المصارعة المراهقة _قلوب أرهقها العشق_

part 40

بقى كايجري بانوا ليه الطوموبيلات جايين تا وحدة مابغات توقف كلشي كايشوفوه كايخافوا كاين لي كايسحبوه حمق كاين لي كايسحبوه من قطاع الطرق و كاين لي خايف ايوقف وي ساعدهم وي صدق فلمشاكيل وي سبوها فيه كل واحد او فين داه عقلوا مشى وقف فنص الطريق كانت واحد الطوموبيل جاية بسرعة فائقة كانت غادخل فيه كون ماوقفش مولاها كانت باينة عليه شخصية مهمة و لكن بدر ماتسوقش لهاد شي

نزل داك الراجل كايجري بغى يعاون بدر ليزار طيروا لبرد شوية هنا كانت الصدمة بالنسبة لداك الراجل هادي مجدة ماتيقش راسو اش كايشوف

        : مايمكنش مجدة

شاف فبدر لي ماعندوش وقت فين ايفكر فين او كيفاش كايعرفها مشى حط دغيا مجدة اللور او دخل لبلاصة السائق اما داك الراجل فركب دغيا اللور حاط راس مجدة على رجليه كايحاول ايفيق فيها مستغرب اش جابها فهاد الوقت و اش كادير او هي عريانة او الدم لي عليها او شكون هذا لي نصو عريان كان قادر ايقرى لوشوم العديدة لي على صدرو ماعرفوش حيت ماعمرو شافو فلعائلة كانت مجدة كاتهضر او كاتمتم

مجدة :( دموع هابطين واخة مغيبة على هاد العالم ) ببدر ببدر ععاافاك ماتتخلاش عليا

بدر نزلات من عينو دمعة سخونة مسحها دغيا ماخاصوش ايضعف ماعرفش اش وقع ليه كلشي بسبابو واخة هي ماشي فهاد العالم الا انها كاتمتم بسميتو هو ضيعها ضيع انسانة كانت قادرة تتحدى العالم كلو على قبلو الا انها تتحداه تتحدى شخص جرحها جسديا او معنويا او عاطفيا كلشي دوزو عليها

          : ( كايضرب ليها فوجهها واخة هو مستغرب بسمية هاد الشخص لي كاتمتم بسميتو ) حلي عينيك مجدة حليهم انا غسان غسان جيت على قبلك للمغرب مايمكنش تقلقي ولد عمك منك يالاه فيقي دغيا

ولكن لا حياة لمن تنادي غسان عيط على العائلة او خبرهم بالخبر لي نزل عليهم كالصاعقة كيفاش علاش ايمتى كلشي مشاوا كايجريوا للسبيطار

بدر وصل لاقرب سبيطار هزها بين ايديه حطها فلباياس داوها شدات فيديه حاول ايطلق و لكن كانت كارزة عليه كانت متشبتة بيه متشبتة بحياتها حسات بوجودو حسات بخوفو عليها حسات بشحال من حاجة

الطبيبة :( جاية كاتجري كانت نفسها ديك الطبيبة لي تكلفات بعشق نقلوها لهنا ) زربوا دغيا دخلوها راه غانفقدوها العرق اييقدر اييكون تقططع و لا تقاس

الممرضة : ولكن امادام مابغاتش تطلق من هاد السيد
الطبيبة : مزييان هادي حاجة مزيانة دخل معاها للعملية او ماطلقش من ايديها راه نتا هو لخيط لي بينها وبين الموت

بدر :( مافهم والو ) واخة واخة لمهم هو تعيش

دخلوا مجدة لغرفة العمليات كانت غير كاتمتم بسمية بدر لي ماطلقش ايديها واحد اللحظة كلهم سمعوا تييييتتت كان هاداك تخطيط القلب كان خط واحد كايدوز ماشي كيما قبيلة بدر شاف فالطبيبة بصدمة الطبيبة كانت كثر منو مجدة وقفات التمتمة ديالها او سكتات بقاوا غير الدموع جسمها تهز و تحط