ولاد الحومة

34

.#الحلقة_34:
سمير خرج يغلي يمشي ويسب طلع في طونوبيلتو نوضها تسخن وبقا يتكيف ويحس ناار تحرق فيه الداخل .كون صاب يزدم على سارة يديها يخبيها في ڨلبو ميشوفها حتى واحد وتبقا ليه برك ويشوفها غير هو..
ديمار بالطونوبيل وحبس بعيد شوي وعيطلها
سارة شافتو عيط عوجت فمها ورفدتلو
سارة: الو وي .
سمير عيط : ضرك 10 دقايق تكوني عندي راني نستنا فيك وبلاكي طولي .والله متفرا معاك..
سارة مخلوعة مفهمتش واش بيه..
سارة: شبيك سمير؟ واش صار ؟ وين نجي عندك ؟
سمير قاللها وين راه يستنا فيها .
سارة: اوك..اوك هاني جاية..
....
كوبات ووجدت روحها وخايفة مفهمتش واش صار وعلاه كان يعيط غيرما خلاتو لباس بيه ياكل في دارهم.
سارة: بففف الرااجل هذا مفهمتوش.يكون لباس .ثم ثم ينقلب ..ويولي غير يعيط بلا سبة.
..
سارة: ماما رايحة عند ماريا..
حورية: روحي بنتي ومتبطايش..
سارة: نشالله..
خرجت سارة تمشي وخايفة قلبها يضرب مفهمتش واش صرالو ماشي موالف يحوس عليها جيه ...
لحقت لعندو مڨاري يستنا فيها في بلاصة مطرفة
لقاتو برا يستنا فيها ويتكيف ...كي شافها رما الڨاارو وطلع فالطونوبيل.
سارة تنهدت وطلعت معاه..
سمير ديمارا ديراكت مهدر والو معاها وهي شةف فيه راح يطرطق بقات تخمم كاشما تكون غلطت ومفاقتش..
سمير يجري بالطونوبيل وساكت يتكيف
سارة تقلقت منو كي راه يجري..
سارة: نقص سمير راك تجري بزااف.
سمير : منقصش ..
سارة: شبيك سمير علاه راك تعيط عليا ؟
سمير: هكااك خاطر متفهمييش ...وكي نهدر نولي انا الغااالط ..
سارة: شبيك سمير واش كاين ؟!
سمير: البارح كي قتلك ادخلي لبيتك وابقاي نتي تخشني في ر* راسك معايا ..ومخلية الفرخ تاع وليد عمك يكحل عليك رايح جاي وعاجبك الحال .
سارة مخلوعة في هدرتو : منين جبت الهدرة هذي؟!
سمير: متبدايش تر** عليا ..مانيش بهلول جي جوزيهالي...عارف كلش وعارف وليد عمك بلي حاط عينو عليك..
سارة: الله يسهل عليه واش دخلني فيه..
ياك الصح راني معاااك..
سمير: كون راكي دايرتلي قيمة كيما راكي تهدري كنتي ديري خمارك قدامهم وتلبسي المستور ماشي تخليه يكحل عليك يااو شبع منك وهو داخل خارج
انا . انا منسوواااش ولا واش راكي شوفي فيا..؟؟ كيفااه نخلي الرجال تتفرج في مرتي وحابتني نسكت قولي يار***؟!!
سارة غلبوها دموعها كي عيط عليها ولات تبكي وهو يدوس وهي تشهق بالبكا..
سمير: يااااار*** متبكيش ضرك ندخل في حيط ونريح .
سارة غطاات وجها مقدرتش..هو يعيط وهي تبكي.
سمير ولا يغلي ..حبس قداام البحر ونزل ..شعل ڨاارو ويتكيف..
سارة فالطونوبيل تبكي ..وهو براا حاس روحو محروق ويغلي ومبردش قلبو ..
راح ليها
سمير: انزلي .
سارة مسحت دموعها ونزلت ..
هو خبط الباب وشدها من يدها ومشاو شوي وحبسو..
سمير يشوف فيها وهي محبتش شوف فيه وعينيها منفخين مالبكا
سمير: علاه ديريلي هااك ؟؟ علااه تهبلي فيا هااك ؟! ماشي حراام عليك ؟؟
سارة مقنوطة تهدر مخنوقة.
سارة:و...وو..واش درت.. هو لي حاب يديني ماشي انا
اانا انااا نحبك نتا ..
سمير: سارة تحبيني صح ؟؟
سارة شافت فيه : والله نحبك سمير ونموت عليك ومنقدرش نعيش بلا بيك
سمير: انا نعشق جد والديك ياطفلة ..ومنحبش جنس الذكر يدور بيك افهمي ياارستك افهمي..
سارة: عاارفة.
سمير: وكي عارفة علااه ظلي تهبلي فيا علاااه ؟! علاااه متخذليش الرااي .حتى نقتل روحي بااش تريحي ويبرد قلبك ؟! انطقي ياق***..
سارة شافت فيه هي تبكي وهو يعيط..مقدرتش تحمل جرات ليه عنقاتو ...اول مرة تعنقو كانت حاسة روحها محتاجة تعنقو على الاقل يتهدن شوي..
سمير حبس مخلوع كي عنقاتو ...حس روحو فشل مقدر ينطق حتى كلمة وهي تزير عليه وتبكي .
سمير تنهد غاضتو كمل عنقها ويسكت فيها
سمير: خلااص عمري اسكتي ..
سارة تبكي ومكبشة فيه محبتش تطلقو
سمير خلاها في هواها حتى جبدت روحها وحدها
سمير: هيا اسكتي منحبش دموعك
ومسحلها دموعها ..
سارة: علاه ديما تعيط عليا والله نحبك سمير نتا راجلي وروحي وحياتي..
سمير: مام انا نحبك مهبولتي وكون منحبكش منعيطش عليك ..افهمي نغير عليك ياجدك ..راكي مرتي يالعمر وكون نصيب نخبيك في قلبي واحد ميشوفك