المصارعة المراهقة _قلوب أرهقها العشق_

part 50

البناااات قبل ماتقراوا هاد الجزء قروا الجزء 49 راه ورى هادا وقعات شي مشكيلة او طلع هادا قبل

______________________________________

مشات عشق للشركة عرفوها بلي عشق الإدريسي شكون ماكايعرفهاش رغم صغر سنها إلا أن هيبتها سابقاها و جمالها ميزها عن باقي البنات سولات على جدها أو مشات تحت نظرات إعجاب الجميع بيها واخة الروسنة لي كاينة دخلات للمكتب ديالو بلا استئذان لقاتو معصب أو كايهضر فتيليفون

الجد :( معصب ) كيفااش هادشيي مايمككننش علااش جااا للمغربب و آش بغى بينااا خاص نلقااوواا شيي حلل و لاا غانخسروا كولشي كولشي غايمشييي كوولشيي ( شد فقلبو )

عشق :( مشات شداتو ) جدي مالك اش واقع بشوية عليك

الجد :( جلس جاتو الخنقة ) منين تسلطات علينا هاد المشكلة ابنتي منين

عشق :( حلات ليه صدافي دلقاميجة ) جدي تهدن او شوف فيا غاود ليا اش واقع غانعاونك

الجد : رجع ابنتي جا بغى يدي معاه كولشي

عشق : جدي شكون هادا اش واقع شكون هادا لي رجع

الجد : ( ناض خرج ) أنا لي غانحل هاد المشكيل

عشق خرجات تبعاتو بانت ليها الروينة فالشركة سمعات شي وحدين كايهضرو

البنت 1 : ناري ماكناش ضاربين الحساب لهادشي

البنت 2 : الشركة ضاعت ديك الصفقة لي خدمنا عليا 5 سنين فشلات

البنت 1: دابة آش غايوقع لينا فين غانمشيوا آش غانديروا و شكون غايعتقنا

البنت :( بشوية ) على ماسمعت شي واحد غايشري النص فالشركة

البنت : صافي سكتي و قابلي خدمتكي و الله غايفرجها من عندوو و رزقنا ورزق الإدريسي ماغايضيعش

عشق فهمات بلي الشركة غادير إفلاس

مشات قلبات على البيرو دبابا حيت هو لي غايفهمها آش واقع دخلات عندو لقاتو غا بالقاميجة و لgرافاطا محيدها أو واقف حدا الشرجم لي كان كلو زاج شفاف

سليم : حنا غانخسروا كلشي كاع داكشي لي خدمنا عليه غايمشي غايتبخر ماكناش ضاربين لحساب لهادشي ابنتي

عشق :( شدات ليه فدراعو ) راه كاين حل حنا عندنا تقريبا فكل بلد شركة و كل شركة عندها مكانة

سليم : مابقى عندنا والو حنا كل مرة كانخسرو فرع من فروعنا صافي هادي اللخرة لينا

عشق :( ضوراتو عندها ) هاداا مااشيي هوو سليم الآدريسي لي كايقوول هاكة أناا الابب دياليي ماششيي ضعييف

سليم : أنا كانفكر غا فجدك لي فنا حياتو على قبل هاد الشركة متأكد غايمشي فيها

عشق : جدي ماغاتوقع ليه تا حاجة و تا الشركة هادا وعد مني