ولاد الحومة

6

..#الحلقة_6: اليلة هذيك سارة بسيف باش رقدت تخمم فالباك خايفة متربحش بعد عام كامل تاع قراية وليكور...بقات تتقلب حتى رقدت.. من جيهة وحدوخرا سمير جاز على دارهم فليل كان مع ياسين يحكو فالقهوة.. ياسين عيطتلو ملاك صحبتو شاف تيليفون وكوبالها.. ياسين: انا نطلع للدار توحشت حبيبتي نشوفها ونطلع نرقد. سمير: علاه مراكش شوفها ؟! ياسين: ياك علابالك مع الخدمة مانيش نلقا وقت..نجوز على دارهم نشبع منها ونروح. سمير: روح..انا نزيد شوي ونروح انا ثان .. ياسين: وسارة ؟؟ سمير طلع حاجبو: شكون سارة؟! ياسين: ههه سارة ..وليت متعرفش سارة..علاه مدومنديتهاش تكون معاك وهنيت راسك..؟! سمير: شوف ياسين آخر مرة نسمع اسمها في لسانك. ياسين: هههاوووووو هذي ڨاع غيرة..ياو عندي حبيبتي سمير خبط يدو على الطابلة ووقف حتى ياسين مخلوع فيه.. سمير: قتلك آخر مرة تهدر عليها..وبلاك توصلني الهدرة هذي..بيني وبينها ومكان والو.بركا مدير فالتيكيات فوق الطفلة.. ياسين: والله مفهمتك..نتا مريض صح..ياك تحبها علاه مدومنديتهاش مانش فاهمك.. سمير شعل ڨارو : متحوسش تفهم..خاطيك..وديجا نطلع للدار .. ورح يمشي بلعقل..اليل يمات الربيع البرودة مزالت.. سمير يمشي وحاس روحو راح يطرطق..لحق قدام دار سارة..شاف جيهة وين ترقد لقاها مطفية الظو..بلاك رقدت تفكر كيفاه كانت تبكي..تنهد..هبط راسو وكمل للدار..يتقلب ديما جيه في بالو بسيف باش رقد .. لحقت العطلة تاع الربيع..ولات سارة وماريا يروحو يقراو لي كور ..بدلو البلاصة وين يقراو شافو جيهة وحدوخرا زعما بروف مليح.. كل يوم الصبح ولعشية..والبلاصة وين يقراو شوية خالية الطريق خاطر ناس عطلة.. سمير كل يوم يشوفها الصبح تروح تقرا ولعشية جي.. .مزادش هدر معاها .. ماريا : سمير مراهوش يبان ماهوش هنا ؟! سارة: نو راهو هنا..ديما نلقاه الصبح .. ماريا : ماهوش يجي .. سارة: بلاك كره ..خلينا منو..يبقا غير يصرع فيا.. ماريا: من قلبك الهدرة هذي؟؟ سارة: ايه..امشي نقراو عندنا باك منبقاوش لاهيين مع سمير. .. .. خرجو لعشية ..حتى شافوه قدامهم وباين بلي مقلق.. ماريا: عينيه راهم يخوفو..كاشما درتيلو ؟! سارة: مدرت والو..هو مغشش بلا سبة تقول منعرف واش حاسب روحو.. سمير قرب لعندهم..سارة كملت طريقا محبتش تخزر فيه.. سمير : نتي....اي راني معاك.. ماريا: سارة راهو معاك. سارة: عندي اسمي .. سمير: علاه جيتي تقراي هنا خلات عليك وين تقراي ؟؟ سارة: ههه والله مليحة هذي نقرا وين نحب تسالني ؟! خي حالة ياخي.. وكملت تمشي.. سمير يغلي جبدها من يدها حتى وجعها..عيطت.. سارة: اااي.شبيك؟؟ سمير : كي نهدر معاك شوفي فيا...واش جاب ق*** لهنا..معلابالكش طريق خاليا. ...كون كاشما يصرالك ؟! سارة: ميصرالي والو..مانيش صغيرة.. سمير يزير على يدها مالغش حتى وجعها سمير: نتي متفهميش..قتلك متقرايش هنا.. سارة تجبد في يدها: اطلقني نقرا وين نحب مدخلش روحك فيا. سمير: نع*** **** ***** ...واقسم بالله ونزيد نلقاك هنا رجليك نقطعهملك مزال متعرفينيش ... وطلق يدها ومشا .. سارة شدت يدها توجع فيها..ماريا خايفة منو..اول مرة شوفو هكاك.. سمير مشا شوي ودار ليهم : واش تباتو هنا..امشو قدامي.. ماريا شدت سارة ومشاو ساكتين وسمير موراهم حتى لحقو للدار.. سارة خزرت فيه مغشة..وعينيها مدمعين سارة: نقرا ثم ومدخلك فيا ودخلت للدار تجري.. سمير تنهد : الطفلة هذي راح تهبلني واش ندير معاها ياربي..عياتني.. ... غدوة منذاك...الصبح سارة رجعت تقرا جازت على سمير ملقاتوش خدام.. سارة : تهنية منو.. عيطت لمريا وراحو يقراو.. سمير كان فالدار مريض مقدرش ينوض حكماتو الحمى..