البنات راه هاد الجزء قبل من الجزء 50 لي طلع ليه لاخر قبل ايقرى هادا هو اللول عاد ايمشي للاخر
______________________________________
داز داك الليل كحل عند كولشي تا واحد ماغمض عينيه التفكير هو سيد الليل
شرقات الشمس ومع شروقها بدى نهار جديد لي فيه غاتخاذ بززاف دالقرارات لي غاتغير حياة أبطالنا
ناضت عشق شافت فالمراية أول مرة ماكاتنعسش بسباب التفكير
عشق : شكون نتا باش نفكر فيك نتا لي بديتي و نتا لي غاتتحمل مسؤولية دالهضرة ديالك
خرجات أو مشات جلسات معاهم كاتفطر أو بالأحرى كاتلعب بالماكلة لي فطبسيلها و هي ساهية
كسر الصمت غسان لي هضر أو حط إيديه على يد مجدة لي جالسة حداه
غسان :( او هو فرحان ) أنا و مجدة تاخذنا واحد القرار و بغينا نعلموكم بيه
الجد : آشناهوا أولدي هاد القرار
غسان : (باس يد مجدة ) أنا كانبغي مجدة وقررنا نتزوجو فأقرب وقت
بدر بقى كايشوف فيها شي شوفات مافهماتهمش أو تا هو مافهمش علاش شاف فيها دوك شوفات لي كايحملو العتاب أو الرفض كأنه كايهضر معاها بعينيه هضرة ماكايفهموهاش بجوج
الجدة :( فرحات ) هذا أحسن خبار بنتي مجدة ماتلقاش حسن منك
سليمة : آه أولدي الله ايكمل عليكم بيخير واخة يالاه سقت الخبار مؤخرا
بدر :(شاف فيهم بجوج او بتاسم ) نتوما فهاد العائلة كاديرو ديك القضية دخيرنا مايديه غيرنا
مجدة :( حطات ايديها على غسان ) واش ماغاتباركش لينا أخويا بدر
بدر : المباركة ديالي ماعندها باش تنفعكم هاديك حياتهم و نتوما ديرو فيها لي عجبكم
عشق :( يغات تلطف الجو ) إيوى أسي غسان إيمتى غاتجي تخطب مجدة راه سلعتنا غالية
غسان :( ضحك ) مرحبا ألالة وقت مابغاوا واليديها
قيس : مجدة واش نتي مقتانعة بهاد الزواج
الأب : أولدي راه خاصك تسولنا حنا ماشي هوما أما هوما راه ضاربين الحساب لكولشي
مجدة :( ضحكات ) باابااا
عايدة : هههه يالاه كنت عاقلة عليكي باقة صغيرة و دابة كبرتي و باغة تتزوجي
دخلات عليهم إيلين
إيلين : آه بصاح راكي باقة صغيرة على الزواج
مجدة :( غوتات ) اييلييييين
ناضت عندها عنقاتها أو باستها
مجدة :توحشتكي بززاف
إيلين : ( حطات ساكها و حيدات النظاظر ) هههه آش واقع ليكي هاد الزواج ديالكي بخويا غايقاد علاقتنا
أنت تقرأ
المصارعة المراهقة _قلوب أرهقها العشق_
Actionهي مصارعة عالمية عايشة حياة مشمكرة لاعلاقة لها بالآداب و الاخلاق ضاربة الزمان بركلة عاشت هي و الام ديالها ما كانتش عارفة بلي الأب ديالها باقي حي و بلي هي من عائلة غنية اش غايوقع فاش غاتعرف الحقيقة ؟ او واش غاتبقا عايشة حياتها اللولة ؟ واش غاتلاقا ب...
