.#الحلقة_54:
رجع احمد للدار مقلق من هدرة زينب ..ويخمم في هدرتها وعارف عندها الحق بصح ملقاش واش يدير...خمم يسلف دراهم ويبيع الطونوبيل باش يخلص ختو ومنبعد يبني بلعقل..
....
جازو يمات احمد يروح ساعة ساعة يشوف زينب ماشي ديما خاطر مداوسين وهي محبتش تهدر معاه ودير روحها راقدة مرات ومرات تهدر معاه بالتشناف ..
هو فايقلها بصح خلاها في هواها ومولاش يروح ليها كامل خاطر كلما يروح يخرج مقلق من عندها..
يماها دوست معاها بصح هي شادة في هدرتها.
...
فاتو شهرين مور موت وليدهم لزينب واحمد ..سارة دخلت تقرا لافاك..سمير لاهي مع خدمتو من جيه ومن جيه مع البالون مع ليكيب تاعهم ..ورجع معندوش وقت بزاف باش يتلاقا مع سارة وباش يشوفها منين ذاك..برك مام فليل ميهدروش بزااف ..
سارة: الو وي سمير .
سمير: الو واش راهي عمري ؟
سارة: مانيش مليحة..
سمير: ممم علاه ؟؟
سارة: مراكش تعيطلي كامل ومجيش عندي ؟.
سمير: هههه توحشتيني ؟؟
سارة: نن علاه نتوحشك سقسيتك برك..
سمير: مممم بصح انا توحشتك.
سارة: باين علابيها محوستش عليا كامل ..
سمير: الله غالب لاهي مع الخدمة ونتي مع قرايتك محبيتش نعطلك..
سارة: اااه ؟؟ نتا سمير ؟؟ اوااه راك مبدل بزااف واش صرالك.؟؟ من وقتاش تقولي هاك ؟؟
سمير تنهد حزين بصح محبش يبينلها
سمير: ههه كي كنت نقلقلك ونظل عقابك كنتي تتقلقي ودرك تحوسي عليا نقلقك ؟؟
سارة: ايه قلقني قلقني ... كيما كنت ...علاه واش صار باش جبدت روحك.؟؟
علاه موليتش تحبني ؟ قول !! ولا عندك وحدوخرا لاهي بيها ونسيتني
سمير تقلق : انا منحبكش يالمهبولة !!..شبي ق**** درك ؟؟ هذي هدرة تقوليهالي ؟؟ انا ننساك ؟
سارة تبكي : ايه نسيتني متحوسش عليا و...و انا نتوحشك ونتا عالم ربي معامن لاهي..
سمير:نع*** ***** درك على الهدرة هذي؟! انا نقولك لاهي مع الخدمة ونتي تقولي مع وحدوخرا ؟. شكون هذي لي تدي بلاصتك ؟!
سارة: معلاباليش ..
سمير: علابالك راه يقولي راسي نجيك نخلصك على الهدرة هذي
سارة تبكي : اممم
سمير: يعني مامنتينيش ؟؟
سارة: ايه مامنتش ..
سمير: واش حابة نديرلك باش تامني ؟
سارة: مديرلي والو..
سمير: امممممم نقولك واش نديرلك ؟؟ سارة : ميهمنيش .
سمير : ميهمكش يالراسة .ااه كون نحكمك شوفي .
سارة : تعطيني طريحة فهمتك نتا هذا فيمن شاطر
سمير: ههههههه هاك علابالك..
سارة : بفففف سامط رهج نكرهك..
سمير: قولي والله هههه خلاص ابقاي على خير
سارة: رايح لعندها ؟ تهدر معاها ؟
سمير: هههههههههههه شكونها ؟؟
سارة : هي شكونها ..لي راكي لاهي بيها .
سمير: ههههههههههه حق ربي غير مهبولة
سارة : متهدرش معايا
سمير: افتحي الفايس شوفي واش بعثتلك..
سارة : اوك..
..
سارة فتحت الفايس شافت ميساج تعو..
فتحاتو لقاتو بعثلها يدو ..مجروحة بالموس وكاتب فيها #سارة #عيد #ميلاد #سعيد بالدم تاعو..
تخلعت : ااااع واش دار المهبول هذا جرح روحو..
حست لحمها شوك..
بعثتلو ..اععع يالمهبول كنت تقولهالي علله جرحت روحك..؟؟
سمير:نتي حوستي على دليل هاو دليل ..نلقيتش واش نديرلك فاليل هذاظ.
سارة: روح دير الدوا واربط يدك خطيك مالهبال ..
سمير: ممم خليه هاك باش شوفيه الصبح كي ينشف .
سارة: منشوفش امسحو.
سمير: نن نخليه هاك..وهذي هي الطريحة تاعك..
سارة:يالمهبول نحبك والله نحبك
سمير: هههههه مهبولة كبرتي عام رجعتي 19 سنة ..
سارة: هههههه وي قريب نلحقك..
سمير: ههههه بصح متلحقينيش فالطول قزومة..
سارة: سميييييير
سمير: ههههههههه روحي ترقدي غدوة نجي نشوفك..
سارة: نشالله
أنت تقرأ
ولاد الحومة
General Fictionجيتتتتتكم بعد غيبة طويلة مجيتش بيديا فارغين جبتلكم كرو فوووور من الواقع وطويلة 93 حلقة تحت عنوان " ولاد الحومة "
