قيس مامتيقش بلي بدر خوه اكثر شخص كايكرهو فلعالم صدق كايتشاركو نفس الدم ديالو ناض من الكرسي
الجدة : سبحان من خلق نسخة طبق الاصل ديال ولدي الله ايرحمو نفس سموريتو او نفسو فكلشي الله خداه منا او عوضو بولدي بدر
قيس :( بصوت بحال الرعد ) اش هاد الخرى واش كاضحكو عليا ولا شنو
الجد : لا اولي قيس هادي الصراحة بدر خوك من باك
قيس :( شاف فماماه او ضحك ) شتي شتي هاداك لي كنتي كاضلي سهرانة عليه كاتبكي كان كايخون فيك ونتي ماجايبا لدنيا خبار
عشق : بلاتي نفهمو اش واقع بعدا
قيس :( مشى وقف مقابل مع بدر ) ماكايشرفنيش نتشارك دمي مع واحد بحال هادا
بدر :( بقى خاشي ايديه فجيب السروال لي كلو تقاطع غاديال شماكريا بقات نفس الابتسامة لي دخل بيها بقات فوجهو ) ههه مالك تقلقتي اخويا لعزيز ( قرب ليه حدا وذنو وهمس ) عشق ديالي بعد منها حسن ليك
قيس :( كان صابر ولكن فاش ذكر ليه عشق سالا الصبر ديالو جمع معاه بواحد البونية تا داز الدم من نيفو ) ماتحلمش أ زامل هي لي عمرها تكون ليك
العائلة ماعجبهاش التصرف لي دار قيس حيت اصلا مافهموش علاش ضربو
بدر :( باقي مبتاسم طلع راسو فقيس او دوز الابهام ديالو على جنب فمو لي فيه الدم رجع ليه لبونية ) نتا لي ماتحلمش
قيس :( عصباتو الابتسامة لي داير بدر جاه الحماق ليوم ايخلي عيشتو جمع ايدو على شكل بونية او بغى يضرب تاكاتصدها عشق لي كانت كاتخنزر فقيس وقفات قدامو او باقا شادة ايدو ) بعدي اعشق
عشق : ( بلغوات ) جمع راسك شكون نتا بسلامة وزن كلامك عاد هضر ولا ايديك شايطين عليك بدر خط حمر بالنسبة ليا او لا نتا ولا عائلتك لي كاتباها بيها او حاس براسك بيها عندكم الحق تهينوه
قيس :( كايضحك وسط النار لي شاعلة فيه كايهضر بلا عقل ) كادافعي عليه هادي حاجة باينة اصلا نتوما من نفس المستوى او نفس القيمة
عشق تجرحات من كلامو بزاف اول مرة كاتحس بلي هي لا شيء بقات كاتشوف فيه او مركزة النظرة فعينيه طلقات ايديه لي كانت شاداها او ما هضراتش او مادارت تا ردة فعل هادي عمرها ماكانت ليها ديما كادافع على حقها ولكن هاد المرة جاتها الضقة من شخص لي هي اصلا ماعارفاش شكون هو بالنسبة ليها
الجد : ( مخنزر ) قيس اش هاد الهضرة كاتقول بدر او عشق عندهم نفس المكانة لي عندك نتا كحفيد لعائلة الادريسي
بدر بقى غير مبتاسم وصل لهاداك شي لي بغى بلا تا مجهود
قيس :( كان معصب لاقصى لحدود ماعارفش اش كايقول ) كيفاش حفيد لعائلة الادريسي واش لي جا يولي حفيد لعائلة الادريسي
أنت تقرأ
المصارعة المراهقة _قلوب أرهقها العشق_
Actionهي مصارعة عالمية عايشة حياة مشمكرة لاعلاقة لها بالآداب و الاخلاق ضاربة الزمان بركلة عاشت هي و الام ديالها ما كانتش عارفة بلي الأب ديالها باقي حي و بلي هي من عائلة غنية اش غايوقع فاش غاتعرف الحقيقة ؟ او واش غاتبقا عايشة حياتها اللولة ؟ واش غاتلاقا ب...
