.#الحلقة_49:
احمد بقا برا يستا مع سمير خوها وزاد جا فاتح ومرتو للسبيطار كي سمعو .
احمد قاعد راسو بين رجليه حس روحو ضايع بقا يتفكر في كامل واش صار معاه حس روحو ينوم ...زينب حبيبتو لي حبها وكان معاها راجل وداها وكان اسعد نهار في حياتو ..وزاد فرح كي عرف بلي راح يرجع اب ..كانت فرحة كبيرة ونعمة لي حمد ربي عليها.. ويستنى فيه بااساعة وقتاش يزيد ويرفدو بين يديه ويكبر ويرجع يجري ويقولو بابا..كان محروق ويستنا فيه بلش يسمع منو هذي الكلمة بصح ربي مكتبش وتحرم من وليدو قبل ميزيد ومفهمش كيفاه ولا السبة ..وفر لزينب كامل واش تحتاج ...بصح المشاكل كانو بزااف وهي محملتش ومقدرتش تصبر وكانت ديما تهرب وتخليه وحدو..هكاك وعذرها وقال معليش تتوحم المهم تكون بخير ويزيد وليدي وننسا كلش ..انا نرد كلش فوقي معليش انا موالف نحمل من بكري شاقي...ولازم نحمل باش نحافظ على الاسرة تاعي..
جا سمير قعد قدامو..
احمد: الدنيا صعيبة خويا سمير..صعيبة على الزوالي ولي معندوش دار..
خوذ رايي متتزوجش حتى توفر سكنة وكامل واش تحتاج..متعاودش غلطتي..شوف وين وصلت.وختي راح توقفني في دار الشرع ..ونبيع الدار ونبقا برا...هذا لي دراهمي صرفتهم عليها وعلى خياتها..هديت صحتي كبرت قبل وقتي في جالهم..فلخر ضربتني في ضهري....عدويا مدارهاليش. ودارتها هي..
سمير تنهد حاس بيه مجروح : ربي يهديهم خويا وكل ربي..ربي خير..
احمد : سبحانو..راني شاد غير فيه والحمد لله الحمد لله.الحمد لله..
..
هوما هكك وعيطلهم فاتح ..دخلو يجرو يشوفو..
طبيبة: الحمد لله وفرنالها دم ومنبعد تفطن
فطيمة : الحمد لله ربي يفرحك بنتي..
طبيبة: عيشك خدمتنا الحاجة
احمد فرح حس غمة وتنحات على قلبو .
سمير شافو وشاف الفرحة في عينيه..
تبسم وحمد ربي لي سلكت ختو...
...
سمير: امشي يما نديك للدار تريحي.
فطيمة : لا نبقا هنا نشوف بنتي كي تفطن
سمير: نوضي يما الطبة راهم معاها لازم تريحي غدوة الدفينة متنسايش..
فطيمة: امشي نروحو الصبح نرجع نشوفها
سمير: احمد خويا روح تريح غدوة يفرجها ربي..
احمد : نشاله ياربي..نشالله..
رجع احمد للدار حط راسو باش يرقد مقدرش مهموم وقلبو تزير على الهم والغم لي راه فيه بسيف باش رقد..
...
غدوة منذاك احمد قال ليماه واش صار وجات شوف عروستها معاه..
لحقو للسبيطار لقاو دار زينب كامل ثم خاوتها ويماها..
احمد شاف في زينب لي حزينة كي خسرت وليدها قلبو وجعو تنهد حتى هو وليدو وماشي ساهلة عليه..
قعد يشوف فيها وهي مشافتش كامل فيه في عالم آخر..
باية: الحمد على سلامتك بنتي وهو ربي يرحمو مكتبلوش ربي من اهل الدنيا تلقايه فالجنة نشالله..وربي يعوضك ما خير مزلتي صغيرة متقطعيش رحمة ربي
زينب تسمع نزلو دموعها مقهورة على وليدها..شافها احمد لي كان مركز معاها غمض عينيه وحلهم موجوع وزادت وجعاتو بدموعها ومقدر يدير والو حاجة ربي..
فطيمة: ابكي يابنتي ..ابكي متقنطيش روحك..خرجي واش في قلبك..
زينب تسمع وقوات فالبكا خلااص مقدرتش تشد كثر...حتى ولات تشهق بالبكا
احمد محملش دموع في عينيه مسحهم وخرج..
جاو ليه قالولو وليدك لازم تخرجو .
سمير شافو مع فاتح وراحو معاه..
احمد راح ليه وين حاطينو..تقريب 7 شهور يعني مكمول خلقتو تقريبا..
احمد دخل عند وليدو حس روحو فشل ..مقدرش يقدم..
سمير شد من كتفو: كوراج احمد..كوراج ربي يرحمو..
تقدم احمد بلعقل وشافو..قلبو تزير لقاه يشبهلو هنا مقدرش يشد كثر قعد ..ودموعو نازلين ...حط راسو ويبكي ويبكي على الدنيا لي شقاتو من صغرو حتى كبر وزاد حتى خسر وليدو وهو مازال مشافش النور..
احمد يهدر ويشهق بالبكا : ربي يرحمك ياوليدي ..ان لله وان اليه راجعون..
سمير وفاتح واقفين يشوفو فيه .
سمير مقدرش يشوف رفد روحو وخرج
....
خرجوه بلش يدفنوه...زينب قالت نشوفو واحمد محبش..
زينب: خليني نشوف وليدي قبل متدوه خلوني
احمد:زينب راكي مريضة ادعيلو بالرحمة..
زينب تبكي: جيبولي احمد نشوفو جيبولي...
ولاو جابوهلها شافتو تبكي وتشهق على كبدتها لي راح تنحط تحت التراب مشافتها مفرحت بيها ..
احمد رفدو سلملو على راسو ودموعو نازلين جمر..
زينب مقدرتش تبكي وشوف في احمد مخرجو في يدو مقدرش يمشي حتى شدو عليه فاتح وخرجوه يدفنوه..
أنت تقرأ
ولاد الحومة
General Fictionجيتتتتتكم بعد غيبة طويلة مجيتش بيديا فارغين جبتلكم كرو فوووور من الواقع وطويلة 93 حلقة تحت عنوان " ولاد الحومة "
