ولاد الحومة

شابتر 3

الحلقة_3 بقا سمير عند تاقتها يستنى فيها تطل ولا تحس بيه بصح هي مبانتش..تنهد وكره حياتو كان حاب يشوفها... هبط راسو ودار يديه في جيبو خاطر البرد..رايح يمشي حتى سمع تاقتها تغلقت خزر جيهتها شاف خيالها..تبسم ..عرفها شافتو بصح حشمت ولا خافت مقدرتش تبينلو... سمير: يالالة خليتيني للبرد ..علله مخرجتيش باه نشوفك..بصح ماشي خسارة في عمري..نبات للصباح نستناك المهم نشوفك.. راح للدار رقد تفكرها تبسم..كلما يغمض عينيه جي بيناتهم ..يستغفر ويرقد ..ديما جيه في بالو ويخمم فيها قبل مايرقد.. ... غدوة منذاك كان خدام وجازت عليه الصبح..كان يشوف فيها ويتبسم وهي مهبطة راسها حشمانة خاطر عارفاتو يشوف فيها.. سمير كلاها بعينيه وفرح كي برات ورجعت تقرا... هذاك النهار كانت الشتا طيح كي خرجت ماليسي وهي مزالت مريضة واليوم نهار ليكور..ولازم تروح... سمير شاف الشتا طيح تفكرها ..بقا يخمم كيفاه راح تروح فالشتا هذي وهي مريضة مزالت الصبح كي شافها عينيها مذبلين.. سمير مقدرش يركز على خدمتو فتح برابلي وراح لليسي..يمشي ويزرب باش يلحقها قبل متروح ماهموش واش راح يدير المهم قالو راسو روح..لحق ليسي لقاها واقفة مع صحبتها ماريا متخبيين مالشتا خاطر مجابوش برابلي.. سارة: بففف مكنتش عارفة طيح الشتا.. ماريا: مام انا والله ماما قاتلي ديه انا قلتلها مطيح موالو..حتى هاي طاحت.. سارة: وكيفاه نروحو لي كور ضرك.؟؟ سمير: متروحيش . شافو فيه في زوج مخلوعين..سارة وجها ولا حمر كي شافتو قدامها وهدر معاها.. ماريا: علاه خويا نتا واش دخلك ؟؟ سمير: مانيش معاك..راني معاها.. سارة شافت فيه بقا يشوف فيها اول مرة يشوفها قريبة هكاك.. سارة مقدرتش تهدر بقات ساكتة.. ماريا: سارة ...واش ؟! سارة: هاي حبست الشتا امشي نروحو.. ومشات سمير حس الدم طلعلو لراسو: قتلك متروحيش وطيري للدار .. سارة مخلوعة فيه كيفاه يعيط عليها شافت فيه سارة: وعلاه؟؟ رايحة نقرا ليكور ..وحبست الشتا..امشي ماريا.. سمير: ر*** قتلك طيري للدار..ماشي البارح كنتي مريضة ؟؟ سارة شافت في ماريا مخلوعة وفي قلبها طايرة نالفرحة عارفاتو تقلق عليها اصلا شافتو ساهران عند تاقتها..حبت تزيد تهبلو. شافت في مريا وشدتها ورايحة تقرا ليكور. سمير خلااص هبل هذي تلعلبو على المورال هو خايف على صحتها مالبرد وهي تتقلش عليه ومتاخذلوش الراي. راح ليها خزر فيها وهي تخزر فيه بتحدي ...مالڨري كان مقلق ولا يضحك عليها كفاه تتحدى فيه..حتى هي استغربت..علاه يتبسم.. سارة: خير؟! سمير: والو هاكي برابلي .. سارة: منحتاجش.. سمير: نتي وقيل راسك خشين متفهميش !! سارة: شغلي ...نتا فاش يهمك ؟! سمير : ضرك حابة تهبليني شديه ولا عفطي رماهولها وراح وهي شوف فيه مخلوعة وتضحك.. ماريا: هههههه هبلتيه السيد حرام عليك سارة: خليه يستهل هو مقدرش ينطق يعرف غير يعيط عليا..ههه ماريا': ساعفيه عقليتو هاك..بصح باين ضارب عشقة فيك.. سارة: هههه منامنش حتى يقولهالي ماريا: ههههه خطيرة نتي . .... مشات سارة وماريا يقراو وبدات الشتا طيح فتحو برابلي باش يتخباو..حتى لحقو.. سمير رجع يخدم ويضحك عليها كيفاش كانت تتحدي فيه..يتقلق ويولي يسب فيها بصح كي يشوف عينيها ميقدرش يعيط عليها..حاجة فيهم تجبدها.. لحق وقت لي تخرج فيه..بقا يشوف فالساعة ويستنى فيها جي....حتى شافها جازت من قدامو وفاتحة برابلي تاعو..لحقت عندو حطاتو مهدرتش معاه جات رايحة شدها من يدها تخلعت سارة خايفة: اطلقني كاش واحد يشوفنا خااه سمير: هههه منطلقش.. سارة ميتة بالخوف : اطلقني وعلاه يااربي سمير قرصها من يدها حتى عيطت .. سارة: ااي..ااااه حراام عليك علاه هااك؟! سمير: باش متزيديش تقباحي وطيري لداركم خيرمن كاش واحد يشوفنا.. سارة تقلقت كيفاه يهدر معاها هاك وينقلب حالو في دقيقة هذا الراجل مقدراش تفهمو.. شدت يدها توجع فيها وراحت للدار تمشي وتسب وسمير يضحك عليها