.#الحلقة_79:
غدوة منذاك سارة راحت تقرا الصبح كان الريح و شوية شتا والبرد...تكمشت فالمونتو وراحت تقرا..جات ماريا طلعو فالكوس.
ماريا: واش سارة كاش جديد على سمير
سارة: كاين وبزاااف...السي خونا البارح شفتو فالتليفيزيون..
ماريا : هههههه اههااا وين هذي؟!
سارة: شفتو فالماتش ...اسكتي برك عيطت اسمو قدام بابا ويما مزية مفاقوليش هه
ماريا: هههههه يخاه عليك
سارة: منبعد كملت شفتو فالانترنت حتى خلاص الماتش وكون شو في ماركا زوج بيوت .وااع كان يهبل ...والبيبليك كامل يعيط باسمو...درك نوريلك الفوطوات..
وجبدت التليفون توريلها فافوطوات تاوعو فالماتش وتهدر وفرحانة..
ماريا: مممم مليح راه جايبها..
سارة: ايه لعب فووور مام فلخر فالاستوديو شكروه بزااف.وقالو عند و مستقبل مليح اذا بقا هاك..
شو في اسمعي..
وراتلها الفيديو..وكملت عنقت تليفون فرحانة..
ماريا شوف فيها تبسمت..عارفتها مزالت تحبو...
لحقو لافاك...
قراو خرجو لعشية رجعت سارة للدار شتا طيح قاوية ..مقدرتش تمشي فيها وظلامت عليها حبست خافت تكمل وحدها عيطت ليماها...
سارة: ماما بابا راهو فالدار يجي يوصلني ؟
حورية: مكاشو مزال مرجعش شدوه فالخدمة..
سارة: الشتا قاوية وظلامت خفت نجي وحدي.
حورية: عيطي لامير يجي يوصلك...ياك مايخدمش بعيد لثم..
سارة: بفففف .درك نشوف...
سارة هبطت راسها ومعندهلش برابلي كي العادة دارت قلمونة..وراحت تجري فالشتا محبتش تعيط لامير...ويماها علابالها عيطتلو هي..وقاتلو روح وصلها...
سارة تجري فالشتا رجعت تسيل حتى حست بيد جبدتها...طلعت راسها لقاتو سمير تخلعت .
سارة: سميير!!
سمير بقا يشوف فيها توحشها بزااف ..
سمير: توحشتك قطوسة مزلتي تروحي بلا برابلي ههه حسبتك استعقلتي مزلتي مهبولة..
سارة شوف فيه ساكتة معرفت تبكي معرفت تفرح
أنت تقرأ
ولاد الحومة
General Fictionجيتتتتتكم بعد غيبة طويلة مجيتش بيديا فارغين جبتلكم كرو فوووور من الواقع وطويلة 93 حلقة تحت عنوان " ولاد الحومة "
