الفصل الرابع والاربعون
عند ليال روحت بدري كالعادة الايام دي
وغيرت لهند هدومها وطلبت من الخدامة تجهز لها الاكل وطلعت تغير هدومها
غيرت ليال هدومها وفتحت الدولاب تدور علي التيشرت مش لقياه
ليال بعصبية : انا متاكده انه كان هنا راح فين
عشر دقايق بتدور عليه وملوش اثر
قررت تروح اوضة نمر وتاخد واحد غير وهي عارفة ومتاكدة انه مش هياخد باله لان هدومه كتيرة ودخلت اوضته بثقة وهي متاكدة انه مش موجود وبصت علي الشماعة ملقيتش عليها حاج فتحت الدولاب وبغضب واضح : الله ايه مفيش تيشرت واحد مش معقول
نمر بصدمة من تصرافاتها اللي راقبها من اول ما دخلت وهو مداري نفسه في الستاير : بتدوري علي ده وظهر وهو لابس التيشرت
ليال بصدمة كاسحة اخرستها
نمر بهدؤ وهو بيقرب منها : ردي عليا بتدوري علي ده
ليال بدموع هزت راسها بلا
نمر : امال بتدوري علي ايه عندي
ليال وهي بترجع علي ورا كل ما قرب وبخجل ودموع : مبدورش وجت تخرج مسكها
نمر بصرامة : انتي متخيلة اني هسيبك تخرجي قبل ما افهم
ليال بتشد ايدها منه وبدموع ورجاء : ارجوك سيبني
نمر بصرامة اشد : افهم الاول وبعدين اسيبك انا عارف في ايه بس عاوز اسمعها منك
ليال رفعت نظرها له بصدمة : عارف ايه
نمر بإبتسامة : عارف اللي انتي مخبياه
ليال بخضة : هو ايه اللي انا مخبياه
نمر بيحضنها وبإبتسامة : بيني وبينك انا انصدمت لالا انصدمت دي كلمة بسيطة انا انفجعت لما وصلت للتحليل المظبوط لحالتك دي
ليال وبتحاول تفك نفسها منه وهو مش راضي يسيبها : قصدك ايه
نمر بضحكة : ههههههههه انا نفسي اعرف انتي بتقاوحي في ايه ما خلاص الموضوع خلصان وعرفت انك بتحبيني وبصراحة انا قعدت كتير عشان استوعب الفكرة دي
ليال بصعقة : نعم وبنرفزة ايه اللي انت بتقوله ده طبعا لا وبعصبية : سيبني
نمر بصدمة سابها : انتي هتجننبيني امال ايه تصرفاتك دي
ليال بمكابرة : تصرفات ايه
نمر بعصبية : لا والله مش عارفة تصرفات ايه انتي هتجننيني ولا عاوزة ايه بالظبط
ليال بغضب من توترها : لا اجننك ولا تجنني عن اذنك
نمر بحدة مسكها وقفل الباب : تعالي هنا انتي متخيلة هخرجك انتي عبيطة اقعدي احسنلك
ليال بعصبية : مش هقعد يا نمر ومن فضلك افتح الباب بابا زمانه جاي ومش عوزاه يجي وانا هنا
نمر بعصبية شديدة : ما يجي ايه المشكلة انتي مش مراتي وهو اللي مجوزنا
ليال بدموع : لا مش مراة حد انا ارجوك افتح الباب بقي من فضلك
نمر بغضب : والله يا ليال ما هتخرجي من هنا الا لما افهم في ايه وليه تصرفاتك دي طالما مبتحبنيش
ليال بدأ التوتر يغلب تصرفاتها وحست انها خلاص اتزنقت ومش قادرة تبرر
نمر استغل ضعفها اللي ظاهر ده وبدأ يوترها زيادة بكلامه : براحتك خالص انا مش متدايق ابدا بالعكس انا كده مرتاح علي الاقل عادل يجي وانتي هنا ونبقي حلينا موضوع كبير بدل ما احنا قاعدين زي الاخوات كده في بيت واحد عشان عادل موجود
