ولاد الحومة

16

.#الحلقة_16:
سمير قلع ورايح للصالة ويشوف في سارة فالتروفيزور شابعة ضحك ...غمزها وضحك ...
حورية: ياوليدي وليد عمك ميجيش؟!
سمير: نوصلكم انا خالتي ونولي ليه..
حورية: ايه معليش..
سمير حس روحو ارتاح كي لقا حل وبعد سارة على وليد عمو وداها هو..خزر فيها يمعنيلها بلي قدما تزكري فيا نغلبك..
..
عيطلو علي قالو نوصلهم ونرجع..
علي: اوك مطولش.
..
لحقو للصالة نزلت سارة ويماها سمير جاز على سارة زعما يغلق فالبيبان لحق عندها قرصها من يدها...مقدرش يشد روحو لازم يدير حاجة...عيطت...
سارة: اااي.
سمير: بلاكي ختي قستي روحك..
زعما يتلف فيها..
سارة خزرت فيه عوجت فمها وهو يتبسم ..
سارة عفستلو على رجلو بالطالون تاعها مسكين مقدرش يعيط بلعها وسكت..
تبسمت وقاتلو : اوو خويا قستك سمحلي خويا..مشفتكش خويا..
سمير تغشش : ق*** .. عليا..
سارة رفدت روحها وراحت تمشي وتزرب وهو يشوف فيها ويتبسم ..ويقول : مهبولة..
...
دخلت سارة للصالة بداو الناس يجو..نحات حجابها وسڨمت روحها وراحت قعدت..مع يماها..
بدات زينب التصديرة..ودارو لغنا ولبنات يشطحو..
دارو غنية تاع شاب حسام ناضت سارة تشطح..
غنية تاع شوفي بنتك مدارت فيا..
قينيني يالميزيرية..
ضلي بالسورنق تبيكي
الماتريل والتيكي وخوك مريول..
..
سارة تشطح مع لبنات كامل وتغني..
شافتها يمات سمير فطيمة عجبتها..
راحت عند حورية يماها
فطيمة: واش راكي ختي حورية
حورية: لباس ونتي ..
فطيمة: لباس الله يهنيك...سارة بنتك شحال في عمرها.؟؟
حورية: 18 سنة ..علاه..
فطيمة: الله يبارك..عجبتني متمديهاليش لوليدي سمير ؟؟
حورية: بووه مزالت تقرا ..مزالت صغيرة على الزواج..
فطيمة: معليش حبيت نحط اليد حتى مبيت تكبر ..مام وليدي موجدش روحو..
حورية: انا منحبش الخطبة المطولة .. وزيد بنتي عندها باك نخليها مع قرايتها مندخللهاش الزواج فالوسط..
فطيمة: معليش كيما تحبي..
..
فطيمة رجعت تحكي مع ختها قاللتها عجبتها سارة وحااابتها لسمير وليدها لوكان تصدق وتقبل هي.
ختها: وسمير شاورتيه؟؟
فطيمة: مقتلوش هذاك ميهدرش على الزواج كامل وكي نقولو يبدل الهدرة..بصح ضرك نوريهالو تعجبو يقبل بيها..
ختها: ههههه ايه بلاك..
....
خلاص العرس وزينب لبست لاغوب بلونش..
فطيمة عيطت لسمير قاتلو دخل ختك .
سمير: كيفااه ندخل في وسط النسا يا يما؟!
فطيمة: قلنالهم خوها يدخلها راهم مستورين..ادخل.
سمير مي