ولاد الحومة

72

.#الحلقة_72:
دخلت سارة لافاك مقدرتش تقرا بقات غير تبكي ...جات ليها ماريا..
ماريا: واش سارة واش صار ؟
سارة: راح سمير يا ماريا راح ..
ماريا : وين راح ؟
سارة: سمح فيا وراح للشرق يلعب في كيبة وحدوخرا تاع بالون باش يبعد دربة وحدة عليا ..
ماريا: وقتاش ؟
سارة: درك الصبح كنت معاها ودعني وراح .
ماريا: معليهش ختيتو حاب يروح ربي يسهل عليه هذو هوما رجال يخمو غير في روحهم ..انسايه وعيشي حياتك ..هو درك ينساك عادي ويلقا لي تنسيه وترجعي ميعرفكش كامل وانتي ابقاي تندبي عليه هنا..ينووم بيك
سارة: صح عندك الحق انا بهلولة نبكي عليه وهو عايش حياتو عادي ..
بثح والله نوريلو حسبتلو نبقا نبكي عليه لازم ننساه كيما نساني
ماريا: ايه انسايه عيشي حياتك ..تطفر فيك برك
سارة مسحت دموعها : ايه عندك لحق والله ندمو على الساعة لي سمح فيا ونخليه يجيني نحلل نرجعلو ..باش يعرف قيمتي ثم باش نريح .
ماريا: امشي نقراو امالا..وكوني قوية سارة
سارة: لازم..
...
الليلة هذيك سمير يتقلب مقدرش يرقد ..فتح الفايس يلهي في روحو .
تفكر سارة دخل للفايس تاعها لقاها حطت فوطوات تع خطبة خاتم وبياس مونتي واعلنت خطبتها وصحاباتها يبوركولها..
قرا شوية لي كومنتار منبعد مقدرش يكمل تقلق ..
حط تليفونو ويخمم في حياتو كيفاه كانت وكيفاه. راح تتقلب من غير سارة..
...
جازو يمات هكاك ..سارة ومريا خمو فتحو قروب سماوه $لاتخشى افتح قلبك فنحن اهلك...
اجوتاو كامل لي زامي من هم سمير