ليال بصدمة وبدأت تعرق : ايه اللي انت بتقوله ده انت ازاي بتفكر كده امال فين كلامك وخلاص انسي اللي فات واعتبريني زي ما انا كل ده كان كلام وبس
نمر بعصبية وغضب : انا كنت ملتزم اوي بكلامي انتي اللي اخليتي بيه وانا من حقي افهم ليه عملتي كده ما هو اصله مش حلال غلي سيادتك حرام عليا مفيش مشكله طالما حابة كده تمام انا استني بقي عادل يجي واقوله انك هتتنقلي وتعيشوا معايا واشوف رده ايه " طبعا بيخوفها بس مستحيل يكلم عادل او يقوله حاجة زي دي "
ليال بتوتر وصدمة وهلع : لالالا انت اكيد اتجننت مستحيل تعمل كده
نمر بإصرار : لا مش مستحيل ابدا مش احسن من عيشتنا دي وعامة انا مبتكسفش هقله عادي اي حاجة فاهمة طبعا
ليال مستحملتش ضغط الاعصاب اللي بيمارسه نمر عليها ووقعت من طولها
نمر بفزعة : ليال وقرب بيفوقها ليال
نمر شالها ونزل بيها جري
نمر للشغالة : خلي بالك من الولاد ولو عادبل بيه جه متقوليلوش حاجة
الشغالة : حاضر يا فندم
وخرج بسرعة البرق علي اقرب مستشفي
وواقف علي راس الدكتور وهو بيكشف عليها : طمني يا دكتور مالها
الدكتور بإبتسامة : اطمن اطمن مفيش حاجة طبيعي هي اتعرضت لاي ضغط نفسي النهاردة
نمر بتأنيب ضمير : ايوا شوية
الدكتور : متقلقش خير ان شاء الله طبيعي ده كله الفترة دي اي استريس يأثر عليها
نمر بإستغراب : اشمعني مش فاهم
الدكتور بإستغراب : هو حضرتك مش جوزها
نمر : ايوا جوزها في ايه يا دكتور متقلقنيش
الدكتور بإبتسامة : مبروك المدام حامل
نمر بصدمة شديدة : حامل
الدكتور : ايوا الف مبروك وسابه وخرج
نمر قعد حوالي ربع ساعة يستوعب الكلمة وبدأ يبتسم وكل الخيوط انفكت قدامه وبدأت تصرافتها تتحلل وتوضح
قرب مسك ايدها وباسها واستمر علي الوضع ده وقلبه بيتنطط من الفرحة " الف حمد وشكر ليك يارب انت عطيتني كل اللي طول عمري نفسي فيه عاجز عن شكرك يارب وبدأت دموعه تنزل وهو مكلبش في ايدها "
/////////////////
في المستشفي
الدكتور : يا جماعة لازم تقابل دكتور نفسي وده كان مفروض بعد ما فاقت علطول عشان حالتها متزيدش لان الحالة النفسية بتشمل ٩٠% من العلاج وكده هي بتدمر نفسها علي الفاضي
محمود بوجع : لا حول ولا قوة الا بالله اللهم اجرنا في مصيبتنا واخلفنا خير منها
فريد : خلاص يا دكتور ان شاء الله هنحاول معاها
الدكتور : تمام عن اذنكم
فريد لمهاب : احنا مش عارفين نشكرك ازاي يا ابو فريدة لولا ربنا ثم وجودك محدش عارف كان ايه اللي حصل
مهاب بوجع : متقلش كده ربنا يقومها بالف سلامة مش كفاية كل اللي هي فيه ده بسببي
محمود بيحاول يداري دموعه : لا دي ارادة ربنا يا ابني وانت ما كنت الا سبب والحمد لله علي كل شئ
مهاب في نفسه بيحسده علي تماسكه ده : ربنا يشفيها يارب يا فندم
محمود : ياااااارب
جوة في الاوضة تاج ماسكة ايد خلود اللي بدات تفوفق
تاج ببكاء وبتنفذ تعليمات الدكتور اللي اكد ان المعاملة تبقي طبيعية زي زمان : يا حمارة يا غبية كده قلقتيني عليكي
خلود ببسمة مرهقة وبتعب : معلش
تاج : مفيش معلش والله يا خلود ان عملتي كده تاني ما هحكيلك حاجة
