الفصل الثاني عشر
في بيت محمود الغنيمي صحيت خديجة علي رنة التليفون
خديجة بنعاس : الو
محمود بروقان : اه يا قلبي من دي الو
خديجة انتفضت وبصت في الرقم عرفته وبحدة : خير
محمود بتلاعب : تؤتؤتؤ كده ازعل منك مانتي كنتي قطة دلوقتتي صوتك يا دكتورة يوطي شوية خاصة وانتي بتكلميني
خديجة بغضب : انت والله ما طبيعي عارف مبحبش اكلمك ومبحبكش كلك علي بعضك وبرده بتتصل ايه يا اخي البرود ده
محمود بلع الغصة من كلامها ورد عادي : ما هو اصل مش بمزاجك تحبي ولا تكرهي بمزاجي انا انا اتصل وقت ما ابقي عاوز وانتي تردي
خديجة بسخرية : لا والله واثق اوي حضرتك اني هسمع كلامك
محمود بثقة : اكيييييد
خديجة انغاظت من ثقته وبسخرية : ولا عشان عارف اني مؤدبة ومش هكلم راجل كبير يا عيني عشان اخاف يحصله حاجة انت عارف بقي مشكلات السن وكده
محمود محبش يوضح غيظه : تؤ مش ده السبب خالص ولو اني عندي اعتراض بس معلش كله منك مقبول بس انا بقول هتردي يعني هتردي يلا سلام ده انتي رغاية اوي انتي مصدقتي تلاقي حد يكلمك ويعبرك وقفل السكة في وشها وهو ميت من الضحك
خديجة بصدمة : الحيوان ورجعت اتصلت بيه يكنسل وميردش عليها وانبسط اوي انه نرفذها عشان يقدر ينام
//////////////
عند تاج خرجت المطبخ تعمل اكل لانها سهرانة بتذاكر
خلود جت : بتعمل ايه يا جميل
تاج بتوتر : بعمل سندوتش جعانة اوي
خلود بصدمة : والريجيم يا بنتي احنا مش قلنا مفيش اكل بالليل غير زبادي
تاج بتوتر : الله ما انا جعانة اوي ومخلتنيش اكل حاجة في الغداء ومش قادرة اركز ولا اذاكر
خلود بغيظ : بت انتي شكلي هقطع من نساير والله هو انتي مش انتظمتي من امبارح وقولتي همشي مظبوط علي الريجيم
تاج ببلاهة : ها اه قلت بس يعني قلت اما اخليها لبعد الامتحانات احسن عشان مفقدش تركيزي
خلود : لا يا شيخة
ده كله وفريد واقف برة لسه داخل وقف وسمع كلامهم وطول الوقت مبتسم علي ردود تاج اللي بتوحي بالطفولة بس الطفولة لان في نظره اي بنت في سنها هيكون كل شغلها الشاغل ازاي تلبس وتخرج ويبقي شكلها حلو
محي الابتسامة عشان ميعرفوش انه سمعهم
فريد : مساء الخير
البنات : مساء النور
فريد : غريبة ايه اللي مصحيكم لدلوقتي طيب تاج بتذاكر وانتي
خلود : انا كان عندي تفتيش
تاج اتوترت وفريد تصنع عدم الفهم
فريد : تفتيش ايه
خلود : لالا متشغلش بالك كنت بدور علي حاجة
فريد : اها طيب انا جعان اعمليلي حاجة اكلها " مع انه لسه متعشي بس قال كده لان تاج هي اللي هتعمل لان خلود كسولة وهتمشي فبالتالي هتاكل هي كمان صعبت عليه لانها فعلا بتذاكر ومش هتقدر تركز "
خلود : لا انا نعسانة اوي والله وان قعدت اكتر من كده هصحصح تاج اصلا كانت بتجهز عشا خليها تعملك
فريد : وانتي ملكيش ايدين وانا اخوكي خلصي متخلنيش اقلب عليكي وانتي عرفاني
تاج خافت فعلا يقلب علي خلود كلهم عارفينه : خلاص هعملك انا عادي هي وراها شغل بدري
خلود بتهور : منحرمش منك يا حبيبتي والله خسارة فيك البت دي يا هتلر
فريد بعصبية : امشي يا زفتة من وشي بدل ما اقوم اعرفك هتلر بصحيح
خلود طلعت جري
تاج خافت من عصبيته فقامت تعمله سندوتشات
فريد بغضب : بت قليلة الادب
وبهدؤ عكس عصبيته : هطلع اغير هدومي وانزل اكل
تاج هزت راسها من غير كلام
فريد طلع وراح اوضة خلود
خلود بخوف : خلاص والله اسفة ما هعيدها تاني انا كنت بهزر معاك مش اكتر
فريد : لا متهزريش انتي فاهمة وبعدين ايه البت دي خسارة فيك ها
خلود بغباء : قصدي يعني ان مراتك عسل يعني اكتر منك يعني
فريد بعصبية : انتي يا بت غبية ولا بتستغبي تاج بنت عمتي والاسلوب ده مش عاوز اشوفه تاني انتي فاهمة
