#الحلقة_63:
سارة عنقاتو وتبكي معرفتش واش دير تخلطت كامل ..وهو مزير عليها شغل راح تهرب ..وفي نفس الوقت حاب يشبع منها خاطر هذي آخر خرجة بيناتهم ..
جبد روحو وشاف فيها..
سارة تشهق بالبكا: ع.. علاه هاك..؟؟ سمير متخلينيش سمير حراام عليك ..
سمير تبسم : حرام عليا نشدك معايا ونضيعلك حياتك..هذا لي حرام صح.
سارة : لالا ..نبقا معاك ..نصبر نستناك..
سمير: محال نقبل نشدك معايا وانا معنديش مستقبل..ممكن نقدر نوفر سكنة بصح بلاك منا على 10 سنين هه
سارة: نستناك مهبول تاعي ..والله نستناك.
سمير: مممم تكبري وتولي ماشي شابة ووتولي متعجبينيش..
سارة: اععع سامط ..ياك انا ماشي شابة ملول
سمير شاف في وجها : نن شابة وياسعدو لي يديك.يحمد ربي صبح وعشية..
سارة: هه اممم مداري تقولي ماشي شابة..واش تبدل درك..
سمير: تبدل كلش ..يقولك الوا حد ميحس بقيمة الحاجة حتى يضيعها..
سارة: ننن مزال مضيعتنيش ..مزلت معاك..ونحبك غير نتا ومحال نحب غيرك..
سمير حط صبعو على فمها يسكت فيها
سمير: ششت..درك ترجعي مرت رجل ولازم تحبيه وتحترميه و متخشنيش راسك معاه ماشي كامل يرفدولك هبالك كيفي ..هه
سارة: يروح يرنك ..معلاباليش بيه ..يحبس اذا حب انا اصلا مذابيا ..
سمير : سااارة بركاي مالهبال تاعك..بلاكي تقباحي معاك نقتلك.
سارة : ونتا واش دخلك ..
ياك تكون نسيتني
سمير : ههه محال ننساك يامهبولتي ...تعرفيني بلي نحبك..بصح مكتبش المكتوب .
سارة وقفت : نن محاال نقبل . اليوم نقوللهم مكاش الخطبة نستناك سمير..
سمير وقف وقلب وجهو فيها ..
سمير: ساارة متخلينيش نعيط عليك..قتلك انسايني وعيشي حياتك مع راجلك..خطيك مالهدرة الفارغة..
سارة: صاار هكذا ..قولي حاب تليكيديني باش تلقا غردك..بااين درت وحدة خلااف خلااص درك مليتني..
سمير رفد يدو مالغش قريب ضربها منبعد حبس..وشاف فيها خايفة وغطات وجها..
سمير: يلعن د*** **** النهار هذا..انا يا ق**** نبدلك..حسي بيا يالرب العالي..
سارة : تكذب ..منامنكش ديك الخطرة عيطتلك ماسكي لقيت طفلة تضحك..
سمير مستغرب : انا ؟؟ وقتاش ؟؟
سارة : نهاار قتلي نحبسو فليل..
سمير حبس يخمم تفكر النهار هذاك..كامل واش صار..كان راح يحكيلها الحقيقة باش تفهم بصح خاف تتعلق بيه كثر ..جاتو فرصة باش يبعدها كثر وكثر..دربة وحدة .
سمير: امشي نروحو
سارة: فهمني قبل هذيك شكونها لي كانت معاك..
سمير: ميهمكش ..درك تفارقنا..
سارة : كي نقولك خدااع متقوليش مكاش منها ...نتا والله اكبر خدااع ..وجيب تصاوري لي عندك..
سمير: نن تصاور انسايهم باش نزيرك بيهم متبقايش تلبسي واش تحبي..
سارة حطت يدها في وسطها..
سارة: والله مليحة هذي ..راح نولي مرت راجل متدخلش فيا..
سمير: نتدخل...وكي تزوجي متهمنيش منبعد..
سارة: والله عيب عليك..
ومشات للطونوبيل ..
طلع هو تنهد وديماراو طريق كامل ساكتين كل واحد في واد حتى لحقو لافاك..
نزلت سارة حبست وشافت فيه بكره وهو يشوف فيها رايحة وقلبو يتقطع عليها وعافس عليه..
سارة: نكرهك سمير نكرهك وكون نعرف يصرا واش يصرا منوليش ليك
وخبطت الباب وراحت..
سمير يشوف فيها تبعد قلبو تزير قال
سمير : وانا نحبك ونموت عليك وعمري مراح نحب كيما حبيتك ..
سمحيلي سارة ..جي نهار وتفهمي كلش وتعذريني ...
...
ديمارا والدموع في عينيه حاب يطرطق قارو مور خوه ..مقدرش يشد حبس وحط راسو على الفولو ويبكي ..بالشهقة..
سمير: انا رخيس انا طحاان ...انا منسوالش سمحت فالطفلة لي حبيتها وخنت ثقتها ..
أنت تقرأ
ولاد الحومة
General Fictionجيتتتتتكم بعد غيبة طويلة مجيتش بيديا فارغين جبتلكم كرو فوووور من الواقع وطويلة 93 حلقة تحت عنوان " ولاد الحومة "
