#الحلقة_55:
رقدت سارة تضحك على هبال سمير واش دارلها في عيد ميلادها وفرحانة كي راح يجي يشوفها غدوة نشالله..
سمير بقا يخمم غارق في تخمامو وبزااف صوالح يدورو في بالو..
احمد غارق في همو يخدم اليل مع النهار باش يوفر دراهم ختو لي رفعت عليه دعوة باش يعطيها حقها ولا يبيع الدار والمحكمة اعطاتو مهلة وهو اضطر يبيع الطونوبيل لي مجابتلوش حقها كيما حاب..خاطر شوية قديمة..
يتقلب بسيف باش يرقد ..غارق في تخمامو ويحوس حل للمشاكل تاوعو كامل..هو في جيه ومرتو في جيه ومتنايفين..وزيد ختو من جيه اشتكات بيه والمحكمة اعطاتو مهلة قصيرة باش يوفر الدراهم..قدر يوفرهم بشوية دين مع بيعة الطونوبيل هذيك هي تهنا حس روحو ريح وعول يروح الصبح يفرح زينب ويقوللها ترجع خاطر توحشها بزااف والشهرين هذو مور موت وليدهم جازو بطلوع الروح..
..
الصبح ناض بكري وراح لدار زينب حاب يخرجها ويروحو يحوسو وينساو همهم..كامل وواش جاز عليهم..
...
لحق لدارهم نزل وقربع متبسم..
فطيمة: صباح الخير وليدي..
احمد: صباح الخير خالتي..
دخل احمد
احمد: زينب في بيتها ؟!
فطيمة: ايه مزالت راقدة ..
احمد: نروح نوضها قلت نخرجها شوي ..
راح احمد لزينب لقاها ناضت..
احمد: صباح الخير.
شافتو تنهدت: صباح الخير..
احمد : وااش راكي
قرب ليها
احمد: توحشتك..
زينب تعوج في فمها..
احمد: وشبيك..متوحشتينيش ؟!
زينب شافت فيه دمعو عينيها عنقاتو وهو تبسم وعنقها وطيرها فالسما وحطها خاطر توحشها..
احمد: حبيبي..وجدي روحك نديك تحوسي..
زينب : اااععع صح؟؟ والله في خاطري نخرج.
احمد: مهبولة..في خاطرك ومتقوليلش ؟!
زينب: ممم ونتا مكنتش تحوس عليا كامل !!
احمد: كنت لاهي مع مشاكلي ماشي قلتيلي حل مشاكلك وارواح؟!
زينب: ايه صح ...وحليتهم ؟
احمد: قريب نشالله..هيا وجدي روحك هيا
زينب وجدت روحها فرحانة..وخرجت..
فطيمة شافتهم فرحانين تبسمت ودعات ربي يفرج عليهم ويعوضهم ..
خرجت زينب شافت طونوبيل ماشي تاعو..
زينب: احمد وين راهي طونوبيلتك ؟!
احمد: راهي عند الميكانيسيان..هذي سلفتها تاع صاحبي..
زينب: ممم مليح..
ركبت معاه وراحو..
احمد كذب عليها محبش يزيد عليها..كذب حتى يفرج ربي..محبش يزيد يحيرها كثر...
راحو حوسو نهار كامل لعبو فالمناج وراحو للغابة للبحر..فطرو وتعشاو مرجعوش حتى ليل..زينب طايرة بالفرحة نسات همها واحمد كيفها صح قلبو مهموم بصح محبش يحكيلها خلاها تحس بلي حل مشاكلو وحب يبقا يعاني وحدو باش #مايخسرهاش ..خاطر زينب عندو بالدنيا...
لحق اليل رجعها للدار ...
دخلت وهو دخل معاها..
قعد مع يماها و قاللها حاب نديها
فطيمة: ياوليدي مرتك ونتا حر فيها..
احمد: عاونيني نقنعها..
فطيمة : زينب زينب..
جات زينب قعدت
فطيمة: راجلك فرا مشكلتو مع ختو وخاب يرجعك للدار..
زينب قعدت شوف فيه وهو يشوف فيها..
تبسمت وهو تبسم..
زينب هبطت عينيها حشمت من يماها ..
فطيمة راحت للكوزينة وخلاتهم وحدهم..
احمد: روحي وجدي قشك وهيا معايا..
زينب : ممم درك نجي..
احمد ظحك من عينيه ويحمد في ربي وهي راحت توجد روحها..
خرجت جاية لعندو حتى سمعاتو يهدر مع سمير على الطونوبيل وشحال باعها ولى الدين لي دارو ..
حبست وقلبها يضرب حساتو كذب عليها يعني تمسخر بيها هو في مشكل كبير لا طونوبيل لا والو وزيد الضيق فالدار والدين تاع النااس..وجاي يحوس بيا نهار كامل باش يبلعطني خدااع..
رجعت شمبرتها وقعدت..
شوية هاك جا ليها باش يقوللها نروحو لقاها في فراشها قاعدة موجدت روحها موالو
احمد تقلق : وشبيك زينب؟؟ ساعة وانا نستنا مع لخر موجدتيش روحك ؟!
زينب: منجيش معاك روح وحدك..
احمد خلااص مالصبح وهو يساعف فيها وعياان مقدرش يشد..راح شدها من يدها ووقفها..
احمد: وشبي راسة يماك ؟ واش هذي الهدرة ؟!
زينب : اطلقني ..قتلك اطلقني خداااع تقولي حليت مشاكلك ونتا غارق فالديونات مع النااس وبعت الطونوبيل تضحك علياانا بتحويسة وتبلعط فيا..منجيش معاك نتا خدااع وكذاب..
احمد اعصابو مقدرتش تتحمل شدها من شعرها وضربها
احمد: واش حابة نديرلك درك ؟! والش حابة فهميني ؟؟ واش ذنبي انا ؟. انطقي ياراستك..
هي تعيط وتبكي وهو يضرب مفاقش بروحو حتى جات يماها وخوها سلكوها منو..
افطيمة: واش صار ربي يهديكم .
احمد يلهث ..
زينب : حڨار حڨاار منحتاجكش طلقني طلقني
احمد حبس مخلوع فيها وهوما كامل لي ثم
أنت تقرأ
ولاد الحومة
General Fictionجيتتتتتكم بعد غيبة طويلة مجيتش بيديا فارغين جبتلكم كرو فوووور من الواقع وطويلة 93 حلقة تحت عنوان " ولاد الحومة "
