المصارعة المراهقة _قلوب أرهقها العشق_

part 10

مروى كتبات رسالة او خلاتها فبيت ماماك كان فديك الرسالة بلي هي هربات مع شي واحد و بلي نتي ماشي بنتي gاع العائلة كرهاتها انا ما كنت فاهم والو دازوا سنوات او انا باقي مدمن تاواحد ما عرف جدك لاحظ التغير لي جاني و داني عند الطبيب او تما كتاشفوا انني كانعاني من ادمان حاد بقيت شحال كنتعالج فاش تعالجت استوعبت الامر او عرفت بلي مستحيل داك شي لي لقاوه فرسالة ايكون بصح مشيت عند مروى شبعتها عصى او قلت ليها تعتارف او هي عتارفات بلي هي لي كانت مخططة لكلشي قلبت عليكم او لقيتكم عام او انا مراقبكم كانتسنا لفرصة لمناسبة باش نجي لعندكوم

عشق تصدمات من داكشي لي سمعات حيت ما كانتش متوقعة ان ماماها تكون هازة gاع هاد لحمل سنين كانواكلهم كيتعذبوا ، 13 سنة ضاعت من حياتهم ، عشق عنقات باباها او بدات كتهمس بابا هي فرحات حيت عندها اب بحال كلشي او بلي ماماتش او ماتخلاش عليهم فاش عنقاتو حسات بواحد الحنان عمرها ماحساتو

خرج الطبيب

الطبيب : الانسة جاها انهيار عصبي قوي خاصكوم تخليوها بعيدة على اي ضغوطات تق....

عشق ضربات فيه او دخلات ماهمهاش كلامو لمهم هو ماماها بخير او على خير

عشق مشات عند ماماها شدات ايديها او باستها

عشق: على سلامتك
عايدة: واش مشى
عشق: خاصك تسمعي منو حتى هو عانى ، خاصك تفهمي منو الموضوع

خرجات عشق بعدما دخل شفيق للغرفة ، مشات تاخذ كاس لما ، كتعيف ريحة سبيطار بقات غادية او ناس مخرجين عينيهم فيها ما متيقينش اللون لي كيشوفو شي كيحسبها دايرا les lentilles اما شي لاخر فمن تجربتو عرفهوم ماشي des lentilles هي نسات راسها مع طاحت ليها لكاسكيطة ، بقات شادة شعرها لفوق بلا بانضا مع الصهد ، مشات تشرب شمات لكاس جاها مزفر حطاتو

عشق: يخخ على ريحة

خرجات من سبيطار تشم لهوى ، مشات لغرفة ماماها لقاتهم معانقين

عشق: احم، احم ، راكم شرفتو على هاد شي
عايدة: آجي لهنا اجنية

مشات عشق عندهوم تعانقوا بثلاثة بيهم ، عشق و اخيرا ولات عندها اسرة

عشق: يالاه اماما نمشيوا للدار
شفيق : لا ابنتي  نتوما غاتمشيوا لداركم الاصلية لي عندكوم فيها حق ، داركم او عائلتكم لي كاتسنى فيكم
عشق: سمح ليا اسي الشريف ( هي باقا ما عارفاش سميتو مستحيل تعيط عليه بابا و لا تعيط ماما طاتهرك ديك الطريقة دلهضرا مرجلة فكولشي ) تسامحنا ولكن باش نمشيوا نعيشوا فبلاصة خرى غير حياتنا هادي حاجة مستحيلة الى بغيتينا راك عارف فين تلقانا
عايدة: ولكن ابنتي .....
عشق: الى بغيتي تمشي سيري انا ماحبستكش ولكن حياتي ماغنبدلهاش ، اصلا مستحيل نتفاهم مع عائلتك ما عنديش مع الآداب و البروتوكول غير غانشوهكم كل واحد او تفكيرو او انا دغيا كنفقد اعصابي نقدر ندير شي موصيبة

الاب : فعمرك 16 سنة باقي ما كملتيش السن القانوني او واخا غتكمليه غاتبقاي فعيني ديك عشق الصغيرة لي كاظل مضاربة مع لكساوي او كاتبكي فاش كاتلبسهوم ،

عايدة ضحكات فاش تفكرات بأن عشق عمرها مالبسات شي كسوة كثر من 5 ثواني ديما كتقطعهوم او تا دابا باقا هي هي

عشق: ههههه باقي فذاكرتي شي لقطات ديال لكساوي او حتى شي ولد ، هاد لولد ديما كيجي فذماغي ماكايناش شي ذكرى ماكايكونش فيها

شفيق: هاداك ولد عمك ما كانش كيتفرق عليك

عايدة غمزاتو باش ما يقولش ليها شنو سميتو ولا شي حاجة خرى بغات تخليها لعشق مفاجأة او بطبيعة لحال غاتكون اكبر مفاجأة