.#الحلقة_15:
مشطت سارة وقطعت شعرها وماكيات..
زينب طولت شوي خاطر عروسة..
بنت عمها نسرين كملت ثان بقات شوف في سارة قاعدة تستنى.
نسرين:جاتك شابة لاكوب.
سارة: ميرسي ليك مام نتي..
نسرين: جاية لعرس زينب ؟؟
سارة: ايه ...جارتهم..
شافت فيها زينب وتبسمت..
سارة حشمانة حبت تقول لزينب تروح معاهم معرفتش كيفاه..
زينب: سارة راكي تستناي في باباك يجي يديك؟؟
سارة : اا..ايه..طول مجاش..
زينب: معليش اذا جا فاتح خويا ولا سمير روحي معانا خيرمن تبقاي تستناي..
سارة فرحت جاتها على قلبها ...
سارة: نشالله ميرسي..
.
كملت زينب عيطت لسمير قاتلو يجي يديهم..
سمير جاب طونوبيل تع خوه لحق لعندهم عيطلهم خرجو..
سارة دارت خمارها وخرجت..
شافها بقا مركز معاها هي شافتو عوجت فمها وطلعت معاه..
سمير فالطريق يسوق ويشوف فيها مالتروفيزور كيفاه داير ة مكياج وخرج عليها فووور ...اول مرة يشوفها هكاك..
وهي ساعة ساعة شوف فيه يروح فيها كامل..حتى السوقة تلفتلو كيفاه يسوق...ويسوق بلعقل مذابيه متخلاصش الطريق وطول الطريق بلعاني..
سارة تقلقت هذا واش بيه يطول الطريق تلفتلو ولا واش صرالو ..
زينب : سمير خف راك تسوق بلعقل طولت الطريق ديجا..
سمير ساكت لاهي مع سارة...لي كانت تووب ..
لحقو للدار راح حتى لدار سارة وحبس ..سارة نزلت..وختو مستغربة فيه ..وعاود رجع لدارهم نزلت ختو وبنت عمو..
سمير بقا برا يتكيف مع فاميلتهم المعروضين باش يروحو للصالة..وعقلو مع سارة لي هبلاتو..
...
زينب دخلت زغرتو عليها كامل وهي فرحانة خاطر راح تتزوج مع حبيبها وبسيف باش قدرو يتزوجو خاطر حبيبها ضروفو صعيبة بزااف..ماهيش مامنة بلي عرسها..حتى رجعت تبكي مالفرحة...
فطرو الناس ووجدو الطونوبيلات رايحين للصالة..
سارة لبست ووجدت روحها ..لبست روب قصيرة ميني وشعرها طلقاتو مقطع..قصير..خرجت رووعة ..صورت روحها سالفي وتضحك..
سارة: كون يشوفني سمير يدوخ هههه ميزيدش كامل يقلقني يعرفني صح كيفاه دايرة ماشي كيما يشوفني بالحجاب ..
حورية: راكي واجدة بنتي ؟؟
سارة؛ وي ماما مجاش بابا؟؟
حورية: شدوه فالخدمة يطول..ميلحقش ضرك
سارة: وكيفاه نروحو لاصالة ؟؟
حورية: هيا نهبطو لعندهم يشوفولنا ركبة كاين بزاف فاميلتهم لي جاو..
سارة: اوك.
هبطت سارة مع يماها وسارة تخمم ضرك يخرجلها سمير من حيث لا تدري ويصرعها كيما موالف..
بففف بصح مشكيتش رانا مع الناس وفاميلتو... ميقدر يدير والو
خرجو لقاوهم رايحين..
حورية: فاتح وليدي شوفلنا طونوبيل عمك صالح مجاش..
فاتح: معليه خالتي هاو وليد عمي فارغ اركبي معاه نتي وبنتك..
حورية: يعطيك الصحة..
طلعت حورية وسارة مع وليد عمهم خاطر فارغ.
سمير خرج بقا يشوف فالطونوبيلات مكاش طونوبيل تاع بابات سارة..
استغرب بقا يدور حتى شافها راكبة مع وليد عمو..نخلع ووجها طابلو ..ووليد عمو يسڨم فلتروفيزور باش يشوفها مقابلتو..
سارة فاقتلو يخزر فيها مالتروفيزور قلقها..
سمير ولا يغلي طلعلو الدم لراسو..هذيك علاه ركبت معاه..حس روحو هبل كيفاه يدير باش ينزلها من ثم ..كيفااه والناس كامل ثما وفاميلتو..
سارة خزرت فيه شافت عينيه حمر..باين راح يطرطق..
خزر فيها ومعنالها براسو انزلي..
وهي دورت وجها محسباتوش..
سمير يكره هذيك الجاست لي ديرها..
زادت خزرت فيه يقوللها اهبطي..وهي تقولو لالا.براسها..
سمير يمعنيلها بصبعو: قتلك اهبطي
سارة جاتها على قلبها سڨمت قعدتها وقاتلو مننزلش هنا نقعد بصبعها ..
سمير هبل هذي حابة تخرجو على عقلو ولا واش ناوية ..
خمم منبعد شعل ڨارو ...ويشرب في قهوتو...ويتبسم..خلاهم حتى ديماراو كامل وراح يهدر مع وليد عمو..يشد فيه بالهدرة..ومنبعد زعما دفڨ فوقو ڨوبلي تاع القهوة..وليد عمو حوايجو ولاو كامل قهوة..
سمير: اهه والله سمحلي..مفقتش كيفاه طاحتلي .
علي: ياودي رديتني كامل قهوة..كيفاه نروح ضرك هااك..؟؟ وهام فاتوني ومنعرفش الصالة..
سمير: روح للدار ادخل بدل وارجع انا نوريلك الطريق..
دخل علي بلش يبدل سمير طلع فالطونوبيل وديمار وسارة ميتة بالضحك عليه
أنت تقرأ
ولاد الحومة
General Fictionجيتتتتتكم بعد غيبة طويلة مجيتش بيديا فارغين جبتلكم كرو فوووور من الواقع وطويلة 93 حلقة تحت عنوان " ولاد الحومة "
