المصارعة المراهقة _قلوب أرهقها العشق_

part 35

تحل الباب يالاه عشق بغات تغوت يسحاب ليها قيس ولكن سكتات فاش شافت توبة جارة نونوس كبير او عينيها حمريين بالبكا شعرها مجموع كعكة مهملة كيما كادير ليها عشق

عشق حلات ايديها لتوبة لي جات كاتجري رمات النونوس تخشات فعشق مابقاتش باغة تحبس البكى

عشق بعداتها منها او شدات ليها وجهها بين ايديها مسحات ايها دموعها

توبة :( باقة كاتبكي ) هئ هئ يسحاب ليا عاتمشي وتخليني هئ هئ ماتبكايش ديلي هاكة حسومة عليك انا مخاسمة معاك ( دارت حركة بخنصرها زعما تخاصمت معاك ربعات ايديها او بقات كاتشوف فلحيط )

عشق :( هزاتها حطاتها فوق منها هضرات بشوية ماكاتقدرش تهضر عادي صوتها اقل من رقيق ) كاين شي واحد كايتقلق من ختو انا لي خاصني نتقلق حيت ماجيتيش عندي

توبة : لا  ماما لي ماحلاتنيش قالت ليا نبكى فدال تاتجي هي واعداتني بلي غاتزيبك

عشق : على انا نقدر نخلي هاد الزين كلو

توبة : صافي نتسالحو ولكن ماتبكايش تمشي وتخليني بوحدي اوك

عشق: اوووك الالة يالاه سيري دابة تاكلي

توبة : يالاه معايا

عشق : لا مانقدرش مريضة تالشوية ونهبط عندك

توبة باستها او خرجات سدات الباب من وراها

تحل الباب عاوتاني دخل منو قيس هاز بلاطو فيه الماكلة كان باين عليه معصب سد الباب

عشق شافتو تخشات فلمانطا زعما باش ايفهم راسو بلي فيها النعاس ويمشي ماباغاش تناكر معاه ولا تاتشوف فكمارتو ولكن راه قيس هادا حالف تايخليها تتصالح معاه واخة يعرف ايخطفها وي حبسها فشي بلاصة تا تقول ليه مسامحاك

قيس حط البلاطو فوق لبلاكار الصغير لي كاين حدى عشق بدى كايتمعن فالغرفة مزيان عامرة غير بتصاورها هي وبدر او بالميداليات بعد عينيه على التصاور حيت غايزيدو ايشعلوه كتر ماهو مشعول

حيد عليها المانطا او هزها او تاهي ماحاشاتهاش ليه ماهضرات ما عارضات خلاتو ايدير لي عجبو بالنسبة ليها افضل عقاب فهاد الحالة هو الصمت

قيس جمع ليها شعرها لفوق كولو تلوى على ايديه ماعرف منين ايبدى ولا يسالي كان مولف ايجمعو ليها فالصغر ولكن دابة راه طويل كتر من شحال هادي لدرجة ولات كاتجلس عليه او هي اعدى حاجة عندها هي الشعر ايفوت المؤخرة جات مع الظروف او ماقطعاتوش

قيس سالا ليها الجميع بستة وستين كشيفة ايقاد زغبة تتعوج لخرى جاب ليها الصوبة او هو عارف يلي من سابع المستحيلات تشربها ولكن على قبل مصلحتها خاصها تشربها حط عليها واحد المنديل

قيس :( هز معلقة عمرها او فتح ليها فمها وخشاها فيه ايسحابليه صرطاتها ) هاكة نبغيك خاصك تشربيه على قبل ..