#الحلقة_27:
سارة تعيط لصحاباتها تسقسي عليهم ماريا ثان جابتو..كامل فرحانين وكاين لي مجابوهش..كل واحد وكيفاه..
تسمعو الزغاريت فالحومة تقريب كامل جابوه
...
سمير فالماتش يلعب .. شاحن باش يماركي ..مام لي ثما كامل فاقولو
حتى لي ميباسيلوش يسبو
سمير:يالبغل قتلك باسيلي مراكش شوف فيا
...
نبيل مع ياسين : سمير راه معول..اليوم ..
ياسين: وصيهم نبيل يباصلولو البالون قالي حالف نماركي البيت..
بقاو يلعبو هكاك ..الكيبة تاع سمير مقدروش يلحقو للبارة تاع لكيب لخرا بصح سمير شحن وحلف يماركي ..
بقات 5 دقايق يخلاص الماتش..لعب مزير.
سمير قدر يجوز بيناتهم ..باسالو ياسين البالون..
كامل حسبو سمير راح يماركي..
باصاه لياسين.نخلعو دارو ليه غفلو لسمير لي لحق للبارا..باصالو ياسين فالسما يضربها بدماغ جات الداخل فالشبكة
..الستااد تڨلب بالعيااط وليفيميجاان...
سمير يجري سجد لربي وصحابو كامل فوقو فرحانين..بالبيت فالدقايق لخرين..
ياسين ضرب صاحبو فرحان: جبتها يار**
سمير غمزو: قتلك نجيبها..
ياسين: نستعرف بيك..
..رجعو لعبو واش بقا..حتى صفر لاربيت...تڨلب الستااد بالعيااط والفرحة..سمير يجري فرحان..كي ماركا وربح..رفدوه البيبليك وفرحانين تع لافيل تاعهم كامل راحو يتفرجو..
..
اعطاولهم الميديليات..والكااس اعطاوها لنبيل الشاف تاع ليكيب..رفدها ويعيط وهوما كامل يعيطو ويسوطو..نبعد رفدها سمير ورفدوه فرحانين خاطر هو شحن وعول وماركا وربحهم..
..
خلاص الماتش خرجو البيبليك كامل..
سمير وصحابو رافدين الكااس وراكبين فالطونوبيلات شاعلين ليفيميجان ومڨلبينها فالطريق كورتااج غنا وعيااط وتصفير ..دنيا روبلوها والسينيال داير حالة ..
سمير قاللهم نروحو لحومتو باش يكملو يحتفلو وهو في قلبو حاب يفرح سارة ويروبلها كي جابت الباك...
لحقو لحومتو .دنيا مڨلبة ناس كامل طل عليهم .سارة شقت التاقة طل..
سارة: يااعمري ربح سمير وراهو رافد الكااس..
وبداات تزغرت ..
حورية: واش كاين ؟! شكون هذو ؟!
سارة: ليكيب تاعنا ربحت ماما وتخلطو مع صحاب الباك..
صالح: مهابل هذو يديفيلو هنا..
حورية: بووه خليهم يفرحو اليوم نهااار فرحة..
صالح دخل بيتو ورقد محوسش يفهم..
سارة طل على سمير ..فرحانة كي ربحت وفرحتلو كي ربح وجاب الكاس..تتع الولاية ..
سمير دخل عند يماه فرحت بيه وزغرتتلو ..رفد فلاش ديسك وخرج..
بلاصاه في طونوبيلتو كان داير فيه كوكتال خدمو سبيسيال للفرحة هذي..
صحابو وولاد الحومة كامل ثم مروبلينها.
سمير فتح الطونوبيل وزاد للبوست ..على طولو..
بدا..الغنا وليجان كامل تشطح ولخرين شاعلين فيميجان ويصفرو
جيبولي اللوطو واليوم نديفيلي
مع لالجيري هي الكبدة وهي عمري..
جيبوها فالفيلي هاماماي مامي..
غنو معايا دزاير زاهية هامامي ماماي..
...
الحفلة نديروها واليلة نروبلوها هي مامايا
راهي الامود في خاطر تولمود هي مامايا
فالنهار ينافيڨي وفليل يريسكي هي مامايا
مصاغر راها طير خاطيهم السمير
لالالاىاالالااالاااااا اهاهاهاها..
. .
يغنو ويسوطو وسارة تشطح فالدار ميتة بالفرحة....تبدلت الغنية خاطر كوكتال
منبعد جات غنية تاع..
راني نحبك ياسارة..راني نحبك حلي خلي نسكن قلبك متخليني ياسارة..والفتك ياسارة ..والفت شوفت عينك متخليني ياسارة .نتيا روحي ياسارة كون تخليني نقتل روحي ياسارة..
هوما يتمايلو مع الغنية ماهمش عارفين بلي سمير قصدها حسبو كوكتال برك..
سارة تسمع وتبكي نالفرحة عرفت بلي هذا هو كادوها..
....
نتي عينيا يا سارة ..نتي عينيا واذا مت نتي لي بيا يااسارة..
..
سمير كان فوق الطونوبيل نزل وقاللهم ..الربحة في خاطرك اسارة ويضحك.
طرطقو بالضحك حسبوه يضحك برك وهو قاصدها..
تبدلت الغنية وجات تاع بلال الصغير. ...
سمحيلي وليلي ...بلا بيك تخلطت عليا
راكي غير نتي في بالي والندامة تقتل فيا..غلطت معاك عمري ديزولي والله لا تغمضو عينيا...عندي غير ربي ونتيا..
نتي القلب ااقلب وليلي نبغيك انا فوور ..
ليجان تشطح وسارة ميتة بالفرحة فهمت بلي الغنا دارو عليها كامل والربحة تاعو الخفلة هذي هي الكادو تتعها فالباك واحلى كادو ممكن تديه..دارلها عرس
أنت تقرأ
ولاد الحومة
General Fictionجيتتتتتكم بعد غيبة طويلة مجيتش بيديا فارغين جبتلكم كرو فوووور من الواقع وطويلة 93 حلقة تحت عنوان " ولاد الحومة "