خلود بإستغراب : تحكيلي ايه
تاج بغرور : لا خلاص غيرت رأيي
خلود بتعب : بطلي رخامة بقي مش قادرة اتكلم في ايه
تاج بخجل : اخوكي
خلود بإرهاق : ماله
تاج بغل : مجنون وكلامه وطريقته بيربكوني وحصل موقف زي الزفت النهاردة
خلود بضحكة متعبة : هههههههههههه كنت حاسة والله
تاج " الحمد لله انها ضحكت "
خلود : احكي يلا حصل ايه
تاج حكت لها كل اللي حصل وخلود بتضحك من قلبها علي موقف تاج وكلامها لايناس
دخلو فريد ومحمود الاوضة واول ما خلود شافت فريد ضحكت بتعب : هههههههههههههههه تاج ابتسمت وقرصتها
خلود بوجع : اه يا حمارة
محمود انبسط لما شافها بتضحك
وفريد بإبتسامة : ما تضحكينا معاكي وبعدين متشتميش تاج يا بت انتي
خلود بضحكة : هههههههههههههه
تاج بعصبية : ما خلاص بقي بطلي بواخة والله العظيم ما هكلمك
محمود ببسمة : ربنا يسعدكم يارب بس في ايه
خلود بإبتسامة : ولا حاجة بس تاج قالتلي نكتة
تاج طيرت عيونها من الكدبة
فريد : طيب سمعوهالي اضحك معاكم
خلود : ها بعدين بعدين يلا عشان نروح انا بتدايق من قعدة المستشفيات
محمود : ماشي يا حبيبتي
///////////////////////////////
عند خديجة خرجت من عند الدكتور بعد ما نفذت اللي بتفكر فيه بقالها كتير
فلااااش باك
الدكتور بعملية : حضرتك معندكيش اي مانع للحمل ابدا
خديجة : طيب امال في ايه يا دكتور
الدكتور : هو زوجك كشف قبل كده
خديجة بتوتر : لا
الدكتور : ممكن يبقي هو عنده مشكلة بسيطة وتنحل وممكن ميكنش في حاجة اصلا ويبقي مجرد تاخير عادي خليه يشرفني ونيعمل شوية تحاليل كده وان شاء الله خير
خديجة : اوك ميرسي يا دكتور
الدكتور العفو
بااااااااك
خديجة " وانا هقنعه ازاي بس وهو اصلا زعلان مني كمان اوووف وبعدين بقي "
//////////////////////////
عند نمر ليال بدأت تفوق وهو مستنيها
ليال : اااخ
نمر : سلامتك الف سلامة
ليال بتعب : اااه راسي
نمر قام عدل لها الخدادية تحت راسها وبقت شبه قاعدة وقعد علي كرسي جنب السرير
نمر : حمد لله علي سلامتك كده تخضيني عليكي
ليال وهي بتبص حواليها : انا فين
نمر بتنهيدة لانها هتعرف انه عرف لما يقولها انها في المستشفي : لما اغمي عليكي جبتك المستشفي
ليال بصتله بصدمة
نمر بهدؤ مسك ايدها وباسها : انتي عارفة اول الدكتور ما قالي انك حامل والله كنت هحضنه وابوسه بس قلت هيقول عليا ايه وانا راجل كبير وحلو كده يقول اهبل
ليال بدأت دموعها تنزل
اكمل نمر كلامه وبدأت دموعه تهدد بالخروج و: تعرفي ان ده اجمل واعظم خبر سمعته في حياتي كلها
ليال بصتله بعدم تصديق
نمر : كنت مفكر اني هكمل بقية حياتي لوحدي من غير ما اسمع كلمة بابا دي من اي طفل وعادل قضي علي امنيتي اللي كانت ممكنة بجوازي منك لاني كنت متخيل ان عمر جوازنا ما هيبقي طبيعي ابدا حتي بعد الليلة دي واللي حصل وكنت بحاول انساها وبقول برده عمرنا ما هنبقي طبيعيين زي اي اتنين وعمر ما هيبقالي طفل او طفلة بس سبحان الله ربنا بيقلي اصبر اصبر اصبر وانا هعطيك فرحة قلبك مش هيسعها ولا يستحملها وزيادة علي كل ده ان ابني او بنتي اللي جواكي حاببني وحابب قربي للدرجادي متخيلة ازاي الفرحة جوايا اضعاف اضعاف اي حد
