ولاد الحومة

86

.#الحلقة_86:
امير : ايه ولا دايرة في بالك مانيش عارف خرايبك ؟
سارة: واش من خرايب ؟! واش راك تخلط ؟؟
امير: حكايتك مع سمير الجووار..عارف بكلش بصح ميهمنيش لي فات مات...ودرك راكي معايا وهذا هو الصح..
سارة شوف فيه وتغلي من داخل..
امير: امشي قدامي.
طلعت معاه فالطونوبيل ووصلها لافاك وراح مغشش .
سارة : الله لا يردك يالطيف ..ياربي وقتاش نتهنا منو...
....
دخلت لافاك عيطت لماريا...راحت تحكيلها وتسب وماريا ملقات متقوللها غير تصبر فيها...
سارة: زمر زمر زمر شحال كرهتو البنادم هذا...عارفني منحملوش ولااسق .بفففف يعييي.
ماريا: والله تبقاي حايرة كيفاه معندوش كرامة..
سارة: عند و الزمر...جايبلي صاحبو يحكي معايا لا نيف لا رجلة لا والو..كون سمير. والله ميديرها..بصح يحسرااه..ااه يااربي ملقيتها من حتى جيه...حتى الاختبارات معرفتش كامل كيفاش جوزتهم...
ماريا: معليش حنونة ربي يفرج..
سارة تمسح في دموعها تنهدت مقهورة : نشالله
رجعت سارة للدار..داو عطلة الربيع ...بقات فالدار تهنات من امير يمات ...بقات لاهية مع الفايس ...لقات باج تاع سمير...فتحها لليسوبورتور..تاوعو ..
سماها Samir_the_king كيما كانو يعيطولو....وتقرا لي كومنتار كامل وثم اغلبيتهم رجال...حبت تكومنتيلو مي خافتو.بقات دير غير ليجام ..
وهو شافها..رجع يحطلها شرات ليها...

ارحمني يا قلبي حبها كواني
عييت نخبي فراقها دمرني
عالم بيا ربي وياريتها تفهمني
هم الدنيا سبابي والله مبلعاني..

سارة تقرا وتبكي وناس تكومنتيلو تقولو صارحها...

ومرة حطلها غنية تاع شاب حسام ..

مالڨري تفارقنا مزلتي في #لاميموار
ومرة تاع شاب فيصل
انا عمري توحشتها راني باغي نشوفها
غير روحو ڨولولها مزال قلبي عندها
انا باصيت رحت وخليت لي كانت عليا هابلة
ساعة ديكوفريت بلي انا لي بغيت ولابروف قلبي عندها...

تقلقت سارة وحبت تهدر معاه ....بعثتلو بريفي ..
سمير محبش يريبونديلها عرف الفايس تاعها.بقات تبعثلو..تقلق وجاوبها .
سمير: واش تحتاجي سارة؟!
سارة: هذوك لستاتيات واغنا عليا ؟ لي فالباج تاعك
سمير: ماشي عليك ؟ شكون قالك عليك..
سارة تكتب وتبكي: عليا...والله عارفة عليا.
سمير: متحلفيش. .
سارة: قول والله ما عليا !؟؟
سمير: روحي ترقدي راح الحال..
سارة: منروحش ..ومدخلك فيا..نرقد ولا نندب..
سمير: روحي عند راجلك احكي معاه وين راه ؟؟
سارة: بففف زمر رهج...متهدرليش عليه..
سمير مستغرب: علاه واش دارلك؟؟
سارة: كل يوم يجيبلي صاحبو جديد ..لاقدر لا نيف لا رجلة لا والو..
سمير: صاحبو؟؟ وباللبسة تاعك هذيك وماكياج في وجهك ؟!
سارة عوجت فمها : ايه...
سمير: تفووو رخس هذا دايرك سلعة عند و ولا واش ؟!
سارة: مانيش عارفة خليني منو...يعيي بففف وقتاش نتهنا منو..
سمير: اااه ياسارة كون مقبلتيش بيه رانا لباس..
سارة: واش من لباس نتا خليتني ؟!
سمير: خليتك لضروفي ودرك تحسنت...كون مقبلتيش كون راني جيت خطبتك..نتي تسرعتي...
سارة حلت فمها مخلوعة: سااااامط نكرهك نكرهك ودرك نبقا مع الزمر هذا ولا كيفاه..
وطرطقت بالبكا ومحبتش جاوبو ..
سمير: سارة جاوبيني
سارة تبكي وترجف: مانيش مليحة متهدرش معايا
سمير تقلق: بففف. هاتي ر* النومرو تاعك ..
سارة : علاه.
سمير: هاتي ق**** درك نعيطلك..هاتي...
سارة: اوك..