ولاد الحومة

38

.#الحلقة_38: احمد ركب طونوبيلتو وراح لعند زينب ..كي لحق عيطلها باش تخرج.. زينب: هاني جاية... ... فطيمة: زينب ؟؟ وين رايحة ؟!  زينب: خارجة مع احمد ونرجع...متغلقوش الباب بلاك نطول  فطيمة؛ هاكي المفتاح باش تدخلي .. . زينب خرجت طلعت مع راجلها وراحو.. احمد شافها فرحانة تبسم.. زينب ؛ تعرف جامي خرجت فالليل للبحر !!  احمد يضحك عليها : ههه كون قلتيلي كنت نخرجك نتي مقلتيش .. زينب: هههااا باين نتا ديما مشغول ومتديني ماوالو ..غير طمع فيا..:  احمد: هاني خرجتك اليوم وبردي قلبك يالالة  زينب: ههههه وي اليوم نبرد قلبي اصلا تخنقت من قعدة الدار حابة نبدل جو احمد: ممم انا المهم عندي تكوني فرحانة ....وانا كي ديما مشغول وخدام ماشي في جالك باش نصرف عليك يالالة.. زينب: وي عارفة ربي يقدرك ويخليك ليا.. احمد: نشالله تفرا هذي المشاكل هذي كامل ونرجعو كيما كنا.. زينب: نشالله. ... لحقو للبحر نزلو.. زينب فتحت يديها فرحانة بالنسمة تاع البحر الباردة فالصيف... احمد وقف قدامها ويشوف فيها توحشها وتوحش ضحكتها ويكون معاها  زينب شافت فيه لقاتو يشوف فيها بنضرة تاع حب..هبطت عينيها حاسة بيه وفاهماتو مليح وكيفاه متفهموش وهي لي حباتو وحبها ودارو المستحيل باش تزوجو.. زينب: هيا نمشو.. احمد : امشي يالالة.. زينب شداتو من يدو شبكو صباعتيهم ويمشو..الدنيا ليل ومكاش الناس حاجة قليلة  زينب شمخت رجليها وفرحانة..واحمد يشوف فيها ويضحك عليها هو بالنسبة ليه يشوفها طفلة صغيرة ويحسها بنتو ولازم يفرحها ويرضيها.. زينب: ممممم حااالة تعرف اليوم حسيت روحي مليحة راحلي القلق هذاك كامل.. كون ساعة ساعة جيبني واش فيها  احمد: مم نجيبك ماشي خسارة ....وماشي خسارة في وليدي.. زينب عوجت فمها : تخمم غير في وليدك. احمد شاف فيها وشدها من نيفها وهي تضحك  احمد: ههه مهبولة وليدي منين يجي ماشي منك يالراسة..قولي.. زينب تضحك: هههع اععععع ريح سامط.. احمد: منريحش مشي تقول نعطيك طريحة ضرك  زينب: ممم علاه ؟  احمد: خاطر راكي بعيدة وخليتيني وحدي  زينب : ياك راك مع يماك وخياتك لي ظل دافع عليهم  احمد: ر*** ...كل واحد في بلاصتو.. زينب تبسمت :ممم وانا بلاصتي وين !!  احمد تنهد : راكي عارفة بلا منقولك.. زينب : مانييش عارفة قولي .. احمد : كي جي غدوة لدارك نقولك.. زينب: اععع قولي ضرك.. احمد : منقولش حتى غدوة.. زينب زعما زعفت.. احمد شاف فيها وبدا يضحك عليها  زينب: واش يضحك فيك ؟  احمد: وليتي متشبهي لوالو ملي رفدتي الجوف.. زينب حلت فمها مخلوعة فيه: ااااا هكا تقولي !!! انا منشبه لوالو..!! هذا حق ماني رافدتلك وليدك ونسوفري معاه.. احمد يضحك عليها جبدها لعندو  احمد: ياك انا نحبك وكيما تكوني نحبك..نتي علاه زعفتي!!!  زينب: احمد..صح وليت ماشي شابة قولي الصح وسوستني ؟!!  احمد: نوو انا نشوفك شابة.. زينب: ااعععع تتمسخر بيا قول الصح.. احمد: هههه خلاص ماشي شابة.. زينب: بفففف سامط متهدرش الصح.. احمد: هههه كيما قتلك معجبكش الحال.. زينب: خاطر تتمسخر  احمد : نتي علاه تحوسي..قتلك انا نحبك فهمتي ياوو نحبك.. زينب : وي فهمت ههه  احمد: الحمد لله لي فهمتي.. زينب: حابة ندخل للبحر.. احمد: روحي وبلاكي تغرقي انا منقدرش نسلكك ههه  زينب: ههع نغرق هنا فالدخلة !! وزيد علاه متقدرش تسلكني؟!  احمد: خاطر وليتي دبدوبة.ههه متنسايش راكو زوج ضرك ههه  زينب: دبدوبة ااااعععع احمد حرام عليك.بفففف  احمد جبدها من يدها ودخلها لبحر ويضحك عليها