طول ما نمر بيتكلم وهي بتمسح دموعها من كلامه
نمر برجاء : الله يخليكي قولي اي حاجة مش تسبيني مش فاهم حاجة قوليلي اتي متضايقة مبسوطة قولي اللي جواكي واوعدك انك لو متدايقة والله العظيم هتقومي بالسلامة ونتطلق واخده واسافر وانسيني بس متفكريش تعملي حاجة تضره
ليال بعصبية : لو عاوزة اضره كنت عملت كده من زمان
نمر بفرحة ظاهرة : يعني انتي مش متدايقة
ليال ببكاء : فكرت انت اللي هتبقي متدايق عشان مش كنت عاوزنا نتجوز ومكنتش عارفة اقولك ازاي
نمر قام اخدها في حضنه : انتي مجنونة ازاي بتفكري كده طبعا مستحيل وبخبث جديد علي شخصيته : وبعد كده انا قدامك بشحمي ولحمي بدل شغل التيشرتات اللي مش جايب همه وشغل الحرامية ده
ليال بخجل ضربته وفجأة : بابا زمانه روح
نمر بتنهيدة وهو بيفلتها من حضنه : تصدقي انك رخمة حسداني علي حضن يتيم يلا يا ستي نروح لبابا وكمان نفرحه
ليال بصدمة : لالالا يا نهار اسود نقله ايه
نمر بحدة : انتي هبلة هو ايه اللي نقوله ايه وايه نهار اسود دي انتي مجنونة
ليال بدموع : لالا هحط عيني في عينه ازاي مستحيل
نمر بعصبية حاول يتحكم فيها : ليال متجننيش هو ايه اللي احط عيني في عينه ازاي هو انتي جيباه من الشارع انتي مراتي يا بنت الناس
ليال بهيستيريا : ايوا بس انا
نمر بحدة : لا بس ولا مبسش خلصبي يا ليال قومي الله يسامحك لازم تضيعي فرحتي يعني
نزلوا وركبوا العربية وحركوا للبيت
في البيت عادل كان علي اعصابه : راحوا فين دول مقدرش يتغدي
نمر : السلام عليكم
عادل بلهفة : وعليكم السلام ايه يا ولاد انتو فين الخدامة قالتلي انكم خرجتوا من بدري وبكلمكم محدش بيرد
نمر : معلش يا عادل نسيت التليفونات هنا من اللخبطة
عادل : ليه في ايه
نمر بإبتسامة وهو داخليا خايف من ردة فعله : باركلي
عادل بإستغراب : مبروك بس علي ايه
نمر بفرحة مقدرش يخبيها : هبقي بابا ليال حامل
عادل بصدمة : حامل وبتدارك للموقف وفرحة حقيقية لنمر مع غصة في قلبه قرب لنمر وحضنه : مبروووك يا حبيبي الف مبروك
نمر فرح لما عادل متدايقش وغصب عنه عنيه دمعت : الله يبارك فيك يا عادل انا مش عارف اقولك ايه انت سبب السعادة اللي انا حاسس بيها دي كلها جميلك في رقبتي لاخر يوم في عمري ربنا يخليك ليا
عادل اتاثر من كلام نمر وقرر ينسي اسألته في الوقت الحالي
عادل راح لليال اللي واقفة بدموعها وحضنها : مبروك يا حبيبتي الف مبروك ربنا يقومك بالسلامة
ليال : الله يبارك فيك يابابا
عادل " بس ازاي دول ولا باين عليهم حاجة "
عادل بدعابة : امال كنتو شاغلين اوضتين ليه يا عيال ايه شغل الاطفال ده هقول للشغالة تنقلك هدومك بقي يا حبيبتي
ليال بصدموة وخجل : لالا انا
نمر بضحكة : ههههههههههههههههه حرام عليك يا عادل احرجتها
