ولاد الحومة

33

.#الحلقة_33:
سارة حطتلو وتسب وهو يضحك عليها..جات يماه شافتها تحطلو تبسمت
سارة شافتها حشمت وجها ولا حمر مالحشمة معرفتش واش تقول..
فطيمة: صحيتي بنتي كي حطيتيلو..
سارة: خااه مافيها والو راهو كيما خويا..
سمير كان ياكل حصلتلو من كلمة خويا ولا يسعل.
سمير: اح اح اح ..
سارة جرات حطتلو الما ..شرب الكاس على نفس
فطيمة_:شبيك وليدي كول بعقلك
سمير خزر في سارة وعينيه راح يخرجو..
هي شافتو وافقلتو زادت تهبل فيه...
سارة: بصحتك خويا..
سمير مرجعلهاش هبط راسو وكمل ياكل..
فطيمة: هاكي بنتي ماعنكم ويعطيك الصحة...والله الماكلة جات مليحة كيفك....حتى لي بعثتيه سمير كلاه كامل زينب كانت مريضة كيما راكي عارفة..
سارة: معليش كيف كيف بصحتو..
سمير: يسلمك..
فطيمة: لعقوبة لزواجك نشالله نفرحو بيك.
سمير قطع الهدرة: يما مكاش ڨازووز
فطيمة: كاين راهو فالفريجيدار.
سارة كانت خارجة والفريجيدار قدامها
سمير: سارة القازوز..
سارة شافت فيه مخلوعة هذا مهبول صح.
فطيمة: هههه افتحي الفريجيدار راهو ثم
سارة خشمانة من فطيمة وتغلي من سمير..
فتحاتو وجبدت القازوز واعطاتهولو ..
وخرجت.
سمير كمل ياكل...قعدت قدامو يماه تتبسم ..
سمير شافها: وشبيك يما!!
فطيمة: شفتها سارة واش خصها كون يهديك ربي وتخليني نخطبهالك
سمير: يما..منظلش نعاود.
فطيمة: ياوليدي نحطو اليد برك
سمير: يما لوقتاش تستناني وانا بلا دار . ؟! وزيد انا مقلق والخطبة طول ومانيش حاب ندير مشاكل خلي كي نوجد روحي وانا نقولك خطبيهالي
فطيمة ضحكت: يعني قابل بسارة؟! عجباتك ؟
سمير في قلبو يقوللها هاذي عمري وحبيبتي ومهبولتي كيفاه متعجبنيش ..نحبها ونموت عليها
وليماه قاللها : مليحة كيما لبنات..
فطيمة: والله لباس بيها والبارح فالحفلة تاعها كانت كي العدرا النسا كامل يخزرو فيها ...
سمير بدا يتقلق ويطيريلو والخيوط من مخو
فطيمة: شويبة وصغيرة وعاقلة ..
سمير: مممم عاقلة
فطيمة: ايه عاقلة واش خصها .وين راح تلقا خيرمنها؟!
سمير: مليح الله يبارك
فطيمة: انا علاه راني نقولك ازرب اخطبها خاطر سمعت مالنسا ثم بلي وليد عمها باغيها...والبارح عشية كامل وهو داخل خارج باش يشوفها
سمير خلااص طارولو كامل الخيووط..هبل من مخو ..هو اصلا كان على شعرة وزاد عرف بلي وليد عمها لي دوس معاها في جالو يحبها ...مبقالوش عقل..
حط المغرف رفد مفاتحو وضرب الكورسي وخرج يسب خبط اباب قريب نحاها خلا يماه مخلوعة فيه