المصارعة المراهقة _قلوب أرهقها العشق_

part 15

هضرات واحد المرى كبيرة شوية او دموع فعينيها : على سلامتك اولدي فاش رجعتي لدارك

مشى لعندها باس ليها راسها : باراكا الواليدة من لبكى راني رجعت غانبقا تاتملو مني

من بعد ما كملوا لبكى او تعناق او لبوسان مشاوا جلسوا فطابلة كان الكرسي دعشق حدا قيس كان كل كرسي فيه سمية مولاه

عشق دورات الكرسي او جلسات كولشي بقى كايشوف حيت هادشي ماشي قلة الاداب

ما كان فيها ماياكل تفكيرها مع بدر لي ماكاينا عليه تاخبار كاتهز غير الزيتون صافي ، سمعات التيليفون صونا قفزات من بلاصتها يسحاب ليها بدر

قيس كان مراقب كل حركة دارتها عشق

عشق شافت فتيليفون لقات لماناتجر ديالها لي كاينظم ليها البطولات هي عارفة بلي عندها بطولة او من زهرها لي يا سلام البطولة فنفس نهار لحفلة جاوبات بغات تعرف واش كاينا شي خبار على بدر

يوسف: الو عشق ما تنسايش بلي عندك البطولة غدا فرباط خاصك تكوني واجدة باش تسافري ليها اما على التداريب ما عندي ما نقول حيت عمرك ما دربتي شي مرة

عشق: انا اصلا كاينة تما

يوسف: علاش مشيتي

عشق: غدا غاتعرف فالاخبار

يوسف:(هادي حماقت ) ok

عشق: (زفرات) بدر غايكون ؟

يوسف : والله ما عرفت ما لقينا تا خبار عليه

عشق( خافت عليه هو الروح ديالها مستحيل دوز شي نهار بلا بيه البعد ديالو عليها كيضيقها ) اوك الى لقيتي شي خبار علمني

قطعات او اليأس و الحيرة باينين على وجهها

تاواحد ما فهم علاش كانت كاتهضر فتيليفون حيت ما عارفينهاش مصارعة

قيس جاه التوتر و الشك بغى يعرف شكون هاد بدر لي خافت عليه او لون وجهها تخطف

جلسات فوق الكرسي سمعات شي توشويش من مامات ايلين او ايلين او عمتها ما حملاتهمش واخا عمتها و لكن ما دخلاتش لخاطرها لاحظات النظرات الاستحقار لي كايديرو فماماها

عمتها : شتي الفقيرة رجعات للدار هي و ديك بنتها

مامات ايلين : هاديك موحال تكون بنت يمكن من هادوك

قاطعاتهم الضربة دعشق لي هزات الطابلة كولها قلبات الكيسان

كانوا شي كيسان حدا الحافة فبلاصة لي جالسين فيها دوك التلاتة

لكيسان تخواو فوق ايلين او عمة عشق اما مامات ايلين فسلمات

مامات ايلين : اش هاد قلة الاداب( شافت فعايدة ) ماكاتعرفيش تربي حتى بنتك خرجات كاتشبه ليك

عشق:( وجهها و لا حمر اصلا كانت معصبة او زادوا كملوا عليها بدر او ماماها هوما اغلى حاجة فحياتها هاد جوج دناس تقدر دير اي حاجة على قبلهم ماكاتستحملش شي واحد ايذكر ماماها بالسوء تقدر تقتلو فلحظة غضب ) من ليوم ما غاتبقا غير لالة عايدة هي لي كاتسمع ولا بربي المعبود تانحر ديلمكم ، الا عايدة لي بغى عظامو ايبقاوا صحاح ايحتارمها وي وقرها و انا كانقصد كولكم من كبيركم تال صغيركم

شافت فمامات ايلين : التربية الحاجة ماشي هي نهز رجلي لسما او نخلي لي يسوى ولي ما يسوى يحو... بداي من بنتك او جبد للهيه

ايلين تكمشات فلكرسي او ضربات الطم ما قدراتش تهضر خافت على راسها بانت ليهم بحال البركان لي انفاجر ولات حمرة او عروقها برزو او داك اللون لي فعينيها ولا مغلوق بزااف لدرجة ولا كايخلع هادي هي عشق فاش كاتعصب الى ما خواتش عليها لما بارد ولا هرسات شي واحد او مشى لسبيطار مستحيل تبقى عايشة غاتفرgع بالعصاب

عشق: من ساعة دابا لي قال لعايدة نعام بزربة غانخلي عيشة مو (ضربات عاوتاني الطابلة لي ولات كاطلب الشرع تقلبات سفاها عل علاها الجد او الجدة ما قالوا والو حيت عندها الحق جا الدوى ديال دوك التلاتة ) وااش مفهووووم

مشات خرجات للابسين أول نهار او اش دارت كان الظلام او لبرد ولكن هي فاش كاتعضب كاتولي ذاتها كي النار او خاصها تبرد باي طريقة حتى الما بزز باش كايgر فيها

فلداخل

الجدة : عبرات عليكم ما بقيتو كاتحشمو من حد انا و الحاج او ماحتارمتوناش ولكن دابا دواكم عندي ( شافت فعايدة ) الله ايرضي عليك ابنتي ربيتي راجل

عايدة: لهلا ايخطيك الحاجة ، هي راه تعلمات على يد ولدي قيس

قيس :( شاف فيها) الوعد لي عطيتك وفيت بيه

عايدة: تا انا اولدي حافظت عليها

لعائلة ما فهمو والو غير الجد او الجدة او عايدة و شفيق و قيس و ماماه

قيس : هاني خارج نشوفها

عايدة:( عارفة بنتها ) سير او دخلها قبل ما تمرض

قيس فهمها حيت عشق نسخة عليه عندهوم بزاف دنقط التشابه هو لي رباها على يدو