ليال بصتله بعصبية : عن اذنكم هطلع اغير هدومي
عادل : بسرعة عشان نتغدي
ليال : حاضر
طلعت ليال
عادل : فرحان مش كده
نمر بسعادة حقيقية : اول الدكتور ما قالي كان قلبي هيقف من الفرحة الحمد لله علي نعمه وفضله
عادل ببسمة : الحمد لله
خمس دقايق ونزلت ليال وقاموا يتغدوا
/////////////////////////////
عند خالد ودلال
دلال بتتلاشي تقعد مع خالد من ساعة اللي عملخه وهو مستمتع بتوترها جنبه
خالد بخبث : ايه مهتقلبيش من علي القناه دي خلاص زهقت
دلال بهدؤ : بس انا مزهقتش
خالد بجدية : تعرفي من اول مرة سمعت حديتك فيها وانا نفسي اسالك سؤال
دلال بصتله بإستغراب : سؤال ايه ده
خالد : اشمعني بتحكي اكده مع ان عمرك ما نزلتي وقعدتي في القاهرة وحاجة غريبة لهجتك دي
دلال بإبتسامة : خضتني انا قلت في ايه فيا غلط
خالد : لا مش غلط بس غريب
دلال : عادي كل ما كنت اكبر كنت الاقي نفسي لا ارادي بتكالم كده اتعلمت من التلفزيون بس قدام عمك لو اتكلمت كده يا بووووي يقطع خبري
خالد بضحكة : مانتي حلوة اهو ههههههههه حلوة يقطع خبري دي زينة منك
دلال ببسمة : طيب الحمد لله
دلال بهدؤ : انا اللي عاوزة اسالك علي حاجة
خالد: خير
دلال : انت كنت عارف ان جميلة هي اللي طلعت الكلام ده وكنت موافقها علي كده
خالد بإستغراب : كلام ايه
دلال : موضوع خاطر واني كنت مخطوباله والكلام ده
خالد بحدة : وانتي مين قالك ان جميلة هي اللي مطلعاه
دلال بسخرية : ابدا اصلها قالت لام واحدة صاحبتي وطبعا جات قالتلي
خالد بحدة : انتي متأكدة من كلامك ده
دلال : اكيد واحط صوابعي في عنيها
خالد : وقصدك ايه باني كنت عارف
دلال بتوتر : ولا حاجة مقصديش حاجة
خالد بصرامة : لا قصدك قولي عشان متتعبنيش معاكي عشان هتقولي في الاخر يعني هتقولي
دلال بإستسلام : الكلام ده انا سمعته يوم الحنة وفكرت انك كنت عارف وسبتها تقول الكلام ده عشان انا اللي ابوظ الجوازة وتبقي جات من عندي مش من عندك
خالد بفجعة : انتي مجنونة ازاي تفكري كده
دلال بتوتر : امال كنت عاوزني افكر ازاي وانا سمعاكم بوداني وانتو بتقولوا ان الخطوبة كانت لخاطر وانه هو اللي دبسك قدام الناس طبيعي افكر كده
خالد بعصبية : لا مش طبيعي لان ميفكرش اكده الا حد ممريض
دلال بحدة : لو سمحت يا خالد بلاش غلط
خالد : غلط انا برده اللي بغلط اخفي من وشي يا دلال فعلا عيلة صغيرة هقول ايه
دلال بعصبية : قصدك ايه عشان افهم
خالد بحدة مقصديش انا ماشي " لو قعدت معاها دقيقة كمان هقتلها "
دلال خلت خالد نزل ولبست حجابها ونزلت تحت بيت عمها
دلال : السلام عليكم
ناهد : وعليكم السلام يا مرحب يا الف اهلا ومىحب بمرة الغالي
خاطر بضحكة : والنبي مراة عمك دي حكاية ده لو اوباما اللي جاي عندينا مش هتعمل كده
ناهد بضحكة : يوه وهو باما دهو اغلي من دلال يا واد انت
خاطر بضحكة : لا يا ستي دلال اغلي
دلال بضحكة : اراك تتريق يا ابن عمي
خاطر بإبتسامة ممثلا الصدمة : حاشا وكلا يا بنت العم