خلود بإستغراب : الله ماهي مراتك طيب هو انا غلطت
فريد بيحاول يهدي نفسه : مغلطيش ومتقوليش كده تاني لان البنت اصلا كانت بتكلمني بالعافية يا ام مخ تخين وانا مش عاوز وجودي يوترها عاوز كل حاجة زي ما هي فهمتي ولا لا
خلود بخوف : فهمت
فريد طلع وقفل الباب وراه بعصبية
خلود : يا ماما ايه الهبل ده يا عيني عليكي يا تاج
فريد نزل لقي تاج حطت الاكل وعملت شاي وخارجة
فريد بإستغراب لانه عارف انها جعانه ومشافش معاها اكل : رايحة فين
تاج بتوتر :رايحة اوضتي وخلصت عملتلك اكل وشاي
فريد : طيب لو سمحتي يا تاج تعالي كلي معايا لاني بتضايق لما اكل لوحدي
تاج : ها لا انا مش جعانة
فريد بيحاول يخفي ابتسامته : معلش كلي اي حاجة معايا
تاج هزت راسها ودخلت لانها بتتعامل معاه عادي زي اي وقت مش في دماغها انهم مخطوبين
قعدو ياكلو بهدؤ وهو بياكل غصب عنه عشان تاكل
فريد حاول يمسك لسانه لكن مقدرش الفضول هيدبحه
فريد بنحنحة : احم احم تاج
تاج بصتله : نعم
فريد : انتي ليه رفضتي كتب الكتاب بعد ما كنتي موافقة
تاج : كح كح كح
فريد ناولها كوباية الماية وشربت
تاج بتوتر وهي بتفرك ايديها في بعض : مفيش حاجة
فريد : لا في بس محتاج اعرف معلش
تاج بتوتر شديد : عشان عاوزة اركز في مزاكرتي وبس وبعتبرك اخويا والنوضوع مش في بالي ابدا
فريد براحة : تمام جدا يبقي احنا كده متفقين انا كمان بعتبرك زي خلود الهبلة بالظبط بس انتي عارفة الموضوع اتطور غصب عننا
تاج بهدؤ: عارفة
فريد بإبتسامة : خلاص يا ستي انسي الحكاية دي خالص انا فريد ابن خالك وبس انسي اي حاجة تانية خليكي في مزاكرتك عاوزين مجموع يرفع الراس كده وانا علطول جنبك اعتبريني اخوكي وان احتجتي اي حاجة قوليلي
تاج : ان شاء الله
فريد : اوك يلا انا هروح انام تصبحي علي خير
تاج : الاكل
فريد : خلاص كلي انتي بقي انا شبعت الحمد لله تصبحي علي خير
تاج بهدؤ : وانت من اهله
/////////////////////
صباحا بمنزل عادل النمر
ليال : يلا يا بابا
عادل بهدؤ : انتي مش رنيتي علي نمر
ليال : لا من امبارح من ساعة ما قلتله مرنتش
عادل : طيب رني عرفيه اننا ماشيين
ليال : اوك
نمر بنعاس : الو
ليال باسف : اسفة جدا يا عمو اني صحيتك بس رنيت متعودة تبقي دلوقتي في الشغل
نمر : لالا ولا يهمك انا بس اجزت النهاردة
ليال : طيب انا متصلة اعرف حضرتك اننا هنمشي دلوقتي والولاد اصلا لسه نايمين
نمر : خلاص انا هقوم اجيلهم دلوقتي
ليال بطبيعية : ميرسي يا عمو منحرمش منك يارب
نمر بتوتر : يلا اتوكلو علي الله انتو ومتقلقوش يلا مع السلامة
ليال : مع السلامة
عادل : هيجي دلوقتي
لبال : ايوه قال هيلبس ويجي
//////////////////////
في عربية خلود
تاج : بس هنا يا خلود
خلود : اوك يلا مع السلامة
تاج : مع السلامة
حركت خلود وهي طالعة من الشارع الجنبي عربية بتدخل وخبطوا في بعض وخلود جنونها طارت ونزلت من العربية
خلود : مش تفتح ايه اعمي
ينزل شاب شرقيته لا تتحمل الاهانة وبالاخص وان كانت من سيدة
الشاب بعصبية : ايه قلة الادب والوقاحة اللي انتي فيها دي
خلود :بعصبية : يا نهارك اسود ومهبب انا قليلة الادب ووقحة
الشاب : امال انا
خلود : ايوه انت مش تفتح تشوف الشارع قبل ما تدخل يا بني ادم
الشاب بسخرية وهو بيرملها كارت : اعرفي تصليحها كام وكلميني ابعتهملك معلش اصل اسلوبك بقي قديم اوي في السرقة بس عادي همشيهالك بمزاجي والا كان ممكن اوديكي ورا الشمس
خلود انصدمت ومقدرتش تنطق ولا ترد عليه
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
