ولاد الحومة

56

.#الحلقة_56:
احمد يشوف في زينب مشوكي متوقعش تقولو طلقني..اااخر حاجة توقعها منها ..علاه يعني مقدرتش تتحمل المشاكل لهذي الدرجة وطلبت الطلاق وهوما اصلا مكملوش العام ..
فطيمة وسمير مخلوعين فيها..
سمير محملش خرج قعد فلكوزينة وراسو بين يديه تنهد من مشاكل ختو وراجلها لي محبوش يخلاصو..
فطيمة : وشبيك بنتي واش وصلك لهذي الهدرة ؟
زينب تهدر وتبكي : ايه يطلقني مي تزوجنا ماتفاهمنا غير المشاكل والزعاف وزدت خسرت وليدي من جرة المشاكل هذو..مانيش قادرة نتحمل كرهت يونامااار كرهت ناس عايشة وانا غير فالهم وزيد مزلت منسيت وليدي وجاي تضرب فيا ..
وحطت يديها على وجها وتبكي .
احمد ساكت استغفر مالقري كلش حس روحو اتسرع كي ضربها هي محروقة على وليدها وهو خبا عليها مكانش قصدو يتمسخر بيها..قصدو يبعدها على المشاكل بصح هي فهمت العكس..
احمد قرب لزينب : زينب..
زينب : روح خليني مانيش قادرة نهدر..
احمد يشوف في فمها لي يسل بالدم وهي تمسح فيه خاطر ضربها كف قاوي..تنهد واستغفر..وفطيمة شوف فيه..
زينب ناضت تمسح فالدم وهو رفد روحو وخرج ...خبط الباب وراح..
..
فطيمة : واش هذا يابنتي الله يهديكم..وصلتو للطلاق من اول مشكل ؟؟ اصبري يابنتي ..
زينب: واش نصبر؟! لا دار لا طونوبيل وزيد الدين تاع الناس منعرف شحال من مليون بخدم عليا درك ولا على الدين ؟؟ وباه يبنيلي داري ؟؟ ااه ؟؟ وزيد ولدي مات بسبتهم من زعافهم..ومكاش حاجة تربطني بيه..يطلقني وكل واحد في حالو..
فطيمة : هذا لي قريب هبلتي باش ديتيه وقلتي زعما تحبيه ؟؟
زينب: يلعن الحب وساعتو..
ودخلت في فراشها باش ترقد...
....
احمد راح للدار يغلي قارو مور خوه هدرة زينب بقات في بالو ..طلقني ...بقات تتعاود في راسو..كيفاه حتى وصلو للطلاق ..وين راح الحب تاعهم وياماتهم..لهذي الدرجة المشاكل والدراهم قدرت تفرقهم!!! ودرك واش راح يدير؟؟ يروح يسرق ولا كيفااه ؟!
احمد يهدر ويضرب على الفولو :اااه يازينب علااه ديريلي هاك ..علااه تقلقي في ق**** حتى ضربتك..ماساعفتينيش وحبيتي تهبليني ...درك واش راح ندير منين نجيب الدراهم ..محاال نقدر نوفرهم في مدة قصيرة..ااه ياربي ملقيتش روحي..وااش ندير حصلت يااربي..
راح للدار ...بسيف باش رقد يتقلب..جازو يمات كلما يعيطلها مترفدش تليفون مطفياتو وكي يروح يشوفها متحبش ومرة دخل ليها بسيف محبتش تهدر معاه...
هو رغم كلش حس روحو حڨرها كي ضربها ومحبش يلوح الذنب فوقها كلش يرميه فوقو ..ومشكلتو يحبها وتوحشها بزااف عندها بزااف شهور ملي بعدت عليه ورجع يبات وحدو وفلخر ضربها ومحبتش شوفو وحسها كرهاتو وزاد خسر وليدو...
قاعد برا فالبحر ويعيطلها محبتش ترفد عليه..
احمد يسمع فالغنا ويبكي على زهرو لي ديما عاكسو ملي كان صغير مشلفش الربح من صغرو شاقي وزاد اقرب الناس ليه تخلاو عليه..
ولي قاستو كثر هو #زينب حبيبتو ومرتو لي حسها كرهاتو وهو يعشقها ويموت عليها ومحبتش تسمحلو ...
يبكي ويسمع في اغنية تاع وحيد ويبكي..
يالال يالالل
باش نسمح فيك عمري محال
عشقك نتي قتال لرواح
بايت نبكي حتى للصباح
وليلي راني ندمان
انا ونتي عايلة وحدة
جامي نخليك اه يالكبدة..
ملي رحتي راني مغبون
طفيتي عليا التليفون
شكون سبابنا شكون ..