دلال بضحكة : ههههههههه طنط ناهد ابنك بيتريق عليا
ناهد : قوم يا واد انفض من هنا اوعاك تتريق عليها تاني
خاطر بغيظ : هي جاية امبارح وتطردينا عشانها النهاردة
دلال ابتسمت بإستفزاز ومتعرفش بالعيون اللي بتطق شرار من وراهم علي هزارها مع اخوه
خالد بحدة : سلام
ناهد وخاطر : وعليكم السلام
ناهد : تعالي يا حبيبي اقعد
خالد : معلش يا امه وقت تاني عن اذنكم وبحدة وغضب قريتهم دلال في عيونه : الحقيني يا دلال
قامت وراه مجبرة وخايفة " يا تري ماله "
//////////////////////////////$$$$$$$$$$$$$$
الفصل الخامس والاربعون
دلال يدوب دخلت من باب الشقة لقيت اللي بيشدها ويقفل الباب
خالد بغضب مفرط وصورتها هي وخاطر قدام عنيه : اقسم برب العزة منظر كيف اللي شوفته تحت ده يتكرر تاني ليكون يومك اسود من شعر راسك فاهمة ولا لا
دلال بخوف ورجفة : منظر ايه
خالد بغضب : متطلعنيش من حخلقي يا بنت الناس
دلال بصدق : والله ما فاهمة انت تقصد ايه
خالد وبيحاول يتحكم في اعصابه وهو ماسكها وبتحذير وبيرفع صباعه قدام عنيها : دلع وضحك وحركات زي اللي شفتها تحت مع خاطر ممنوع كلامكم يبقي في حدود سلا وعليكم السلام فهمتي ولا لا
دلال بتبرير : والله ما قصدي هو اللي ضحكني وبعدين طنط ناهد كانت معانا من الاول وهو اصلا مش قصده بيهزر عادي واصلا غريب كده مع نورة كمان عادي
خالد وبيشد علي ايدها : انا بقي عندي مش عادي ماشي وخاطر مش غريب وصلت ولا اعيد
دلال بخوف : خلاص اوك وصلت
خالد : تمام وسابها ودخل الاوضة
دلال بتفرك ايدها مكان مسكته وبإبتسامة " حلو حلو اول الغيث قطرة " ان ما شيبتك يا سي خالد مبقاش دلال
/////////////////////////////
في بيت عادل
نمر عمال بيحط اكل قدام ليال : ما تاكلي يا ليال ايه نقنقة العصافير دي
عادل بضحكة : هههههههههههه يا ابني الله يهديك هي دي اكلتها من زمان
نمر بجدية : لا معلش لازم تاكل قد كده مرتين عشان الطفل بياخد منها كده عشان صحتها
ليال انحرجت ووشها جاب الوان من طريقة كلامه واهتمامه : خلاص يا نمر بقي انا باكل اهو
عادل ببسمة : ها يا حبيبتي منفسكيش في حاجة معينة تاكليها
ليال بهدؤ: لا يا بابا ربنا يخليك ليا منفسيش في اي حاجة
عادل : معقول الواد ده مؤدب كده مبيحبش حاجة
نمر وهو ماسك ضحكته : لا كفاية عليه يحبني انا
عادل بإستغراب : هو لسه جه عشان يحبك انت بتهيص وخلاص
نمر ببسمة : وحياتك بيحبني من قبل ما يجي
عادل هز راسه بقلة حيلة من تصرفات نمر
نمر غمز بإستفزاز لليال
ليال " قليل ادب "
////////////////////
في بيت شهاب
جيهان: مالك
شهاب : مليش
جيهان : لا شكلك مش طبيعي
شهاب بإبتسامة : ابدا بفكر في كلامك
جيهان شرقت في الشاي : كح كح كح
شهاب قام لها مفزوع : اسم الله عليكي يا جيجي اللي يشوفك يقول انتي اللي هتتجوزي مش انا
جيعان ضربته : بس يا قليل الادب بس مقلتليش ايه اللي غير رأيك
شهاب بإبتسامة : حسيت عندك حق وفكرت كويس لاقيت انها مناسبة فعلا
جيهان : لولي لولي لولي
