.#الحلقة_73:
سارة راحت تقرا الصبح عادي ..هي وماريا طلعو فالكوس ..
ماريا: كاش جديد على سمير؟
سارة: خليني منو ..حسو مكاش ..
ماريا: راه يدخل للفايس؟
سارة: ايه يدخل فليل ....مفهمتش كيفاه حتى مبلوكانيش..
ماريا: هو ماراكيش هاماتو ...كون هكاك كان يتقلق من ستاتي تاع الخطبة..
سارة هبطت عينيها
ماريا: مقالك والو؟ مبعثلكش؟
سارة: نن ..بصح مفهمتش علاه مبوركليش كي ماهوش حاس بيا؟
ماريا: منعرف بلاك مزالو يحبك ..
سارة: منعرف..مشكيتش ..حتى ويحبني سمح فيا..ودرك ننتقم منو.وندير رايي.
ماريا: حاسبينها ساهلة يولفو طفلة ويخلوها تتعذب وحدها
وصلو لافاك ..نزلو..
سارة شافت نخلعت..
ماريا: شبيك سارة؟
امير: صباح الخير سارة..
سارة: صب...صباح النور..
امير: صباح الخير مدمزال..
ماريا: ماريا..صباح النور..
نخليك سارة .
سارة: اصبري ..ياك داخلين نقراو.
امير: بصح جيتك باش نخرجو مع بعض.
سارة مخلوعة وتفرفشت متوقعتش امير يجيها..
سارة: بصح انا نقرا درك..
امير: معليهش ..
سارة: ننن منقدرش نراطي ...كنت تخبرني قبل ..
امير تنهد: اوك نجيك في وقت الفطور نخرجو نفطرو ..بلاكي ترديني !!
سارة: امم....نشالله..
امير تبسم وراح
امير راح فرحان كي قنعها باش تخرج معاه لازم باش يتفاهمو..
سارة بقات وحدها تسب وتغلي..
ماريا: اوووو هذا امير وااو الله يبارك..
سارة:سكتينا يرحم باباك خصني غير هو....مكنتش عارفة يجيني لهنا.
ماريا: واش حسبتي لوقتاش تبقاي تتهربي منو..راهو فيونسي تاعك ومن حقو
سارة: علابالي ..بففف مشكل ومنروحش غير يروح يملح..
ماريا: دبري راسك..
دخلو يقراو لحق وقت الفطور..خرجو قاعدين ..
سارة دارت رونفوا لتليفونها
ماريا: مراحش تروحي؟
سارة دخلت للفايس وتهدر : منروحش نقولو كنت نقرا وشدونا خطيني منو ..منحملوش
سارة: ااااه شوفي ماريا..
ماريا شافت فالفايس مخلوعة
أنت تقرأ
ولاد الحومة
General Fictionجيتتتتتكم بعد غيبة طويلة مجيتش بيديا فارغين جبتلكم كرو فوووور من الواقع وطويلة 93 حلقة تحت عنوان " ولاد الحومة "
