المصارعة المراهقة _قلوب أرهقها العشق_

part 43

دخل عليها للبيت لقاها جالسة كاتاكل فتشيبس استغرب يالاه كانت معصبة و دابة مبردة و كاتفرج فتيليفون و تضحك

مشى جلس حداها لقاها كاتفرج فسبونج بوب

مجدة : انا سبونج بوب بوب بوب

غسان :( حابس الضحكة ماعارف واش ايضحك ولا يتخلع على حالتها لي ماكاتبشرش بلخير حط ايدو على راسها مالقاهاش سخونة ) مجدة واش حماقيتي واش لي قدك كايتفرجوا فالرسوم المتحركة

مجدة : واا سيير بعد مني رجع منين جيتي خليني كانتفرج راه نتا لي حماقيتي ماشي انا راني باقة صغييرة (خرجات ليه اللسان ) ماشي قدك نتا الشارف الهارف

غسان : واش نفكرك بلي مابقى ليك والو دخلي ف 18

مجدة :( هزات كتافها وبقات كاتلحس فصباعها من تشيبس غسان كايحيد ليها ايديها من فمها هو يجر وهي تجر تاطاحت ليها تشيبس لي كانت فيديها سكتات 10 دثواني حالة فمها مصدومة غسان تخلع ولا باغي غير ايهرب طلقات واحد الغوتة و من وراها دموعها ) عاااا هئ هئ علااش تهننيتتي داببة ععجببك لحاال ( شداتو من لكول ديالو ) جممععهاا ججممععهاا ييالااه

غسان :( تخلع ) غير تهدني غانجيب ليك وحدة خرى

مجدة : لا بغيت هااديك لي فلارض هي لي بغييت غانجمع عليك لعائلة كلها الى ماجمعتيهاش ( حطات ايديها على وذنها كاتستاعد )

غسان :( ناض كايجمع ) صافي صافي غير بلا ماتشوهينا انا نجمعها غير تبقى الاميرة ديالنا على خاطرها

مجدة :( صيفطات ليه بوسة فلهوى ) شكرا غسووني

نرجعوا لمركز التدربات بالضبط حدى لابيسين

عشق : راه الشعر غاينوض و اصلا كنت ناوية نقطعو و مازان غاننقص منو

بدر : تنقصي منو نوريك راه دوزتها ليك غير حيت مادرتيهاش بلعاني انا وياك نتفاهموا فأي حاجة الا شعرك

عشق : اويلي نتا وخوك ياك مامفطومين على شعري نفس الهضرة لا حول و لا قوة الا بالله

بدر : هاداك ماشي خويا خوتي هوما دنيا و غزل

عشق : و انا الغدار

بدر : نتي نتي بلاصتك بوحدها

عشق : عارفة لي كاين ولكن راه باقي ماسامحتك غير تهنى

غادية مع الطريق

بدر : انا عارفك كي ندير باش تسامحيني

عشق : دابة نقلبوها مسلسل سامحيني

بدر : عشق حضي راسك فكل خطوة راه عاد غايبدى لمعقول

مشات عشق بوحدها لي بقات فلبنات كاع لي باقيين كايستاهلوا اللقب ولكن الاولى بيه هي عشق هادشي لي كانت كاتفكر فيه