شهاب بضحكة شديدة : هههههههههههههههه بس يا جيهان والنبي سيبي الزغرطة للي بيعرف فيها
جيهان : ها هتكلم اهلها امتي
شهاب : مش عارف والله انا كلفت حد يجبلي رقم والدها وهشوف كده
جيهان اوك ربنا يقدم اللي فيه الخير ويجعلها من نصيبك يارب
شهاب : ان شاء الله
////////////////////////////
محمود : ما تنطق يا ابني في ايه
نمر بفرحة : اتحايلوا عليا شوية
فريد بغيظ : ايه الرخامة اللي حطت عليك دي يا جدع انت مكنتش كده
محمود بضحكة : اه والله عندك حق
نمر بسعادة : مش هرد عليكم عشان متضيعوش فرحتي
فريد بإبتسامة : ما تنجز يا غلس اتصلت بينا وقولتلنا تعالو ضروري اخلص في ايه
نمر بسعادة : خلاص صعبتوا عليا هقولكم بس الاول في اي تخمينات
محمود : انا قايم ماشي
فريد : خدني معاك
نمر بسرعة : خلاص خلاص والله اقعدوا هقولكم
محمود وفريد بنفس واحد : ها قول
نمر بإبتسامة : باركولي
محمود وفريد : علي ايه
نمر بغيظ : ما تباركولي الاول يا جدعان ايه ده
محمود وفريد : مبروك يا سيدي الف مبروك علي ايه بقي
نمر بسعادة حقيقية : هبقي اب ليال حامل
محمود بضحكة : هههههههههه بتهزر صح
فريد : انت بتشتغلنا يا نمر
نمر بغضب : لا والله يا حمار انت وهو هشتغلكم ليه
محمود بضحك هستيري : ههههههههههههههههههههههه يخربيتك يا نمر امال ايه جو الصعبانيات واختي وانا عمو والشغل الاهبل ده انت كنت بتنوم الكل بقي وتضربه علي قفاه
نمر بخجل : هي كانت كده وقلبت بقيت كده انت مالك انت يا جدع
فريد بإبتسامة وقام حضنه : مبروك الف الف مبروك يا نمر ربنا يقومها بالسلامة ويشرف النونو بخير يارب
نمر وهو بيحضنه : الله يبارك فيك يا نمر عقبالك يارب
فريد بدعاء من القلب : يااااااااااااارب
محمود بصدمة : انت بتتكلم جد
نمر بضحكة : ههههههههههههههههه صح النوم يا عم
محمود بفرحة حقيقية نط علي نمر يحضنه : الف مبروك يا عم الف الف مبروك عقبال ما نباركلك علي جيته بالسلامة
نمر بفرحة : اللهم امين عقبالك يارب يا محمود
محمود بإبتسامة : اللهم امين يارب
سهروا سوا وبعدين كل واحد روح بيته
///////////////////////////////
في بيت خديجة ومحمود
خديجة : احم احم
محمود بتنهيدة : خير يا خديجة بقالك يومين عاوزة تقولي حاجة ومترددة خير
خديجة : لا ابدا عادي
محمود : لا مش عادي انا حافظك كويس قولي مالك
خديجة بتوتر : انا اصلي بصراحة
محمود هز راسه بيحثها تكمل كلامها
خديجة بتوتر : اصلي بصراحة رحت كشفت امبارح
محمود بخضة : ليه مالك بتشكي من ايه
خديجة بتوتر : لا انا كويسة الحمد لله بس عشان الحمل
محمود بهدؤ : وبعدين
خديجة : ولا حاجة انا قلت اعرفك بس عشان مبقاش عملت حاجة من وراك
محمود : اها بس كده
خديجة : بصراحة لا
محمود : امال ايه
خديجة : الدكتور طلب يشوفك انت كمان معايا قالي لازم احنا الاتنين نعمل شوية تحتاليل
محمود بهدؤ : اها بس انتي ليه مستعجلة
خديجة : مش مستعجلة ولا حاجة بس احنا الاتنين مش صغييرين
