزش انها بتحس ليا اي شعور الموضوع مش وحام خالص الموضوع اكبر من كده بكتير ": قصدي يا بنت الناس خلاص انتي تقومي بالسلامة وكل واحد يروح لحاله
ليال بغضب : انت عاوز تاخد مني عيالي يا نمر انت اكيد مخك حصل فيه حاجة
نمر بخبث : لا مش هاخدهم هيعيشوا بيني وبينك واتجوز واجيبلهم ام تقدر تتعامل معاهم الايام اللي هيقضوها معايا
ليال بعصبية شديدة : كمان عاوز تجيبلهم مراة اب وانا عايشة يا .....
نمر قفل بوقها بايده وركز في عنيها : اوعي شيطانك يوزك وتغلطي فيا احسنلك عشان متندميش
ليال بعصبية وهي بتضرب ايده : اوعي كده انا حاسة اصلا من الاول ان عينك زايغة وتلاقي واحدة واطية معفنة لايفة عليك احسن ريحت طلقني وفكني وبعينك عيالي يقعدوا مع مراة اب يا نمر
نمر بضحكة شديدة " اهي طلبت الطلاق يا عادل " ههههههههههههه انتي متعصبة ليه دلوقتي عاوز افهم
ليال بدموع : عشانك واطي منين بتحبني ومنين عاوز تتجوز
نمر بتحذير ثاني وهو ماسك ابتسامته " كل عصبيتها دي مش من فراغ " ورفع صباعه في وشها وضرب مناخيرها : قلت بلاش غلط عشان متندميش
ليال ضربت ايده بغضب : اعمل اللي تعمله لو تقدر
نمر بحدة : ليااااال
ليال ببكاء : الله يخربيت ليال ربنا ياخدها عشان ترتاح
نمر بلهفة وحضنها : بعيد الشر ليه كده حرام عليكي
ليال ببكاء : عشان تستريح وتروح تتجوز براحتك
نمر بابتسامة خبث وهو بيشد عليها في حضنه : طيب قوليلي انتي ليه متدايقة
ليال بشهقات وهي بتضربه علي ضهره : مش متدايقة انا
نمر بهمس في ودانها : يبقي غيرانة
ليال اتخشبت تحت ايده ومقدرتش تنطق
نمر بضحكة : هههههههههه اتنفسي يا ليال ليجرالك حاجة
ليال فاقت من صدمتها وبعدت عنه وبعصبية : واغير عليك ليه انا
نمر بإبتسامة وهو بيرفع كتافه : يمكن بتحبيني مثلا
ليال بضحكة : ههههههههههههه عمو انت سمعت انت قلت ايه
نمر بضحكة شديدة : ههههههههههههههههههههههههه ههههههههههههههههه اهو انا بعد عمو دي اتاكدت من كلامي
ليال بغضب : انت بتوهم نفسك بكده يا حرام
نمر وهو بيتحرك للحمام : هههههههههههه بتحبيني يا ليال
ليال بغضب : ده بعدك
نمر : بتحبيني
ليال بعصبية : انت مجنون والله
نمر بعد ما وصل باب الحمام لف رجع لها تاني وصل لها ونزل لمستواها باس خدها اليمين وهمس في ودانها : علي فكرة الابيض هياكل منك حتة كانك عروسة
ليال قلبها رجف من كلامه " مش هو ده اللي كنتي عوزاه انه ياخد باله انك لابسة ابيض وشكل العروسة "
نمر باس خدها التاني وبنفس الهمس : وبتحبيني يا ليال وسابها ودخل الحمام
نمر " انا مش عارف ايه اللي انا عملته ولا اللي انا قولته ده بس اول ما شوفتها كده عرفت انها عاوزة تصالحني بس مش هتقدر تقول كده منكرش سحرتني بشكلها ونفسي نعيش من غير توتر ولا مكابرة "
ليال برة مش احسن حال من نمر بل اسؤ منه " انا ليه بنكر ايوا غرت بس لا مبحبوش لا لالالا انا انام قبل ما يخرج انا اللي عملت كده في نفسي ايه اللي انا عملاه في نفسي ده " خلعت ليال التاج ونامت او تصنعت النوم
خرج نمر " ههههههههههههههههههههه لا يا شيخة ماشي يا ليال " : لحقتي تنامي يا ليال اكيد من الحمل النوم علطول كده
نمر مسك التليفون قفله وبعدين عمل نفسه بيتصل
ليال بتنهيدة " الحمد لله صدق ده بيكلم مين ده دلوقتي "
نمر بهمس وتمثيل : ايوا يا ابني
لالالا انا كلمتها متقلقش هي معندهاش اعتراض اصلا مانت عارف ظروف جوازنا يا محمود وهي مش طيقاني وتقريبا اتفقنا خلاص
ليال بصدمة " ماله ده ايه اللي بيقوله ده وازاي يخرج اسرار بيتنا برة وانشلت من الصدمة لما سمعت باقي كلامه "
نمر بخبث : لا لا كلمها انت بس وشوف ردها ايه واحكيلها علي كل ظروفي من الاول وعرفها ان ربنا اراد وكان بينا نصيب الولاد هيبقوا معايا نص الاسبوع
ليال فطت قامت وضربته بالمخدة : اه يا ابو عين زايغة كمان بتخطب
نمر بضحكة شديدة : ههههههههههههههههههههههه طلعتي صاحية يعني
ليال بصدمة : انت بتضحك عليا ونتشت التليفون منه لقيته مقفول : ايه شغل الاطفال ده يا نمر
نمر بضحكة : اصلك راسمة الدور اوووي
ليال لفت تنام
نمر بتنهيدة اقعدي يا ليال لو سمحتي عاوز نتكلم شوية
ليال قعدت : خير
نمر : بهدؤ : انتي عاجبك حالنا كده
ليال بتوتر : تقصد ايه
نمر : انتي عارفة قصدي كويس يا ليال مينفعش العيشة دي علطول مكابرة وعناد وتوتر هي كلمة يا بنت الحلال عاوزة نكمل حياتنا زي بقية خلق ربنا ولا كل واحد يروح لحاله
ليال بغيظ : قول انك عينك علي واحدة وخلاص ملوش لازمة اللف والدوران ده
نمر بضحكة وضربها علي مؤخرة راسها : يا بت بطلي هبل
ليال : يعني مفيش واحدة تانية
نمر بإبتسامة : يا ستي هو انا اتجوزت اولانية عشان اتجوز تانية ده انتي مطلعة عين اللي خلفوني
ليال بإبتسامة : طيب تصبح علي خير بقي
نمر بذوبان : تصبح علي خير بعد الابتسامة الحلوة دي ده حتي يبقي معندكيش دم يا ست انتي
ليال : هههههههههههههههههه
أنت تقرأ
نيران تملكي بقلم fatma Ahmed" قطرة حياه"
Любовные романыنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
