#الحلقة_12:
سمير يمشي مور سارة الجنون راكبينو ..ومحبش يخليها شوفو بقا بعيد ويعس فيها وين رايحة..
راحت عند ماريا ..
ماريا شافتها مكحلة عينيها..
ماريا: اهييه ولينا نكحلو عينينا ..خير ههه
سارة: مكاين والو حبيت نكحل برك.
ماريا غمزتها : ماشي في جال سمير هه
سارة: هيهي ماشي في خاطرو كحلت لروحي..ديجا امشي طولنا..
سارة تمشي وماريا معاها ولي تلحق لعندو يتبلاها ...
و احد يقوللها عينيك شابين..واحد يقوللها عينيك يقتلو .
واحد يقولها الله يبارك شابة وصغيرة..
هي حشمت ماشي موالفة ديرو بصح باش تنتقم من سمير..
سمير شافها خلااص هبل للدرجة هذي رخست بروحها..الفرخ لي جوز عليه يهدر معاها وهي عاجبها الحال ..هذي واش صرالها البارح كانت نورمال..اليوم خرجت بعقلية جديدة تليفون وكحل ..
سمير مقدرش يصبر راح موراها حتى وين تقرا ليكور..
قرب لعندهم وهوما داخلين على الوحدة..شافتو ماريا..
ماريا: سارة.سارة..سمير راهو جاي جيهتنا..
سارة : صح؟
ماريا: ايه وباين الجاج لكحل داير بيه..
سارة محبتش تخزر فيه هي صح دارتها بالعاني بصح خافت باش تواجهو تعرفو مقلق وهي قلقاتو لاقصى درجة..
دخلت تجري باش مايوصلش ليها..
قعدت هي وماريا فالطابلة ..سارة قاعدة وخايفة تترعد وتهدر في قلبها ..
هو علاه يتقلق ياك قال معندوش وحدة..بففف الراجل هذا مفهمتوش..
ماريا: واش صار سارة؟؟ كاش مشكل بيناتكم ؟؟
سارة: خليني منو..
ماريا استغربت..رجعت سكتت..
قراو ساعتين
لحقت 3 خرجو ..قالهم البروف تخرجو بكري مشغول ..ايوم
سارة وماريا خارجين..لقاوه يستنى فيهم..
سارة نخلعت هذا راح ورجع ولا قعد يستنى ساعتين هنا !!!
ااه ياربي وجهو ماشي تاع خير..
ماريا: هههه سمير بقا يستنى فيك وكيفاه عرف بلي نخرجو بكري!!
سارة: تبانلي هكاك..واش دخلني فيه..امشي نروحو..
مشات سارة هي وماريا..كلي مكاين والو..جبدت تليفونها شوف الساعة ...
..
سمير مهناهش خاطرو خمم تتلقا مع كاش واحد بقا يستنا فيها..كي خرجت بكري ..وقف وراح ليها جبدلها تليفون من يدها..
سارة: وشبيك ؟! اعطيني تليفون..
سمير: افتحيه..
سارة: منفتحش اعطيني تليفوني..
سمير عيط : افتحيه ..قتلك افتحيه نكسرو.
سارة: واش تحوس في تليفوني ؟؟ اعطيهولي ..منفتحش..
سمير: متفتحيهش والله مشوفيه..
خباه في جيبو وداه..
سارة: واش راك دير؟! رجعلي تليفوني..كيفاه تدي تليفون تاع طفلة ..؟؟ واش هذي حڨرة ولا واش ؟؟
سمير: ايه حڨرة..مليح هاك..
سارة: والله مليحة هذي..رجعلي تليفوني فيه تصاوري والله نلم عليك الناس..
سمير: معلابلي لا بيك لا بالناس تعيطي اقسم بالله غير نكسرو..
سارة: لا حول ولا قوة الا بالله...واش هذا البلا..
سمير: تفتحيه ولا متفتحيش ؟؟
سارة: منفتحش..
جبدو نحا منو لابيس ورماهولها..
ومشا..
سارة: اعطيني لابيس تاعي..وشبيك نتا مهبول ولامريض؟!
سمير: ايه مهبول..ونتي هبلتيني معلابالكش.
سارة: واش درتلك باش هبلتك؟؟
سمير: ماكيش شوفي في روحك طريق كامل والفروخة يتبلاو فيك..
سارة: واش دخلك ؟! متدخلش فيا .
سمير: ندخل ..وتبلعي فمك كي نهدر معاك..
سارة: واش تكون نتا باش تدخل فيا..مراك بابا مراك خويا..متحكمش فيا..
سمير هبل هذي تردلو كلمة بكلمة..ومحبتش تفهم..
سمير: نعل *** ***** ...متفهميش نتي كي نقولك حاجة خوذي الراي متصدعينيش..
سارة: واش تحوس ياك معندك وحدة متحوس تتزوج واش تحوس عندي..
سارة مفاقتش كي هدرتها..
هو سمعها وفهم ودار روحو مفهمش..
سمير تنفس واستغفر..
سمير: عندك الحق معليش انا غالط ومنكون والو بالنسبة ليك وشدي البيس تاعك..ومنزيدش ندور بيك..
ومشا..
سارة في قلبها : هذا واشبيه ياكل في روحو مفه
أنت تقرأ
ولاد الحومة
General Fictionجيتتتتتكم بعد غيبة طويلة مجيتش بيديا فارغين جبتلكم كرو فوووور من الواقع وطويلة 93 حلقة تحت عنوان " ولاد الحومة "