محمود بسخرية : ومين السبب في اننا كبرنا كده من غير ما نتجوز ولا نخلف
خديجة بهدؤ : خلاص يا محمود اللي فات مات خلينا في النهاردة بلاش اسلوب السخرية ده من فضلك
محمود بحزن : انتي عارفة احنا متجوزين بقالنا قد ايه
خديجة : ايوا ليه بتسال
محمود بسخرية : بقالنا اكتر من اربع شهور تعرفي طول المدة دي مقلتيش ولو بالغلط حتي كلمة واحدة حلوة لا حبيبي ولا بحبك ولا اي حاجة للدرجادي بعد كل الفترة دي مفيش اي حاجة ليا جواكي وبسخرية : سبحان الله مش قادرة تحبيني لكن عاوزانا نخلف عشان ايه ترضي غرورك كأنثي انتي انانية اوي يا خديجة
خديجة بدأت عنيها تهدد بالدموع
محمود : عن اذنك واه ابقي خديلي ميعاد مع الدكتور بس هروح لوحدي لانك اكيد عملتي كل حاجة والدكتور طلب يشوفني اكيد شاكك ان فيا مشكلة
خديجة مقدرتش ترد مش صحة لكلامه ولكن غباء منها وبدموع " انا حمار وغبية فيها ايه لو قلتله اللي بحسه وقلتله بحبك وعمري ما حبيت غيرك بس هو عنده حق انا انانية ومغرورة وانانيتك دي هتوديكي في داهية يا خديجة "
//////////////////////////////
اول ايام امتحانات تاج
فريد برة المدرسة والتوتر في القمة عنده من كتر القلق اللي حاسس بيه
فريد بتوتر : دي ايه اللي اخرها كده دي اكدتلي انها مذاكرة كويس
تاج فتحت الباب وركبت وبإبتسامة : سلام
فريد بلهفة : طمنيني عملت ايه
تاج بمراوغة : كده علطول حرام عليك مفيش عصير بسكوتة شوكلاتة اي حاجة
فريد بغيظ : اخلصي يا تاج مش تخليني اتغابي عليكي
تاج برجاء : لا والنبي كله ولا تتغابي عليا انت ايدك تقيلة يا عم شكلها
فريد بإبتسامة : طالما رايقة وبتهزري كده تبقي حليتي كويس
تاج بإبتسامة واسعة شطور يا فري يلا بقي هتغديني فين ومتضحكش عليا زي كل مرة وتقولي بيتزا لا انا ناوية اخسرك النهاردة
فريد بإبتسامة ساحرة : يعني تدلعيني تقوليلي فري واغديكي بيتزا انا يبقي معندييش دم اصلا
تاج بخجل : خلاص بقي انت هتاخد علي كلمة مكنش زلة لسان دي
فريد بسخرية : لا يا شيخة طيب شوفي مين يغديكي
تاج بضحكة : خلاص يا عم مش زلة لسان قولتها بمزاجي من معاميع قلبي يلا بقي عشان جعانة اوي والله
فريد بضحكة : ههههههههههههه ناس متجيش الا بالعين الحمرا وبسرعة : نهار ابيض كلمي عمتي زمانها قلقانة موت
تاج : لا انا كلمتها اول ما خرجت علطول
فريد : ماشي يا ستي ربنا يخليهالك
تاج : اللهم امين
///////////////////////
محمود بصدمة : يعني ايه يا دكتور
الدكتور بهدؤ عملي : يا استاذ محمود كل حاجة ولها حل ان شاء الله
محمود بصدمة : حل ايه يا دكتور انا خلاص هدخل الاربعين بعد كام يوم لسه هتعالج ويا عالم هيجيب نتيجة ولا لا
الدكتور : ولا تقنطوا من رحمة الله
محمود : ونعم بالله
الدكتور : احنا هنبتدي العلاج من دلوقتي وان شاء الله الموضوع مش صعب خلي عندك امل
محمود بتوهان : ان شاء الله " هقولها ايه زمانها قاعدة مستنية دلوقتي "
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
