ولاد الحومة

57

#الحلقة_57:
نرجعو لسمير مع سارة نهار عيد ميلادها كان وعدها يجي يشوفها ..
الصبح ناضت سارة فرحانة خاطر راح تتلقا بسمير...
ماريا: غير الخير راه وجهك منور اليوم.
سارة: اسكتي اليوم حبيبي جاي يشوفني يابقرة نسيتي عيد ميلادي ؟؟
ماريا: هههه نن منسيتوش joiyeux anniversaire ..
سارة؛ ميرسي عيشك .
ماريا: املا فيها خرجة وكادوات اليوم ..
سارة: ههه والله منعرف المهم نتلاقا بيه وديجا سمير خرجاتو وحدهم .
قرات سارة الصبح .لحقت 10 عيطلها سمير خرجت ..
تمشي وتتبسم لحقت عندو لقاتو يستنا فيها قدام الطونوبيل ...هو يشوف فيها ويضحك عليها ويقول مهبولة
سارة : صباح الخير ..علاه كنت تضحك
سمير: صباح الخير..هههه نضحك على الكلون تاعي .
سارة؛ انا كلون ؟؟ اعع سمير بركانا مع الصبح
سمير: وعلاه واش خصك على الكلون شوفي نيفك احمر وخدودك حمورا
سارة: ههههه هذي مالحشمة
وطلعو ديماراو ويهدرو
سمير: ممم باين عليك الحشمة ..
سارة شافت يدو قلبتها لقاتها مجروحة
سارة : نتا والله ملقيت مدير تجرح في يدك
سمير: نتي ڨااع نتي ..
سارة : انا ؟؟ علاه قتلك جرح يدك ؟!
سمير: ايه املا شكون..
وعوج فمو يعاود في هدرتها
سمير: راك مع وحدوخرا ونسيتني..راك رايح لعندها روح ...
سمير: ههههه مهبولة
سارة: ايه ونتا مدة مبنتش انا راح عقلي بعيد ..
سمير: اممم اصبري نلحقو وشوفي .
سارة: واش نشوف..
سمير: كي نلحقو وتعرفي ...
سارة شوف فيه وهو يتبسم حتى لحقو للبحر ...
نزلو قعدو فوق الروشيات ..
سارة: امممم شحال نحب البحر..
سمير: اهبطي تعومي
سارة: هههه اععع منعرفش نخافو نحب نتفرج فيه برك..
سمير: امالا كبرتي ..
سارة: ايه ..حقا وين راه كادويا جامي جبتلي حاجة كادو..ديما دير عفسة ڨااع ماشي فالبال..
سمير: هههه حابة كادو ؟ يعني حاجة ملموسة ؟!
سارة: ايه حاجة نخبيها عندي وكلما نشوفها نتفكرك
سمير شدها من يدها وقرصها عيطت..نحا يدو
سمير: اسكتي .متعيطيش
سارة: ااا وجعتني بففف سامط
سمير: نتي حبيتي حاجة ملموسة..هي بقات زرقة كي شوفيها تتفكريني
سارة: بففف مشي قصدي هاك وزيد هذي تبرا مراحش طول ..
سمير: ههههههههه واش رايك نضربك كف.
سارة مخلوعة: اعععع نتا مهبول صح كيفاه تضربني هذا..؟
سمير: ههه وعلاه واش فيها..واش راح يصرالك
سارة: توجعني ونبدا نبكي
سمير: هههههه هذا مكان...
سارة: امالا واش ؟! ونزعف منك ومنزيدش نهدر معاك.
سمير: اممممم وانا علاه جرحت روحي في جالك وبينتلك بلي نحبك..نتي ثان اجرحي روحك درك..
وجبدلها موس صغير..
سارة مخلوعة فيه..
سارة: سمير؟؟ كيفااه نجرح روحي ؟؟ منقدرش..
سمير دور وجهو يشوف فاللبحر: امالا متحبينيش
سارة : والله نحبك بصح..
سمير عيط عليها : بصح واش ؟؟ شدي اجرحي روحك..
سارة شدت الموس وحطاتو على يدها وهو يشوف فيها .وهي تترعد خايفة..
وسمير يشوف فيها .
سارة ولات تبكي خافت مقدرتش تجرح روحها شاف فيه وتبكي
سارة: مقدرتش خفت سمير مانيش موالفة ومعنديش الكوراج..
سمير: شفتي شحال نحبك يالمهبولة انا نسيح الدم في جالك ..هذي عقوبتك باش متزيديش تشكي فيا..
سارة : اممم خلاص منزيدش نشك .
سمير: هذي العقوبة خلاص ريحنا منها ودرك حاب نحققلك امنية قلتيهالي وحد المرة وهذي هي الكادو تاعك..
سارة فرحت وتمسح في دموعها وشوف فيه يجبد من جيبو
سارة: اععع واش جبتلي..
سمير يضحك :درك شوفي..
جبدلها ڨارو وبريكي..شافت فيه مفهمتش
سمير: هه ماشي حابة جربيه ؟؟
سارة حلت فمها مخلوعة: ڨاارو ؟؟ اععع وي قتلك حابة بصح خايفة نتخنق منو.
سمير: متخافيش راني معاك..هه
سارة شدتو.خاسة حاجة غريبة اول مرة جربها وهو يوريلها
سمير: متخليهش يطفا اجبدي وخرجي ثم ثم ..
سارة غير جبدت معرفتش تخرجو تختقت ولات تسعل ..وسمير يعيط
سمير: خرجيه خرجيه..
سارة وجها رجع حمر ..ورجعت ترد فالنفس بسيف وسمير شابع ضحك..
سمير: ههه خلاص ؟
سارة: اعع تضحك عليا قريب مت ..
سمير: ههههه رجعتي كلون تاع صح
سارة: حرت كيفاه تحملو اععع واش داني..
سمير: نتي حبيتي جربيه ههههههه
سارة: خلاص منزيدش اووف اووف ياربي قريب مت ..
سمير: ههه تموتي ..؟! روحي لداركم وموتي متموتيش عندي نحصل بيك.
سارة: اعع صار هاك ..هاني رايحة
ومشات..
سمير وقف يمشي موراها.
سمير: ههه وين رايحة مهبولة؟
سارة : لدارنا نموت..
سمير: هههه خفي خفي
سارة حبست وشافت فيه ..سمير مستغرب
سمير: وشبيك ؟
سارة : سمير حكم عليا ڨارو .دبر راسك جيبو نتا علمتني .
سمير راح ليها يشنشف فيها يضحك وهي تضحك
سمير: هههه يحكم عليك درك يامهبولة قولي ..اليوم نكرفصك امشي قدامي خيرمن كاشما ندير فيك ههه