المصارعة المراهقة _قلوب أرهقها العشق_

part 27

عشق بقات غاديا بلموطور اصلا الطريق خاويا غير ناس قلال لي دازت من حداه كايجبد التيليفون وي صور كانت دايرا كي لبرق تغمض عينيك تحلهم تلقاها طارت وصلات حدى واحد البناية مكتوب فيها جمعية الاطفال كان حدى ديك لجمعية سوبير مارشي دخلات ليه لي بانت ليها تشريها ها السقاطا ها دانون لمهم عمرات الشاريو مشات او خلصات اصلا ديك لبلاصة معروفة فيها حيت ولات كل يوم فسيمانة كاتجي او تادابا زادت تعرفات شكون ولا ماكايعرفهاش من ورى لكومبا لي دارت لبارح ماكايناش شي بلاصة ماكايهضروش عليها ولات محور الكلام gاع القنوات و الاخبار دازت فيهم

خرجات بعدما خلصات دخلات لديك لجمعية لي دازت من حداه كايلقي عليها السلام

وصلات لواحد الغرفة بانو ليها شي دراري صغار شادين وراق او كايرسمو فيهم شافتها المشرفة او تبسمات

عشق : شوفو شكون جا

كولشي هز راسو او ناضو كايدافعو شكون غايعنقها لول

واحد الولد : خالتو عشق جات ييه واخيرا بقيت كانتسناك ايمتا تجي

عشق :( قرصاتو من نيفو ) ياك كانقول ليك اسعيد ماتعيطش عليا خالتي

سعيد : صافي صافي بقاي لينا على خاطرك أ أميرتي

المشرفة جات عند عشق : سلام عشق كيدايرا لباس عليك

عشق : لحمد لله

المشرفة : والله مزيان لي جيتي فرعو ليا راسي ديما كايسولو عليك ايمتا غاتجي عشق واش غاتجي ولا لا ، انا يسحابلي ماغاتجيش من ورى داك شي لي سمعت

عشق : ( كاتفرق عليهم سقاطا ) انا واخا نولي الغنية دلعالم مستحيل نتخلى على عادتي ماشي غير غانشوف لفلوس غانسى عشق لقديمة

المشرفة : انا ماقصدتش ..

عشق : صافي بلاش ، واش دراري تحسنو شويا

المشرفة : آه تحسنو او بزاف لا معنويا ولا نفسيا ، الله ايبارك فيك مفيضانا بخيرك كون ماكنتيش ماعرفتش اش كان غايوقع لهاد دراري الصغار

عشق : هوما ماخاصهومش ايتعاقبو نتيجة اخطاء لكبار انا ماعرفتش كيفاش شي واحد كايقضر ايتخلى على ولادو

المشرفة :ألالة كل واحد او همومو او مشاكلو تاواحد ماغايقضر ايتخلى على طرف منو

عشق : شكون بغى يلعب معايا التران

الولاد : انا انا انا

عشق : يالاه واحد من ورى واحد

عشق كانت لقدام او لولاد من وراها ماقاداهم فرحة كل واحد او مشكيلتو كاين لي مريض او كاين لي متخليين عليه واليديه مالقاوش لحنان فواليديهم ولكن الله عوضهم ديما عشق كاتجي عندهم فهاد الايام ويلا ماجاتش كاتصيفط شي واحد فبلاصتها