المصارعة المراهقة _قلوب أرهقها العشق_

part 18

قيس : هاد المرة ردي البال

عشق :( تعلات على صباع رجليها او باستو فحنكو ) شكرا اخويا قيس

قيس حس بقلبو كيفرفر فاش باستو ولكن خسراتها بخويا هو حالف تا يحيد ليها هاد خويا

مشات عشق باست جداتها او جدها ، غمزات ماماها او جلسات جلستها المعتادة

ايلين : اوووووف ليوم تابعني بزاف دلحوايج خاصني ندير الشوبينغ او نمشي للصالون

مجدة : عنداك تنساي تحيدي موستاجك

عشق : هههه عندك لحق راه ولا كايبان

دوك التلاتة ماهضروش تعلمو من لبارح ايلين سكتات

الجد : سيري ابنتي عشق تخرجي مع البنات باش تتعرفي على المدينة

عشق : بلاش انا اصلا حافظة الرباط كثر من سلا

مجدة : يعني كنتي كاتجي ليها ولكن عمرنا ماشفناك الصدف سالاوا

مازن : حاس براسي بحالا فايت شايفك فشي مجلة ولا تلفازة

مجد : تا انا والله ماغريباش عليا

مجدة و غزل : اه

مجدة :( ناضت من الكرسي ) يس يس ليوم كاينة البطولة غاتجي المصارعة الحديدية شحال متشوقة نعرفها

مجد : تا انا ديما كانسمع بيها ولكن ليوم غانشوفوها شخصيا

مازن (غمز زيد ) كايقولو بلي عندها واحد الطرف يا سلام

غزل : خويا عافاك يالاه معانا

قيس : لا ماعنديش مع داك الشي اصلا المرى خاصها تخدم خدمة قد القدرات ديالها ماشي مصارعة gاع

مازن : كايقولو بلي عمرها ماضاربات مع شي مرى ديما كاضارب مع الرجال او عمرها ما خسرات

زيد : راها مطلوبة من عند wwe

مجدة : سعداتها شكون بحالها مطلوبة عالميا

غزل : واعافاك اخويا يالاه معانا

قيس: صافي غانمشي باش نعرف شكون هادي لي قالبين عليها الدنيا ( راها حداك )

عشق خاشيا راسها فلماكلة مامسوقاش ماسكتوش من المدح

الجدة : سيري ابنتي خرجي ضوري شوية نتي ولبنات سيروا تفوجوا

مجدة :  عافاك اعشق وافقي

عشق : ههه اوك

مشاوا ايبدلوا حوايجهم تا قيس غايمشي معاهم عشق بقات تما حيت كانت مقادة شدات التيليفون او دخلات ل commentaires التيليفون من لبارح ماسكتش تال دابا جميع لي معاها من الممثلات حاسدينها gاع هادوك لي ماكانوش كايهضروا معاها ولاوا كيهضروا معاها وي سيفطوا ليها فليميساج ضحكات دابا قيس غايديها فهاد المونيكات

نزلوا او مشاوا فطوموبيلات لبنات بوحدهم او لولاد بوحدهم كانوا تابعينهم لكارد تا وقفاتهم عشق واش عشق معاهم او غايحتاجوا للحراسة

وصلوا لبنات قبل نزلوا او سمعوا صوت ايلين كاتغوت من وراهم

ايلين : عتقوني الوحش بغى يخسر ليا وجهي

طارت عندها عشق او هي حابسة الضحكة من طريقة هضرتها بان ليها واحد خير مولانا قدو قد السخط عامر سيكاطخيس كان هاز موس

عشق : بعد منها اولد القحب...

الشمكار : هي لي دافعة كبير هضرنا معاها بلخاطر مابغاتش او نت اش حرق القحب.. دمك

عشق  تلاقاوا ليها السلوكة ما صبراتش طارت عليه بلبونيات طيرات ليه لموس بقات عليه هادي تنفع هادي لا تا ولا كي الجثة جا ضربها لكرشها او هو يطير فسما شاد ايدو كايدور حيت ضراتو حس راسو ضربو الضو كرشها دايرة كي الحديد بسيف او هي حياتها كانت غالاصال

لبنات كيغوتو و ايلين كاتنوح كولشي تجمع عليهم تاجات سطافيط جمعاتهم كاين مسكين لي مادار لا بيديه لابرجليه جايفك او صدق مgدم معاهم

ايلين : هئ هئ طلق مني ماعارفنيش شكون انا

مجدة : طلااق واعيباد الله

كولشي كايغوت الا عشق لي غاديا بلخاطر وصلوا للكوميسارية او دخلوهم لواحد الغرفة كانوا فيها شي بوليس او واحد عاطيها بظهر باينة فيه هو شاف

الشاف : عشق الادريسي ، باقي ماهداكش الله ، فين ما مشيت تابعاني

طارت عليه عشق كاتنتف فشعرو الزعر او طعتيه فلبونيات او هو كايضحك كولشي متفاجئين من شاف ديالهم لي بكثرة ماكايخافوا منو ماكايهزوش فيه العين جات بنت شبعات فيه عصى

اكرم :( كايفكها من شعرو ) واطلقي راه حولوني

عشق : ياك اولد لكلبة باقي ماغاتوبش

اكرم :( طلقات منو ) نتي لي ماباغاش توبي راه gاع لكوميساريات لي فلمغرب زرتيهم