طلعات عشق ماداتهاش فمجدة عمر شي واحد تعامل معاها بنفس اسلوبها هي متفهمة حالتها ولكن ماشي دير فيها لي بغات و تهينها حيت عشق مستحيل تبغي ليها الشر مشات جمعات حوايجها حيت تابعاها الطريق مع الصباح مابقاتش شي حاجة سميتها النعاس لمدة جوج السيمانات التدريبات غايكونوا فالليل و الامتحانات مع الصباح اما فلعشية فغيعلموهم استراتيجيات جداد كلشي غادي لتما او عندو هدف بين عينيه اما يربح او مايرجعش جمعات حوايجها او تخشات فلمانطا
مع صوت الاذان فاقت عشق باقي ماشبعات تا نعاس ولكن خاصها تحارب باش تاخذ داكشي لي بغات هزات ساكها او مستلزماتها لقات قيس تا هو مبوكص على النبوري تقول غادي ياخد جائزة اوسم لاعب خدى منها الحقيبة هزها اما هي فبقات غادية قدامو ماساخيش انه ايفارقها لجوج سيمانات او هو جوج دقايق ماكايقضرش بقى حاضيها و هي مرة مرة تلفت عندو و تضحك ليه عينيها مغمضين بالنعاس
ركبات معاه بلا ماتجادلو و لا تقوليه شي حاجة نعسات ماحساتش بطريق قيس ماحيلتو للطريق و لا هاد الملاك لي حداه وصلوا لكازا قيس هبط ليها المقعد او باس ليها راسها رجع راسو لور كايشوف فسقف الطوموبيل كايفكر كي غايدير لهاد جوج السيمانات بلا مايشوف عينيها لي واحة يكون معصصب نظرة وحدة منها تكفي ترجعوا لطبيعتو كي غايدير بلا مايسمع صوت ضحكاتها لي كايسحروه هو اناني بززاف فيها كايكرهها تضحك لغيرو و لا غيرو ايشوف عينيها عارف بلي هاد الغيرة و التملك لي فيه غايخرجوا عليه شي نهار وي ضمروهم بجوج و لكن ماشي هو لي متحككم فراسو شي حاجة فأعماقو هي لي كاتتحكم فيه الى تقلقات عشق فكايحس بيها روحهم مرتابطة برباط قوي الى فرحات كايفرح ويلا تقلقات كايتقلق كلمة منها تقدر دير فيه لي عمرو مادار صوتها بالنسبة ليه دوا ماكرهش ايبقى مريض بهاد المرض باش تكون هي دواه ديما كايضحك على حالتو لي بسباب طفلة ماكملات تا 17 عام باقة ماكملات تا السن القانوني علم الله كون كانت كبر كانت غاتخليه كايمشي فالشاريع بلا عقل هو باقي لحد الساعة حاير فجمالها حاير فعظمة الخالق لي اختاصر كاع نساء الكون فمرأة اختاصر الجمال و الذكاء و القوة كايتحكم بغيرتو و تملكو بزز حيت عارفها ماشي من النوع لي غاينفع معاها العنف و القوة و فنفس الوقت ماغاتنفعش معاها الرومانسية الى عرفاتو كيفاش كايتحكم فراسو كانت غاتخلع و تتعجب حيت هو ماشي من النوع لي كايخفي مشاعرو و لا احاسيسو او فاش لقاها زاد جعر او دزاد عليه الحال
عشق بدات كاتحل عينيها تكسلات شافت فقيس لقاتو كايشوف فيها يسحاب ليها شي تمثال بدات كاتحرك ايديها قدامو لا حياة لمن تنادي شافت فجنابها كاتبان ليها الشمس طلعات تخلعات قالت صافي كحلاتها او هي باقي تا معطات داك شي لي عندها
عشق : اويليي ميمتي تعطلت قيس و اااقيس اويلي مالل هادا بقيتي ليا غير نتا واش كاتسمعني قااااايس واهيا
أنت تقرأ
المصارعة المراهقة _قلوب أرهقها العشق_
Actionهي مصارعة عالمية عايشة حياة مشمكرة لاعلاقة لها بالآداب و الاخلاق ضاربة الزمان بركلة عاشت هي و الام ديالها ما كانتش عارفة بلي الأب ديالها باقي حي و بلي هي من عائلة غنية اش غايوقع فاش غاتعرف الحقيقة ؟ او واش غاتبقا عايشة حياتها اللولة ؟ واش غاتلاقا ب...
