ولاد الحومة

22

الحلقة_22: رجعت سارة للدار تريفيزي ..ونسات كامل واش قالت لسمير..لاهية مع الباك تاعها.. سمير بايت يخمم في هدرة سارة تاع نتا باش توصلني نتا معندكش اصلا طونوبيل... سمير: ايه عندك الحق..انا زوالي ومعنديش طونوبيل..من حقك ..وانا اصلا منوالمكش.. يتكيف ويخمم حتى رقد.. ... غدوة الصبح راحت سارة جوز لقات سمير غالق .قالت بلاك مزال مفطنش..كملت طريقها لحقت تستنى فالbus..هي وماريا .. جات bus ركبت وراحت لحقت لاجونس نزلت..  شافت الشوفور لي خلصلهم.. ماريا : سارة ماشي هذاك هو الشوفور لي ركبنا معاه البارح؟!  سارة: ايه هو..حقا قالي سمير ماشي صاحبي .. ماريا: قلتي لسمير عليه ؟!  سارة: ايه سقسيتو شفيها؟! ماريا: هههه منعرف تخافي كاشما يهدر معاه.. هوما يهدرو وجا الشوفور هذاك.. بلال: صباح الخير لبنات..معليش ختي نهدر معاك.. سارة ومرايا محبوش يهدرو معاه..كملو طريقهم.. بلال: سارة.. سارة حبست هذا وين يعرف اسمي..خزرت فيه.. سارة: وين تعرف اسمي ؟!  بلال: نعرف اسمك ونعرفك مليح وعندي مدة نتبع فيك.. سارة خزرت في ماريا مخلوعة.. سارة: وعلاه تبعني!؟ واش تحوس عندي؟!  بلال: عجبتيني ونشالله ناوي الخير.. سارة: انا عندي باك يستنا فيا.. وراحت.. ماريا : كيفاه ناوي الخير؟ سما حاب يخطبك ولا كيفاه ؟؟  سارة؛ مانيش عارفة  ماريا: خااه كون يعرف سمير يقتلو.. سارة: خصني غير سمير وهذا لي منعرف شكونو..عقلي راهو مع الباك ماشي معاهم.. .. جازو يمات تاع الباك وكملت سارة الباك تاعها ورجعت مشوفش سمير بزااف سيرتو مع لعشية ميبانش كامل فالحومة.. تقلقت مفهمتش ولش صرالو ..حتى محوسش يشوفها ...ولا يسقسي عليها..ولا حتي يدور جيهتها  فالفايس لقاتو بلوكاها.. موالف فليل يجوز على دارهم يقعد شحال باش يروح بصح اليمات هذو ماهوش يبان كامل.. سارة: وين راهو سمير بففف توحشتو..  ماهوش كامل يبان .حابة نشوفو..حتى هو محوسش يشوفني.. بقات طل مالبالكون..بلاك شوفو ..ريحتو مكااش.. بقات تتفكر فيه كيفاه كان يعيط عليها كي طل..حست روحها توحشاتو..حتى دمعو عينيها.. وفليل قبل ماترقد تتفكرو تشبع بكا قبل ماترقد.. سارة: توحشتك يااربي وين راااه..معندي نيميرو تاع تليفونو معندي والو ..الفايس بلوكاه..ومكاش كيفاه نسقسي عليه..اه يااربي خلاني هك متحيرة عليه..وعلااه يعني.. زعما يكون كاشما صرالو ..اوااه مشكيتش..كون هكاك راني سمعت..بصح هو ماهوش يبان.. غدوة منذاك..رقدت مناظتش بكري .خاطر بايتة تبكي عليه..من قوة الوحش.. حتى سمعت صوت زغاريد..فطنت معرفتش وين..وقفت ..طلت مالبالكون لقات زغاريد في دار سمير..حلت فمها مخلوعة..لمن الزغاريد هذو..ااه يااربي..ميكونش برك سمير خطب..محاال هذي..كيفاااه يخطب..مكااش منها..ياك انا حبيبتو ..كيفااه يخطب هذا .غير هذي لي محااال نقبلها . فطرت وقالت لماماها رايحة عند الدونديست... لبست وخرجت