.#الحلقة_35:
سمير : هيااا اسكتي يزي مالبكا !!
سارة تمسح في دموعها
سمير: متزيديش تبكي تولي تخوفي هه
سارة: اضحك اضحك..نتا لي بكيتني بااعياط تاعك.
سمير: ممممم ومزال تزيدي تبكي معايا
سارة: ااه ..علاه يعني؟؟!
سمير: هكاك نحب نبكيك هه
سارة: خااه نتا مهبول ..في عوض لي تقولي منخليكش تبكي معايا ميخصك والو .نتي حبيبتي كيما يقولو فالافلام ونتا تقولي نحب نبكيك !!
سمير: ممم ايه هذيك فالافلام ماشي هنا ...
شاف في تليفونو شحال الساعة ..
سارة خطفاتولو وتقلب فيه ..لقاتو مغلوق..
سارة_: افتحو .
سمير: نن...منفتحش..
سارة : باين كاشما راك مخبي عليا علاه محبيتش تفتحو..
سمير: ايه راني مخبي فيه
سارة مخلوعة فالجراة تاعو..
سارة: خدااع واش راك مخبي والله ضرك تفتحولي..ولا منزيدش نهدر معاك.
..
زعما شنفت..
سمير: انا والله منخدعك
سارة عوجت فمها : ممم باين
سمير يضحك عليها : افتحيه نتي وش
سارة: معنديش الكود .؟؟ واش راك داير
سمير :ههه الكود تاع قلبي عرفتي وهذا معرفتيهش ؟؟
سارة تبسمت : مهبول..افتحولي نشوف ونتاكد..
سمير قعد مقابل البحر فوق الحجر ..هي قعدت قدامو
بقات جرب اسمها واسمو محبش يفتح..
سارة: جربتهم كامل مفتحش واش راك داير..
سمير: خمي انا واش نعيطلك ؟؟
سارة خمت خمت معرفتش
سمير: هههه مهبولة صح..
سارة: مممم مهبولتي....عرفتها..
كتبت مهبولتي فتح..شافت فيه وتضحك..
سمير يشوف فالبحر وهي دخلت تحوس فالتلفون فليميساج ملقات والو غير الميساج تاعها..
قلبت الفوطوات والفيديوهات نخلعت..
شافت فيه..
سارة: سمير ؟؟ وشنو هذا؟؟
سمير: نتي واش راكي شوفي؟!
سارة: فوطوات تاوعي..فالطريق فالخومة خارجة مالدار ..نطل مالتاقة..حتى ننشر فالحوايج هههه مهبول صح نتا !!!
سمير : ممم باش تعرفي شحال نحبك..
سارة شداتو من يدو فرحانة بالمهبول تاعها : وي عرفت وعرفت بلي نتا صح مهبول تاعي..ونحبك ..
سمير شاف فيها في عينيها وتنهد حتى هبطت عينيها حشمت منو كي ركز معاها.
رجعت تحوس فالتليفون وهو شعل ڨاارو مكاش حاجة تريحو وطفي نار لي في قلبو كيفو..
سارة قلبت كامل الفوطوات ملقاتش الفوطو تاع العرس..
سارة: سمير وين راهي الفوطو تاع العرس ؟!
سمير: نحيتها.
سارة حلت فمها مخلوعة كانت حابة شوفها ومفهمتش علاه نحااها.
سارة: علااه نحيتها ؟؟ وانا بقات في قلبي حابة نشوفها بففف سامط
سمير ينفخ فالدخان وشاف فيها
سمير: تحبي نعاودوها ضرك وصوريها..
سارة حشمت وجها رجع حمر : اععع اسكت ..
سمير: ههه علاه ساهلة انا معنديش اشكال..
سارة غلقت وذنيها: سميييير اسكت ..اعععع
سمير وقف: املا امشي نروحو
سارة: وين مزال الحال..خلينا نشوفو البحر قعدة رومنسية..
سمير شدها من يدها ونوضها
سمير: نوضي يابنت النااس كون نزيد شوي معاك شوفي الرومنسية تاعي كيفاه دايرة..
سارة عوجت فمها ومشات لحقت عند الطونوبيل وسمير جاي موراها ...حبست ورجعت لعندو .
شاف فيها مستغرب..
قربت لعندو ودارت فوطو هي وياه..
سمير خزر فيها..هربت .
سمير: هههه خوافة
أنت تقرأ
ولاد الحومة
General Fictionجيتتتتتكم بعد غيبة طويلة مجيتش بيديا فارغين جبتلكم كرو فوووور من الواقع وطويلة 93 حلقة تحت عنوان " ولاد الحومة "
