المصارعة المراهقة _قلوب أرهقها العشق_

part 65

عشق شافت فناصر

ناصر : بغيتي تgولي شي حاجة

عشق : ماعرفتش جاتني فشكل نتا خطيب بنت واحد من أغنى رجال الأعمال و بغيتي تولي شريك مع راجلي فالشركة واش ماجاتكش فشكل

قيصر :( باستغراب ) ماطاحش هادشي فبالي

لوكا :( ابتاسم ) مراتك شديدة الملاحظة زائد انها زوينة كولشي تجمع فيها هنيئا لك بيها

ناصر : بصح عندكم الحق ب3 بيكم ولكن تا نتي أ مادام عشق ماجاتكش فشكل ولدك كايgوليك ختي

عشق :( ابتاسمات باستفزاز ) نتا دابة كاتحاول تتجاهل موضوعنا الأساسي بهاد التعليق ديالك التافه

ناصر : تعليقي ماشي تافه

عشق : إوى جاوبني على سؤالي

ناصر : أنا كاتعجبني طريقة الخدمة ديال قيصر و بغيت ندخل معاه باش نزيد نستافد من خبرتو و من تجاربو

عشق :( ضحكات ) وااو و ما بان ليك غير قيصر

ناصر : راه هو من أكثر الرجال الناجحين فهاد العصر

جات كارلين كاتحاول تلطف الجو

كارلين : ماشي وقت النقاشات راه الناس كايشوفوا فينا ديروا راسكم كاضحكوا قبل مانتفضحوا

عشق :( ابتاسمات ) أنا بغيت خطيبكي يعطيني جواب مقنع أما هاد الهضرة مادخلاتش ليا لذماغي

قيصر :( شد فيد عشق ) حبيبة ماشي الوقت ديال هاد الهضرة

عشق :( خسرات تعابير وجهها ) صافي صافي ولكن ذنوبك على راسك

لوكا : هاد الصراحة دمراتك غاتخرج عليكم شي نهار

سكتوا كلهم دازت الحفلة و عشق كاتحاول تربط الاحداث و توصل لشي نتيجة ترضيها كل ماكاتجي عينيها على ناصر كاتلقاه حاضيها تا ولات كاتتفاداه لاتصدق واقعة شي مصيبة

ألقى لوكا الكلمة ديالو و هضر على التصالح ديالو مع قيصر

سالات الحفلة و كولشي كايهنأهم على نجاحهم و كايبارك ليهم

دخل ناصر باش يجيب أوس و عشق تا هي مشات

عشق : بلا مادير فيها سيد الأخلاق راه غير دري صغير غانهزو انا

ناصر : واش أوس ولدكي

عشق : ونتا آش دخلك فهاد السؤال آش غايبدل فيك

ناصر : غايبدل بززاف دلحوايج فحياتنا

عشق :( خذات أوس ) هاحنا بدينا فالفلسفة

جات بغات تضور و شدها ناصر من يدها وهو مزير عليها

ناصر : توبة ختكي و تا أوس واش ولد عايدة و شفيق

عشق :( نترات يدها ) واش تسطيتي فذماغك ولا شنو آش هاد شي كادير و نتا مالك و آش دخلك فحياتي و فواليديا ( قربات ليه ) أوس ماشي ولدي واش فهمتي ولا نزيد نشرح ليك هو رااه خويياا هانتا خذيتي الجواب على هاد السؤال دييالك