#الحلقة_11:
جازت السمانة هذيك عادي سارة كل يوم تروح تقرا جوز على سمير الصبح تتقلش عليه..متحبش شوف فيه..وهو يضحك عليها يعرفها مهبولة..
بصح فالفايس يحكو كل يوم .فليل..
سارة : نسقسيك معليش ..
سمير: سقسي معليش.
سارة: عندك وحدة في حياتك؟
سمير سكت بقا يخمم واش يجاوبها..
سارة تستنى فيه يجاوبها..محروقة وتعرف واش يجاوبها بقات تهدر مع روحها..
يااربي ضرك يجاوبني ونعرف ..هيا هيا هيا خف خف...بففف طول..ههه هاو بعث
سمير: لا معنديش ..
سارة تقرا وتعاود مامنتش كيفاه معندوش هذا..؟! وهي واش تكون بالنسبة ليه!؟؟ يتمسخر بيها .
سارة تهدر مع روحها:صحا ياسمير نتوما الرجال كامل كيف كيف..تظل تمعنيلي بلي تحبني وفلخر تقولك فالفايس اذا عندك تقول معنديش يعطيك الصحة..
...
رجعت تغلي وتضرب في رجلها قلقها الجواب تاعو..كانت طامعة يقوللها عندو بصح هو نكر..
سمير شافها طولت ...بعثلها
سمير: علاه مامنتيش ؟؟
سارة: نقولك الصح مامنتش خاطر نتوما الرجال كامل عندكم..وحدة..
سمير: هه ماشي كامل..وانا مانيش نخمم فالزواج اصلا..
سارة حلت فمها مخلوعة وتسب مع روحها.
سما يتمسخر هذا عيني عينك..يعطيك الصحة مزية لي جيت شاطرة وفقتلك..يعطيك اصحة يا مارك كي درتلنا الفايس..هاني كشفتو على حقيقتو وكشفت نوايا تاوعو.
بصح مزال نيعرفنيش والله نوريلو والله نخلفلهالو. اصبر برك يا سمير يا ولد فطيمة وشوف سارة بنت حورية واش دير فيك..
رجعت بعثتلو
سارة: علاه بصح مزال باش تتزوج ؟! قيسك نورمالمو..
سمير: مزال ..وخلاص..
سارة: ممم بلاك ملقيتش بنت لي توالمك.
سمير: لاا كاينين لبنات كيما نحب بصح مزال باش نتزوج..
انا نعست نرقد ضرك...تصبحي بخير..
سارة: تصبح بخير..
..
سارة : ااااع هذا مريض صح وانا بهلولة نامن فيه وهو غير يتمسخر..يااااي انا شحال جايحة وبهلولة..
...
غدوة منذاك الصبح سارة راحت تقرا..وسمير شوف فيه ظلمة..لحقت وين يخدم جازت ديراكت مغشة ورافدة نيفها فالسما وزعما تهدر فالتليفون وتضحك باش تغيرو..
سمير طلع حاجبو يخزر فيها مقيماتوش..وتهدر بلعقل وتضحك ماشي عوايدها...
وقت الفطور رجعت كيف كيف جاية وصونا تليفونها هي ريڨلاتو رافاي وزعما عيطولها..
رفدت وقالت منبعد عاودلي راني فالطريق .قدام الدار...
وكوبات زعما..
سمير بداو خيوط عقلو يطيرو بالواحد.
هذي معامن راهي تهدر وتقولو عاودلي منبعد..اواه الحالة متعجبش..زعما ديرها بلعاني ؟؟
بقا سمير يخدم وعقلو معاها معامن راهي تهدر مهناهش خاطرو..
لعشية شافها مبدلة ودايرة شوية كحل في عينيها وراحت تمشي وتتبسم.
شافها حل فمو من جيهة الكحل جاها يقتل ومن جيه ماشي موالفة ديرو..هذي هبلت ولا واش صرالها..
زعما راح تتلاقا بكاش واحد؟! والله نقتلها..
غلق وراح موراها ..والدم يغلي فيه كون صاب يعطيها طريحة.
أنت تقرأ
ولاد الحومة
General Fictionجيتتتتتكم بعد غيبة طويلة مجيتش بيديا فارغين جبتلكم كرو فوووور من الواقع وطويلة 93 حلقة تحت عنوان " ولاد الحومة "
