.#الحلقة_60:
سارة طلعت فالطونوبيل طريق كامل تبكي وتعاود في هدرتو في راسها كيفاه سمح فيها بكل سهولة..وهي حابة توقف معاه وهو جاتو عادي..
هو كان يبين القوة والقسوة بصح محروق في قلبو كلش قالو ودارو من فوق قلبو ..الله غالب كون جات ظروف احسن كان راه خطبها وحطها على اسمو بصح الضروف جات عكس والمكتوب فرق بيناتهم..
سارة تبكي غطات وجها وتشهق مقدرتش تتخيل بلي هذي اخر مرة معاه وتهدر معاه..يعني كلش خلاص ...غير البارح كانو لباس ويضحكو ..كيفاه انقلبت بيهم ظربة وحدة..
سمير يسمع فيها تبكي طريق كامل وهو مصغوط مقدرش يتحمل ..فرينا دربة وحدة ...حتى سارة عيطت وشافت فيه .
سارة:اييي شبيك ..!!
سمير حط راسو على الفولو ورجع رفدو..وعيط
سمير: اسكتييييي بلعي ق**** فمك منحبش نسمعك تندبي على راسي..
سارة حبت فالدقيقة هذيك تقتلو..
حتي البكا ومخلاهاش...سكتت حتى لحقو فتحت الباب ونزلت وخبطتها ..سمير فشل مكانش حاب توصل حكايتهم لهنا...بصح الله غالب .. دور الطونوبيل وراح للبحر قاعد ويغلي ...قارو مور خوه حس روحو مخنوق وحاب يعيط ...
..
سارة دخلت للدار تجري ..ترمات في فراشها تبكي...يماها شافتها فهمت بلي سمير قرر يبعد عليها كيما قاتلو..خلاتها في هواها..
...
اليلة هذيك سمير مدخلش للدار بايت سهران برا..مع صحابو مجمعين باش ينسا ونيبقاش يخمم فيها..
وهي بايتة عساسة عليه في تاقتها مقدرتش ترقد وهو ملي خلاتو مرجعش للدار..ومن جيهة باش تعيطلو كرامتها مخلاتهاش ...بقات هكاك تتقلب مقدرتش ترقد...
معنقة مخدتها وتبكي وتخمم في هدرتو ..
تقلقت عليه 3 تاع الصبح مبانش..تنهدت دارت ماسكي وعيطتلو...هو رفد عليها كي لقاه ماسكي مهدرش..وهي سمعت صوت طفلة تضحك..
شدت في صدرها حست قلبها راح يخرج مخنوقة....كوبات..
سارة: صاار هكذا ياسمير..انا نبكي عليك ونتا ساهر برا معها ..ااه ياربي انا شحال جايحة وحسبتك راك تضحي في حالي ونتا لاقي غرضك..معليش بصح ..درك نوريلك شكون سارة يالخدااع ولله ندمك على النهار لي عرفتني فيه..
...
رقدت مهنية كي خممت تنتقم..والصبح ناضت تشرب قهوتها ..
حورية: صباح الخير بنتي..
سارة: صباح الخير..ماما..
سارة : ماما حبيت نقولك على امير وليد عمي..
حورية مستغربة : واش بيه ؟
سارة: قوليلهم راني قابلة...خممت في هدرتك لقيت عندك الحق..ووقت ماحبو يجو مرحبا
حورية فرحت : متاكدة بنتي ؟!
سارة: ايه متاكدة..
طلعت سارة تبدل وخورية حمدت ربي كي قبلت ..
..
سارة لبست وكحلت عينيها وغوج خفيف وبارفان..وبدلت كامل اللوك تاعها..وطالون..والصاك..
وشافت روحها وتبسمت
سارة: سارة القديمة ماتت درك نوريلك يا سمير ولد فطيمة شكون سارة ..اصبر شوف اذا مرجعتكش تبكي عليا منتسماش سارة بنت حورية.
وغمزت روحها ونزلت
أنت تقرأ
ولاد الحومة
General Fictionجيتتتتتكم بعد غيبة طويلة مجيتش بيديا فارغين جبتلكم كرو فوووور من الواقع وطويلة 93 حلقة تحت عنوان " ولاد الحومة "
