المصارعة المراهقة _قلوب أرهقها العشق_

part 24

عشق : صافي أبدر راني هضرت ( ضربات ليه على دراعو ) والله وما ربحتي تا نعلق مك من رجليك

بدر : ( باس ليها راسها هو ديما كايربح على قبلها باش ايشوف الفرحة و الافتخار فعينيها ) على آش كاتعرفي عليا عمري خسرت

عشق : يالاه سير غانلحق عليك

هادشي كولو داز تحت عينين قيس لي ما كرهش ايخلي عيشتهم بجوج الى ماكانتش ليه ماغاتكونش لغيرو واخا يعرف يقتلهم وي قتل راسو من وراهم

غزل : خويا يالاه معانا بليز راه غانمشيوا نتفرجوا فلبطولة

قيس : واش ماعيتيش

غزل : مستحيل انا محتافظة بقوتي باش نشجع المصارعة الحديدية حيت هي بينات بلي لعيالات ماشي ضعافات وي قدرو ايكونو متساويين مع الرجال فأي حاجة واخا القوة

قيس :( ضحك ) صافي انا غادي معاكم نشوفو هاد الحديدية

هو بغى يخوي الدار بأي طريقة ما بغاش ايبقى تما

نرجعو عند عشق لي دخلات للدار كاتقلب على السنسلة غاتحماق أول مرة كاطيح ليها

مجدة : غانمشي عند عشق نقوليها تمشي معانا

قيس : لا بلاش غاتكون عيانة

الجد : قيس عندو الحق خليوها ترتاح غاتكون عيات حيت هاد الاجواء جديدة عليها

قيس :(شاف فيهم ) ماغتبدلوش هاد الحالة هاني غادي نبدل حوايجي

جراتو غزل : اويلي راه غانتعطلوا زيد زيد

قيس مابغاش ايخسر لختو لخاطر حيت كايحس براسو هو الاب ديالها من بعد الموت دباه ولا هو الراجل

نرجعوا عند عشق لي خرجات للجردة او هي يائسة حسات براسها وطات على شي حاجة قاصحة دارت واحد الصوت كانت غاتكمل طريقها ولكن وقفات نزلات للأرض او هي تبدى تضحك كي لحمقة

عشق : شكرا يا ربي شكرا

عشق حيدات الطالون او مشات للطابلة لي كانت جالسة فيها هزات سوارت الموطور

خرجات من لقصر الى شفتي حالتها تصحابها غاشي حمقة بلخصوص ان الماكياج خسر ليها

شافت فلموطور واخيييرا ، باستو

ركبات فيه وصلات للبلاصة لي فيها الكومبا طايرة حرقات gاع الضوايات

مع الدخلة سمعات سميتها بقى شحال كايعيط عليها باللقب ديالها

دخلات لعندهوم للحلبة

الحكم : آش كاديري خرجي كيفاش خلاوك دخلي لهنا

عشق : انا هي المصارعة

المصارع : كيفاش شحال عندك من عام

عشق : ( بدون مبالاة ) 16

المصارع : ههه من نيتك ( شاف فلحكم ) انا مستحيل نلعب مع قاصر او من لفوق بنت حمقة مابغيتش ايقولو عليا حgار انا راجل ماشي شماتة

عشق : ( حيدات الكسوة لي كانت لابسة فوق حوايج المصارعة كولشي تفاجئ حيت سحابليهم حماقت مسحات وجهها مشات خدات لبانضات دوراتهم على ايديها ) انا عشق ، عشق الادريسي ايجي برهوش باقي ماغاسل تا قزيب.. ملخرى ايغلبني

قيس لي كان ملاهي مع تيليفون ماسمعش لحوار لي ضار بيناتهم سمع سمية وحدة " عشق الادريسي " طلع راسو والله تا هي عشق بشحمها ولحمها

داك المصارع ولا حمر كيفاش تعايرو قدام الناس ليوم ايهرسها هي وفمها

المصارع : جنيتي على راسك

عشق :( سالات او هزات السنسلة فيديها كانت مزيرة عليها فيديها هي ديما فاش كاتبغي دير شي combat كاتشدها فيديها تاواحد ما كايفهم علاش ) هاد الهضرة خشيها فكر..

كولشي ناض كايغوت " عييشق عييشق "

الحكم عطى اشارة الانطلاقة

داك الملاكم كايضرب فين ماكان عكس عشق لي غير كادافع على راسها

اي ضربة كايضربها داك الملاكم كاتصدها عشق

عشق بدات المعقول كاضرب او تبعد

الملاكم ماقدر ايصد تا ضربة اولا حيت فرغ طاقتو او ثانيا حيت عشق سريعة بزاف ماتقدرش تتنبأ بلحركة لي غادير عكسها هي

عشق لقات فين تفش بقات عليه تارجعاتو كولو دمايات

داك املاكم بقات ليه طريقة وحدة لي من خلال بحثو لي دار عليها هي السنسلة خاصو بأي طريقة ايحيدها ليها باش تلاها وي ياخذ راحتو مايمكنش ايخسر على يد بنت بالأخص قاصر

حاول ايغفلها او ضربها لايدها تما طاحت السنسلة ستاغل تشوشها او عطاها بونية لوجهها جات حدى فمها بقى عليها بضريب او فلخر عكلها واخا هادشي مخالف لقوانين المصارعة مابقاتش القضية قضية ربح او خسارة بل ولى خاسو ايرد اعتبارو مابقاش عارف اش كايدير لمهم هو انه ايرجع قيمتو وي ندمها على لهضرة لي قالت