.#الحلقة_87:
عيط سمير لسارة رفدتلو وتبكي...
سمير: اسكتي ر*** رجعت نحوس على نومروك ..
سارة: منسكتش مدخلك
سمير: كيفاه واش دخلني..ااه ياربي واش درتيلي مقدرتش نساك..هربت منك لطرف الدنيا ورحعت نهدر معاك كلي مكان ماولو..
سارة: هربت مني وسمحت فيا..علا جال ضروفك ياك قتلك نصبر معاك علاه خليتني سمير حرام عليك...توحشتك سمير. .توحشتك بزااف.
سمير : الله غالب ظروفي كانت قاهرتني . .ونتي. ....نتي زربتي للخطبة...
سارة: مانيش حاباتو وقلت ليما نبطلو مخلاتليش ....هوما جاتهم على قلبهم كي قبلت..
سمير: مشكل...خممت ملقيتش حل
سارة : دبر راسك نتا خلطتها نتا تحلها
سمير: زيدي ق*** عليا نتي ..كون لقيت حل هاني درتو بلا. متقوليلي نتي . ..ومكنتش عارف اذا مزلتي تحبيني ولا نسيتيني
سارة: ساامط نكرهك منحبكش
سمير: امممممم...علابالي
سارة: سمير...قولو لامير بلاك يفهم..هو عارف بحكايتي معاك.
سمير: ميقبلش
سارة: علااه؟؟ جرب نتا واش خاسر؟!
سمير: جا هو هدر معايا وقالي بعد عليها...وهو خطيبك..معنديش حق نتدخل..ولا نسيف عليه..
سارة: مي هذا ميفهمش صح...ودرك واش نديرو سمير؟!!
سمير: مانيش عارفة راها تالفة خليها مع الوقت تبان..
سارة: اوك..
..
جازت العطلة ورجعو يقراو امير ديما يجي يشوفها ويسمط عليها وهي بسيف تتبسم...
وحد النهار الصبح السبت ناضت ..
سارة: صباح الخير يما
حورية: صباح الخير بنتي ..هذاوين تنوضي؟
سارة: علاه واش كاين ؟! واش راكي طيبي ؟؟
حورية: ياك عمك جاي اليوم جايبينلك الدفوع ...ويديرو لادات تاع العرس ..
سارة مخلوعة: بلخف ؟؟وعلاه مقلتوليش ؟
حورية: هاني قتلك روحي خملي الصالون ووجدي روحك..مور الضهر يجو ..
سارة وجدت روحها مع ختها نهال بسيف من فوق قلبها ...
جابو السميد وزغرتو عليه ...ودارو لادات تاع العرس فالصيف...سارة تتبسم من فوق قلبها...وراحو شبعت بكا....
دخلت ديراكت لبيتها..عيطت لسمير..بقات تعيط وتعاود..
سمير رفد لقاها تبكي نخلع : شبيك سارة؟! واش كاين..
سارة مخنوقة قعدت فلرض تبكي مقدرتش تهدر ..
سمير: انطقي ر*** واش دارلك الن*** هذاك؟
سارة: ارواح نفهمك ...مانيش قادرة نهدر فالتليفون..
سمير: وين نجي ؟؟
سارة عيطت: دبر راسك غدوة ارواح نشوفك نفهمك...دبر راسك متقولي والو..
سمير: خلاص غدوة نجي نشوفك...اسكتي ر*** درك..
....
غدوة منذاك سارة تستنا في سمير يجي يشوفها وماهيش عارفة امير ثان جاي....
سمير لحق راح لعندها يهدر معاها وامير لحق موراه ..
امير الدم يغلي في راسو: اااه ياق**** مزلتي معاه...تتلاقاو من ورايا...بصح معليهش درك شوفو.
وديمارا ..
أنت تقرأ
ولاد الحومة
General Fictionجيتتتتتكم بعد غيبة طويلة مجيتش بيديا فارغين جبتلكم كرو فوووور من الواقع وطويلة 93 حلقة تحت عنوان " ولاد الحومة "
