ولاد الحومة

61

.#الحلقة-61:
سارة خرجت الصبح وفرحانة بعمرها رايحة تقرا...تلاقات بماريا.
ماريا مخلوعة فيها
ماريا: حبسي حبسي نتي سارة ؟؟
سارة تتبسم : وي انا هي.
ماريا: قريب معرفتكش وكيفاه خرجتي هاك ؟؟ مخفتيش يشوفك سمير ؟؟
سارة: يروح يرنك معلاباليش بيه كامل ..
ماريا مخلوعة: ااه ؟؟ دوستو ؟!
سارة: لالا حبسنا..ياك حكيتلك واش صار..
ماريا: ايه واش درتو فيها البارح ؟؟
سارة : تفارقنا والسي خونا بايت مع منعرف شكون وانا نبكي عليه ..
ماريا: كيفاه تفرقتو في ليلة ونهار؟!
سارة: سمح فيا بكل سهولة قالي روحي اتزوجي الله يسهل ..وانا نبكي عليه وهو سهران وكي عيطتلو ماسكي نسمع طفلة تضحك..
ماريا مخلوعة: هذي سمير صح ؟؟ سبحان الله كون نشوف بعيني منامنش..
سارة: واش تحبي الرجال كامل رخاس وميسواوش..بصح حاسب نبكي عليه والله معلابالي بيه نعيش حياتي درك بحرية..
ماريا: ممم نستعرف بيك ..
سارة: خسارة عليك..
....
قراو لعشية رجعو للدار سارة تمشي ووتزعبل ..لحقت وين يخدم سمير..مشافتش فيه تمشي وتغني وتتبسم ..
سمير شافها نخلع وجها طابلو ومبدلة لبستها وتمشي كي ابهلولة فالطريق..حس الدم يغلي في راسو..كيفاه خرجت هااك.. مقدرش يشد روحو نسا كامل بلي تفرقو فالدقيقة هذيك..وراح ليها ومهموش حتى اجيران خاطر عرف بلي فاقولهم..
راح ليها شافتو تخلعت..
سمير: وشبي ر** نتي ؟؟ واش الحالة لي راكي فيها..
سارة: نعم ؟؟ نلبس واش نحب مدخلك..
ومشات تعوج في فمها باستهزاء.
سمير شدها من يدها وجه صبعو جيهتها.
سمير: والله والله ونزيد نلقاك هاك نقطعهم فوقك..وقولي سمير ميديرهاش..
وطلق يدها بقوة وراح يخدم..
سارة دخلت لدارهم..طلعت لبيتها غلقت الباب وقعدت فلرض تبكي .
سارة: اااه ياربي هذا درك ميخلينيش في حالي ..يبقا يتبع فيا..والله نعلابالي بيه نوريلو يتحكم فيا..حبس معايا وزيد يحل في فمو معايا..
...
سمير رجع يخدم ويسب ..ويتحلف يزيد يشوفها هكاك يقتلها ..فهم بلي راهي تنتنقم منو..وجاتو الف حاجة في رسو بلي كاشما راهي دير في لافاك.ودخلو الوسواس..
غدوة منذاك راح لفاك الصبح معاها فاكوس وهي مفاقتلوش خاطر لبس فاست وبوني زمان الشتا ومدارتش في بالها يتبعها..
هي لبست نفس البسة وهو رجع يغلي ..
كي شافها هكاك ..
لحقو لفاك نزلت مع مريا يمشو ويضحكو..حتى جبدها من يدها..عيطت..
سارة: اطلقني سمير وشبيك ؟؟
سمير: ماشي هدرت مع ر*** البارح ؟؟ ماشي قتلك متلبسيش هاك ؟؟ تفهمي ولا متفهميش ؟؟
سارة: منفهمش نلبس واش نحب مدخلك فيا سمعت..
سمير: ندخل فهمتي ..ومدام مزلت حي اقطعي رقبتي اذا خليتك تلبسي هاك
وجبدها من يدها وهي تتعوج ..اطلقني.والناس تتفرج وهو ولا علابالو .
جاه واحد اجو قالو واش راك دير ..
سمير : ن** *** بعد من طريقي مرتي وانا حر فيها..
سارة : مانيش مرتك مين جيت مرتك..
سمير: تبلعي فمك وتمشي ولا نريبولك ورفد يدو يخوف فيها..
شافت الناس كامل تتفرج حشمت سكتت ومشات معاه..
وصلو لفيترينة تاع نسا شفت مستغربة وهو شادها من يدها محبش يطلقها باش متهربش..
دخلو للفترينة مول الفيترينة مستغرب..
سمير خير حجاب وقاللها البسيه..
سارة: ننعم ؟؟
سمير: البسيه متفهميش..وهذو جيبيهم معاك لي لابستهم
دخلت لبساتو وخرجت السروال والياكت في يدها..
شدهم قدامها وقطعهم وقاللها روحي تقراي درك...
وراح وخلاها واقفة مخلوعة ومول الفيترينة يضحك