ولاد الحومة

66

.# الحلقة_66:
نرجعو لسمير لي ديمارا رايح عند صاحبو ياسين ..فالقهوة
سمير: اهلا ياسين.
ياسين: لباس سمير..ريح..
جبد سمير كورسي ورما روحو قعد.
ياسين: وشبيك لعزيز ..تبانلي كاره .
سمير: مكاش..جيتك على السوجي هذاك..لي قتلي عليه..
ياسين: مم حاب تروح لثم ؟؟
سمير: ايه وفي اقرب وقت..
ياسين : ايه هذا هو وقت الميركاتو..
سمير: علا هاذي جيت ليك باش شوفلي مع السيد ونهدر معاه..
ياسين : وكيفاه حتى بدلت رايك؟
سمير هكاك حاب نبدل الحالة شوية.
يقولك تحركو ترزقو..
ياسين : بصح علابالك متقدرش جي للدار ديما على حساب لي ماتش..
سمير: علبالي..
سمير في قلبو انا اصلا حاب نبعد..وعلى هذي جيتك.
ياسين : درك نعيطلو ونشوف .
رفد ياسين تليفونو وعيط..
....
ياسين: الو شاف .واش لباس.
...
ياسين: ايه عيطتلك على اجوار لي قتلي عليه مزلت شاد في رايك !؟
...
ياسين: ايه راهو قابل ..وقتاش تحب نتلاقاو ؟؟
...
ياسين : غدوة نشالله.
ايا مليح..ابقا على خير..
....
سمير: واش قالك !!
ياسين : قابل ومزال فلعرض تاعو..وقالك غدوة نتلاقاو ..
سمير: ياك علابلو نلعب اتاك..؟!
ياسين : ايه علابالو هو شافك فالماتش تاع الكاس ..فالمرة لي فاتت..
سمير: ممم مليح..
ياسين : نشالله تصدقلك برك..
سمير: نشالله حاب نجرب ونشوف ..
...
كمل سهر سمير وياسين....سمير حاب يلعب في ايكيب من ولاية وحدوخرا تكون بعيدة باش يبعد على الحومة وعلى سارة..
رجع فليل للدار حبس بالطونوبيل يشوف فالتاقة تاعها ..تنهد ونزل غلقها ودخل للدار...
دخل شاف ختو داخلة لبيتها والحزن في عينيها ..تنهد ودخل لبيتو ..بسيف باش رقد وهو يخمم في سارة وفالمستقبل وش راه مخبيلو..
...
غدوة منذاك الصبح ناض يشرب في قهوتو مع يماه .
يماه قاعدة حزينة..حطتلو القاطو تاع دار سارة شافو طبع التبسي محبش ياكلو..
فطيمة: كول القاطو سمير..خبيتولك ليك ..
سمير: مناكلش..شوفي زينب تاكلو..
فطيمة: موالف تاكلها ...وشبيكم حتى زينب محبتش .
سمير: علاه واش بيها ثاني..
فطيمة : مكاش..بصح هاك عارف الشرع مع راجلها..محبش يطلقها وهي خشنت راسها وحابة دير خلع..
سمير تنهد : بنتك هذيك خصها المطرڨ..الراجل لباس بيه معندو ميديرلها..
فطيمة : والله عييت فيها وراجلها حلف فيها غير الطلاق مشوفو...
...
سمير: ايه..يدبرو ريسانهم ..وحكايتو مع ختو ..فراها ؟؟
فطيمة : ايه مدلها دراهمها وراهو يرجع فالدين تاع الناس بلعقل ..حليلو المخلوق ..وزاد لحق عرس سهام ختو..والله حصلة...
سمير: يمدها هكاك شرط عليه العرس..
فطيمة: نتا متعرفش احمد..يحشم..لازم يدير عشا..
سمير: ايه يدبر راسو..
ورفد روحو خارج..

سمير: يما اليوم بلاك نبطا رايح للشرق عندي طريق..
فطيمة: خير واش راح دير ثم ؟
سمير: مكلش شغل برك.قتلك باش متتقلقيش..
فطيمة: ربي يسهلك وليدي..
سلملها سمير على راسها..
سمير: ادعيلي يما
فطيمة : روح ياوليدي ربي يفتحها في وجهك ووجهك خاوتك ويفرحكم..
سمير تبسم: نشالله يما..ارضاي علينا برك..
فطيمة: راضية عليكم غير اتهنا.
لبس سمير وخرج طلع فالطونوبيل تاعو..حتى شاف سارة رايحة لاحفافة ترجعلها دوزانها ويديها في جيبها وحزينة..تنهد هبط راسو..ونزل..
هي تمشي وهو موراها حتى بعدو شوية على الدار هي محستلوش غايسة حتى حست بيد جبدتلها ڨوغمات رقيقة لابستها في يدها جبدها قطعها ورجع مارش آريار..
شافتو نخلعت خبست
سارة: وشبيك رجعلي ڨورماتي!!
سمير: نن خليها عندي ..
ورجع وخلاها واقفة تغلي من قوة لي مديڨوتيا محبتش تزيد معاه ..كملت طريقها تسب وتغلي
سمير رجع للطونوبيل علق القورمات فالطونوبيل وتبسم
سمير: متتقلقيش راح نبعد عليك ومتزيديش كامل شوفيني..احسن ليك وليا..بصح نخلي هذي عندي سوفونيغ ..