المصارعة المراهقة _قلوب أرهقها العشق_

part 23

قيس بقى كايشوف فيهم بانت ليه مجدة جالسة بوحدها او مشى لعندها طلب منها ايرقصوا بجوج او وافقات

كانوا بجوج حدى بعضياتهم مجدة او عشق عاطيين لبعضياتهم بالظهر او قيس او بدر كايشوفو فبعضياتها بتحدي

قيس كان كايشوف فيه بكره او حقد ماكرهش كون كان فبلاصتو هو غاياخد بلاصتو او ما كثر غاينسيها فشي واحد سميتو بدر

اما بدر فكانوا شوفاتو غير مفهومين لقيس النظرة ديالو فيها تحدي او اصرار باش ايربح قلب عشق حيت لاحظ النظرات لي كايدير لعشق هو ماغايخليهش اياخذ عشق يالاه تعرفات عليه غير يومين او غاياخذها هادي حاجة مستحيلة ولكن نظراتو لقيس كان فيهم غموض كبير ما غايفهمهم تا واحد

قيس كان حاضيهم تا بانت ليه عشق باست بدر من حنكو غرس صباعو فمجدة تا توعتات ماكانش واعي آش كايدير كان متحكم فراسو بزز باش مايمشيش عند عشق وي قوليها مشاعرو وي جرها من بدر

الحرب لي بين قيس او بدر قوية بجوجهم اخصام ما كايعرفوش اشناهوا الاستسلام حيت عمرهوم ماخسروا

بداو كايتبادلو لعيالات كل واحد او زهرو كلهم ماكرهوش تجي فيهم عشق كايتسناوا بفارغ الصبر حيت فهاد الرقصة المرأة كادوز عند جميع الرجال او الرجال كيجربوهم كلهم ولكن شكون غايخليهم دابا قيس شد عشق او موحال ايعاود ايطلقها

عشق دورات ايديها على عنق قيس او قيس حاوط خصرها بيديه بقات كاتشوف فعينيه عقدات حجبانها حيت ماقدراتش تفسر داك شي لي كاتشوف

اللون الزرق تخلط مع داك الgري او عطاوا واحد اللون مايل للكحل كانوا لعروقة حمرين محاوطين عينيه عشق شافت فعينيه الغضب او الحسرة او شي حاجة مافهماتهاش اول مرة كاتحير فتفسير عينين شي واحد

كان قيس هو المتحكم فالرقصة كان واحد التناسق ياسلام عشق بدى كايضبرها الطالون ندمات على النهار لي تبعات مجدة او غزل

كان جا وقت التبادل قيس بعد عليه عشق بحالا غايطلقها ولكن عاود رجعها دار ليهم اعاقة رقصية

النظام لي كانوا دايرينو تخربق ما بقى لا شطيح لا ست حمس كولشي دار دائرة على قيس او عشق كايتفرجوا جاوا كوبل خطييير

قيس او عشق سالاوا الرقصة تحت تصفيق الجميع او تصفار عشق كاتهبط فلكسوى لي ماساترة والو

قيس سبقها مشى للطابلة كلشي رجع لبلاصتو

قيس هبط على كاس دشراب فجغمة وحدى الله اودي على الاسلام

حس بشي يد تحطات عليه مادارش عرفها عشق خامن ملمسها

عشق :( هضرات ماعرفاتش علاش حسات بشي حاجة ) علاش كادير فراسك هاد الحالة تا وحدة ماتستاهل

قيس :( ضحك باستهزاء ) كولشي عارفني كانبغيها (غمض عينيه كايهضر بانكسار ) الا هي الا البنت لي كانبغيها

عشق : ( جاتها بحال لخنقة او قلبها تزير عليها ) الى كانت كاتستاهل حاول او ما ضيعهاش

قيس : ضيعتها مرة

عشق : ولكن هاد المرة ماضيعهاش

عشق مشات ماقدراتش تزيد تا ثانية معاه جاها لحماق اش كايوقع ليها شدات راسها

عشق : لا  أعشق اش واقع ليك ياربي اش واقع ليا ( بغات تشد فسنسلة لي عندها او مالقاتهاش ) فيناهيا السنسلة لا ما يمكنش ياربي ماتكونش توضرات

دورات عينيها على الجردة بانت ليها خوات بقات غا العائلة او بدر او شي ناس قلااال

بدر كان جاي عند عشق او كايبرد على يدو لي كانت فيها آثار العضان

بدر : بنت القح... والله لادوزتها ليها بربي تاندمها

شاف فعشق لقاها تالفة او كادور فعينيها لاحظ عنقها الخاوي عرف السنسلة توضرات ليها هو عارف بلي غاتوقع موصيبة كبيرة الى مالقاتهاش بالأخص ليوم عندها البطولة

بدر : توضرات ليك السنسلة

عشق : ( شدات فجبهتها ) اه اوف ما عرفتش فين توضرات

بدر : غانقلب معاك عليها

عشق : لا نت عندك المباراة دابا قبل مني خاسك تمشي راك تعطلتي

بدر : ولكن الى مالقيتيهاش مستحيل تلعبي

عشق : اه عارفة ياربي نلقاها