.#الحلقة_77:
سارة بقات تتقلب الليلة هذيك مقدرتش ترقد ..تخمم في سمير وهدرتو وعرفاتو غار ومن هدرتو باينة ...
سارة: بفففف وهذا كي يغير معناها مزال يحبني علاه سمح فيا علااه يعني ...كيفاه هناه خاطرو يخليني مع واحد منحملوش بففف زمر زمر قدما خدمت راسي مفهمتوش البنادم هذا ...
سمير تقلب مقدرش يرقد راسو وجعو حاب يتكيف مي مقدرش حاب يبطلو باش ينجح فالكيبة تاعو....وزادت قلقاتو سارة بلوكا الفايس كامل مذابيه مايشوفها ميسمع خبارها ...
شد راسو حاسو راح يطرطق منها ويضرب في يدو على قلبو
سمير: لازم نتساها ....لازم قلبي مقهور عليها وتوحشتها بزاااف. ..ااه ياسارة حابة تهبليني ...علابللي كلش راكي ديري فيه بلعاني ...عااارف..وعاارف ظلمتك بزااف ...وجرحتك ...بصح يجي نهار وتفهمي بلي الشي هذا في صلاحك...الحب ماشي كلش فالدنيا كاين بزااف صوالح تتبنى عليهم السعادة...الحب وواقعنا انا ونتي ميتلاقوش.
.....
غدوة منذاك راحت سارة تقرا حكات لمريا كامل واش صاار ...
ماريا: هههههه هبلتيه اصبري نشوفو..
دخلت للفايس حوست عليه ملقاتوش
سارة: زعما نتي بلوكاك ثان ؟
ماريا: منعرف اصبري نحوس بالفايس لوخر..
زادت حوست ملقاتوش
ماريا: مكاشو..هذا بلوكا الفايس كامل ماشي غير نتي..
سارة: بففف زمر ودرك يفتح جديد وين نلقاه..
ماريا عوجت فمها: كان قدامك ونتي سبتو باش غلق الفايس
سارة: بفففف مدرتش في بالي يخليني هااك .
ماريا: نتي حبيتي تنتقمي وهاكي نجحتي !!
سارة: ايه انتقمت منو بصح مبردش قلبي هو بلخف استسلم وهرب
ماريا: واش حباتو يدير...راكي مرت راجل ميقدرش يدخل ..ديجا كون وحدوخر ميقمكش كامل وهو شعل فيك علا جال الفوطو..معناها مزال يحبك...خمي سارة..حاولي تفهمي علاه خلاك...بلاك عند و سبة..
سارة: والله نظل نخمم ملقيتش تفسير ليه...واذا عند و علاه مخبرنيش نوقف معاه..
ماريا: سارة!!! متعرفيش سمير. يديها معاه لقبرو وميقولكش ونتي مزلتي تحبيه غير مكلاه تخبي
سارة تبسمت
سارة: نن منحبوش ...وديجا والله عارفة..عقليتووصعيبة. ...بصح راكي تفهميه مليح ..تقول نتي كنتي معاه..
ماريا: هههههه شفتي وقيل ندور بيه نديهلك نتي ياك متحبيهش..
سارة: ماااريا نقتلك هذاك ديالي..
ماريا: هههههه كي نقولك تحبيه مكلاه تخبي عليا..
سارة: سكتينا خلينا نروحو نقراو...
ماريا: هههههه امشي
....
جاز نهار هذاك لعشية سارة مع تليفيزيون قاعدة تتفر ج وتقلب منا ومنا وتخمم في سمير ..تفكرت نهار ظربولو طونوبيل ومقاللهاش .فهمت بلي هو ميحبش يحيرها بصح هي تتقلق..راحت عند يماها فالكوزينة.
سارة: ماما نسقسيك
حورية: سقسي.
سارة: ماما نهار ضربولو سمير جارنا الطونوبيل نتي مسمعتيش؟
حورية: نن سمعت ورحت حمدتلهم
سارة مخلوعة: وعلاه مقلتيليش ؟
حورية: وعلاه نقولك...باش تتعلقي بيه كثر وهو لا مستقبل لا والو...
سارة قلبها وجعها على سمير..
سارة: بصح هو فحل ووليد فاميليا..
حورية: ايه بصح امير خيرمنو
سارة: بففف بصح..
حورية: روحي ديرلي شان تاع دزاير نشوف ااذان راني صايمة اليوم..
سارة : اوك
دارت شان تاع دزاير طاحت مع الاذان سواسوا..
سمعاتو حتى كمل ...بقات تخمم في سمير حست راسها راح يحبس ..
كان يلعب ماتش وهي ماهيش معاه كامل..
جا باباها ..فيقها من غيستها
صالح: واش سارة تتفرجي الماتش ؟.
سارة تفرفشت وتبسمت: هههههه لا لا درك نبدل..
جات تبدل حتى شافت بيت ماركاه
#سمير ...حلت فمها مخلوعة...هذا هو سمير؟؟.
عيطت : سمييير..
شافو فيها باباها ويماها في زوج وهي وجها حمار مالحشمة
أنت تقرأ
ولاد الحومة
General Fictionجيتتتتتكم بعد غيبة طويلة مجيتش بيديا فارغين جبتلكم كرو فوووور من الواقع وطويلة 93 حلقة تحت عنوان " ولاد الحومة "
