المصارعة المراهقة _قلوب أرهقها العشق_

part 19

عشق : مابانتش ليك ديك لقحب.. د دنيا هي وداك خوها

اكرم : على لي يعرفك يبقى قاد ايصبر على حماقك

عشق : ياك اولد لكلبة ليوم نفذي فيك القديم او الجديد

اكرم :( جبد السلاح من وراه ) يالاه ورينا

عشق :( غفلاتو او هزات رجليها او دربات ايدو لي هاز بيها السلاح ، السلاح تعلى او عشق نقزات او شداتو فيديها ) ما تلعبش مع لي علمك اوليدي

اكرم : ناري اختي باقي مانسيتيش التداريب

عشق : ننساك نتا او مانساهمش

ايلين : ماناوياش تعرفينا بهاد التيتيز

عشق : ناري فيك الدودة فقزيبتك

غزل : عافاك اعشق شكون هاد الزعر لي معاك

مجدة :( قرصات غزل ) الى ساق زيد لخبار اقتل مك

غزل : على لي شاف التيتيز ما ينساهش

مجدة : قيدي قيدي خبارك ليوما تكون عندو

عشق : هادا عشيري اكرم هو commissaire كان فسلا او حولوه لهنا

مجدة : ناري اصاحبتي ماكنتش عارفة المغرب فيه النصارى صدقت غالطة فولاد بلادي

عشق : باقي ماشتيش الزين السمر ، مزيان لي تفكرت لاهيتيني هاداك الزامل دبدر ما عليه تاخبار

اكرم : ماعارفش

عشق :( كانت باقا هازا لفردي ) هضر ولا نخويه فراسك

اكرم :( هز ايديه لسما ) راني عارفك ديريها اللهم نهرب وانا باقي بصحتي مشكيلة معاك نتي و بدر ، انا عارف حاجة وحدة هي انه راه داير ليك مفاجأة كبيرة وصلاتني لخبار من عند دنيا

عشق : ولاد لحرام لخوت تافقوا عليا

حطات لفردي فوق الطابلة او جلسات فبلاصة اكرم  اكرم مشى عند شي ملفات كايراجعهم ، لبنات كل وحدة شادة تيليفون تقول راه كاينين فشي قهوة كايتسناوا لعائلة تجي حيت لالهم ايلين ماتقدرش تمشي فطوبيس ولا تاكسي او طوموبيل بقات تما

واحد الشوية دخل قيس هاز تيليفون عشق عينيه غايخرجوا من بلاصتهم ، عشق كان طاح ليها تيليفون فاش كانت كاضارب او قيس فاش وصل لقاه او شعلو لقى تصويرة شي واحد هاز عشق او عشق عاجبها لحال عرفو بدر لي عشق قالبة عليه الدنيا هو ماينكرش بلي راجل زوين من الصورة بانت ليه كمية لحب بينهم هادشي ليكان كايفكر فيه ولكن ان بعض الظن اثم

ايلين : الحمد لله جا قيس

غزل : شوفي من وراه راه العائلة كلها جات

عايدة : بنتي اش درتي عاوتاني راه والله تا عيت ديما واصلاني خبارك فشي كوميسارية

اكرم :( مشى سلم على عايدة ) اهلا خالتي عايدة على سلامتك لي جيتي دي عليا هاد بنتك شوية نحيد هاد الحوايج او نعطيهم ليها تولي تخدم بلاصتي