#الحلقة_85:
سمير يشوف في امير مستغرب..
امير تبسم وشاف في سمير .
امير: نتا سمير؟!
سمير دار يديه في جيبو وطلع حاجبو مستغرب : ايه نعم انا هو..كاشما تحتاج عندي ؟!
امير هبط راسو وطلعو شاف فيه..وقرب لعندو وسمير يشوف فيه بكل ثقة..
امير: علابالك علاه حبستك..عندي هدرة معاك ؟
سمير: هات ملخر ..راني مزروب عندي طريق بعيدة
امير ضحك باستهزاء: هذا موضوع يهمك انا ونتا وسارة..
سمير ضيق عينيه فهم من هدرتو بلي عرف بحكايتهم..
سمير: يعني ؟!!
امير : عارف بلي كانت معاك....وانا ميهمنيش ماضيها..انا بغيتها من مدة .قبلك نتا وجامي جبدتلها عليك...خاطر انا نويتها حلال و نتا تمسخرت بيها ...وسمحت فيها..
سمير: اعرف واش راك تهدر ..
امير: راني عارف مليح ...وهذي الحقيقة.....امالا ملخر درك راهي معايا ونشالله تولي مرتي اخطيلها الطريق..
سمير: واش راك تخلط..انا حكايتها نسيتها وخلاص..
امير: منسيتش شفتك معاها نهار الشتا ومحبيتش ندخل خاطر نحبها ومانيش حاب نخسرها فهمت...انا ماشي كيفك...انا نبيع روحي في جالها ...ونديرلها لي تحب ..عندها فايسبوك دير رايها تلبس واش تحب تروح وين تحب منحوسش نفهم المهم تكون مهنية معايا ...وجامي نسمح فيها ..فهمت
سمير ضحك باستهزاء وشاف فيه بتحدي
سمير: انا صح سمحت فيها خاطر ظروفي مسمحتليش ومنقدرش نشدها معايا نضيعلها حياتها...بصح مانيش ديوث كيفك يلعن الرجال لي كيفك...وسارة تاعك راهي ليك...بصح دير في بالك حاجة كاشما يصرالها ولا نعرفك كاشما درتلها رد بالك ندفنك حي...
وراح طلع في طونوبيلتو وديمار...وخلا امير واقف يسب...
سمير يسوق وعقلو عند سارة شاف امير بلي مختلف عليه بزااف...تبسم بقهرة
سمير: هاو جاك ياسارة الانسان المتحرر ماشي متعصب يخليك ديري رايك وكيما تحبي ..تفووو الرخس...
يهدر ويضرب في يدو على الفولو ويسب: اااه ياربي اااه ...كون جا صح راجل وفحل والله نهني بالي عليك معاه...مي هذا معجبنيش. ..خايف عليك يا سارة.خايف عليك بزااف..محاال نخليه في حالو مهنانيش خاطري...
.....
جازو يمات سارة رجعت تقرا وامير رجع يروح ليها بزااف ويخرجها معاه...وهي من فوق قلبها وعقلها ماشي كامل معاه..تتبسم من فوق قلبها...دارلها كامل واش تحب..بصح مقدرش يكسب قلبها
وحد النهار ربيعي قاعدين فالبحر يحكو مكان حتى واحد...قاعدين فالروشيات...
حتى عيطلو صاحبو..قالو راني فالبحر ..ارواح عندنا..
سارة شافت فيه. مخلوعة: كيفاه صاحبك يجي عندنا ؟
امير: علاه ؟؟ صاحبي كثرمن خويا
سارة: بصح انا ماشي خويا..؟!
امير: معليهش درك تعرفيه ...حاب نعرفو عليك...
سارة شوف فيه مستغربة.حتى شافت صاحبو جا..
مهدي: سلام امير لباس؟؟
امير : لباس
خمس معاه
امير: هذي سارة خطيبتي ..
مهدي شاف فيها مالفوق للتحت لدرجة تقلقت منو
مهدي: الله يبارك..متشرفين..
ومد يدو خمست معاه من فوق قلبها..وشوف في امير كيفاه جاياتو عادي ...
امير: ريح معانا نحكو شوي
مهدي شاف سارة عجباتو تبسم : نخليكم براحتكم..مرة وحدوخرا..
وراح..
سارة : منك بصح نتا ولا واش صرالك ؟
امير: علاه ؟!
سارة: كيفاه صاحبك جيبو. عندي وتقولو ريح معانا.؟
امير: نورمال كيما خويا مديريش منها حكاية..
سارة: بفففف امشي نروحو..
امير شدها من يدها نحاهتالو بالزعاف...شاف فيها بغش
امير: وشبيك؟؟ عله ديما تتهربي مني ؟! نسيتي بلي انا خطيبك؟
سارة: منسيتش بصح مزال موالفتكش ..وزيد قلقتتي اليوم..
امير شدها من يدها بغش : شو في ماليوم منحبش حكاية تتهربي مني ولا والله منتفاهم معاك..
سارة: واش راح ديرلي مثلا تبطل ؟! بطل واش تستنى؟!
امير: ر*** باش تروحي عند حبيبك الجوار...غير انساي فالمنام..
سارة مخلوعة فيه واش راهو يهدر
أنت تقرأ
ولاد الحومة
General Fictionجيتتتتتكم بعد غيبة طويلة مجيتش بيديا فارغين جبتلكم كرو فوووور من الواقع وطويلة 93 حلقة تحت عنوان " ولاد الحومة "
