.#الحلقة_14:
اليلة هذيك سارة تتقلب مقدرتش ترقد باقية تخمم في هدرة سمير كي قاللها نخطب وزاد حتى قال عليها عقرب ..ومتحشمش مالفوق
سارة: اععع ياربي راح نهبل هذا برا يحلف ويتكتف وداير عليا عساس وفالفايس يسب فيا ويقول نخطب..بفف.
زعما يكون فاقلي وراه يزكر فيا ؟!
ممم مشكيتش كيفاه يفيق!!.
..
بقات تخمم حتى رقدت..سمير شبع ضحك عليها علابالو راهي تغلي خاطر يعرفها تتقلق بلخف وباين ااصبح تصبح مشنفة ورافدة راسها فالسما من هدرتو خاطر هي متقدرش تخبي مشاعرها ومتعرفش تكذب..
.
غدوة منذاك راحت سارة الصبح تقرا..جازت عليه مخزرتش فيه مشنفة هو شافها غلبو الضحك ..حبست وخزرت فيه..
سارة: واش يضحك فيك ؟!
سمير: ضحكتيني نتي..
سارة: علاه راك شوف فيا كلون؟!
سمير: لا بصح ضحكي وخلاص..
سارة: الله يهديك..
وراحت تمشي وتستغفر..هذا علاه يضحك باين كي كان يمنشر فيا البارح..
سمير شافها نحات الكحل تبسم حس بلي فهمت الميساج لي حب يوصلهولها..
...
جازت السمانة هذيك عادي..لحق عرس زينب ختو لسمير..واكيد سارة مالمعروضين تعرف زينب وكي يتلاقو يحكو مع بعض..
نهار عرس تاع زينب راحت الصبح لاحفافة..
سارة ثان رايحة ..الحفافة ماشي بعيدة بزااف عليهم يروحو يمشو..
راحت سارة تمشي جازت على دار سمير..سمير كان برا شافها رايحة تبعها..كي قريب لحقو عند الحفافة . هدر معاها..
سمير: اي..اسمعي.
سارة حبست شافتو ..
سارة: ياارب وجوز لنهار هذا على خير..وزيد اسمي سااارة ماشي اي..
سمير: ههه وين رايحة ؟
سارة: هاني داخلة عند الحفافة مراكش شوف؟!
سمير: ملقيتيش واش ديري...راكي لباس بيك هاك..تروحي تزوقي روحك بالالوان هذوك تولي كلون صح ههههههه
سارة: احاي عليا واش راحلك..نحب نزوق روحي تسالني ؟!
سمير: يعني ديري كلون وتخرجي تمشي للدار ؟؟
سارة: ايه..بابا مشغول ودارنا غير هنا وانا طفلة منديرش بزاف حاجة خفيفة..
سمير: ممم ابقاي هنا منبعد نجي ندي ختي نديك معاهم..
سارة: واش كلفك فيا نروح معامن نحب الله يسترنا..
سمير: قتلك انا نوصلك مع ختي وبنت عمي راهي معاها ..والله وتروحي تمشي وحدك شوفي..وتعرفيني كي نتقلق نولي حيوان..
سارة: ياربي واش هذا البلا مع الصبح..
انا نكمل نروح للدار منبقاش نستنى فيك كي البهلولة..
سمير: كاش نهار نكسرلك راسك اليابس ونقطعلك لسانك هذاك..
سارة: هذا فيمن شاطر..
سمير: يا سارة اقعدي عاقلة واستنايني متخلينيش ندير ديڨة في عرس ختي..جوزي على دارنا والرجال برا والله نقتلك..
سارة تبسمت باستهزاء
سمير جبد دراهم واعطاهملها
سارة نخلعت: وشنو هذا ؟؟
سمير: شدي باش تمشطي.
سارة: عندي صحا...مكلاه..
سمير: شدي ونقصي حسك تهدري بزاف.
سارة؛ منشدش قتلك عندي..
سمير: قتلك شدي متصرعينيش مع الصبح..
سارة: فهمني بصفتك واش تخلصلي الحفافة..؟؟
سمير: حق منظحك عليك معلابالكش بلي نتي كلون تاعي. ههه
سارة قلقت من هدرتو : انا كلون؟؟ وتاعك ثان ؟؟
سمير قرب حطلها الدراهم في يدها وقاللها
سمير: ايه تاعي وتاعي وحدي برك..وكون يضحك عليك وحدوخر نمحيه...
وغمزها وراح..
سارة بقات واقفة مخلوعة في هدرتو..
شافت لقات دراهم في يدها
عيطتلو مرج
أنت تقرأ
ولاد الحومة
General Fictionجيتتتتتكم بعد غيبة طويلة مجيتش بيديا فارغين جبتلكم كرو فوووور من الواقع وطويلة 93 حلقة تحت عنوان " ولاد الحومة "
