فبلاصة أخرى عند قيس لي كاين مع الفرقة ديالو كايتدربوا على المباراة تفكيرو متشتت هو متأكد بلي عشق كذبات عليهم او بلي ماكاينا حتى combat حيت كون كانت كون العالم كلو ساق لخبار
جاتو واحد الدقة على راسو بلكرة طلع راسو ولقاه صاحبو
مايكل (بالدارجة معكلة ) فاش كاتفكر اصاحبي مني جيتي ونتا هاكة
قيس (رجع ليه الضربة لراسو بسرعة ) والو
مايكل :( دار راسو كايفكر ) صافي عرفت ياك ماكاتفكر فديك زعرة
قيس :(ابتاسم ولكن خفى الابتسامة ديالو ) عشق (قرب لعندو ) اجي نتا منين كاتعرفها و ايمتى
مايكل : كانت ديما كاتجي عندنا وفكل مرة ماكاتكونش نتا
قيس :(غمض عينيه ) مزيان ا عشق مزيان كنتي كاتجي تال الملعب ديالي و ماكانشوفكش
--------------
نرجعو عند البطلة ديالنا لي عقلها خاوي من اي شخص ولكن مرة مرة كانفكر قيس ولكن كاتتناساه بسرعة
غمضات عينيها وتفكرات كاع الاختبارات لي دازو عليها كانت تقدر تموت او يوقع ليها شي شلل فجسمها حلات عينيها لي ولا لونهم مايل لكحل الرمادي لون زاد مظهرها قوة
ناضت على إثر صوت القائد الأعلى تجمعوا كلهم او كلشي مخلي النظرة ديالو حادة صافي وصلوا للنهاية هوما عارفين بلي هوما غايتعينو فمناصب كبيرة فالمخابرات المغربية وهادشي بحد ذاتو اكبر انجاز فحياتهم ولكن كل واحد فيهم بغى هو لي يحكم هو لي كون البطل هو لي ولي لخليفة د مروان ولكن ماكانوش ضاربين لحساب بلي غاتجي بنت غاتحرر عايهم احلامهم بنت بجسد امرأة ولكن بعقل رجل
من بعد ماشرح ليهم مروان اش خاص اديروا جا وقت سماع الصافرة لي غاتعلن بداية جديدة او بداية للنهاية ديال حياة شي واحد فيهم
دوزوا الاختبارات بنجاح جوج منهم تصابوا بإصابة قوية تسببات ليهم بالاقصاء
بقى قدام كل واحد فيهم باب من لحديد قدامو كمبيوتر هوما فهموا لمطلوب منهم كل واحد دار قصار جهدو باش اهكرو داك النظام
اما عشق غمضات عينيها كاتحاول تتفكر الطريقة باش تفتح داك النظام
عشق :(غمضات عينيها وجات صورة قيس فضلام دعينيها ) سير سير اش جابك لهنا تا لآخر لحظة
حلات عينيها خربقات فلأزرار بدون وعي تفركع داك الكمبيوتر
ماتيقاتش صافي ضيعات الفرصة ديالها اش دارت ولكن شوية او تحل داك لباب دخلات كاتجري بانت ليها قدامها دنيا مبتاسمة او مروان او جميع القادة كانوا تما وجوه جداد عليها ولكن مايمكنش ماتعرفهمش هادو اشهر الجواسيس المغاربة لي لطالما سمعات عليهم او اي واحد تعلم على ايدهم
أنت تقرأ
المصارعة المراهقة _قلوب أرهقها العشق_
حركة (أكشن)هي مصارعة عالمية عايشة حياة مشمكرة لاعلاقة لها بالآداب و الاخلاق ضاربة الزمان بركلة عاشت هي و الام ديالها ما كانتش عارفة بلي الأب ديالها باقي حي و بلي هي من عائلة غنية اش غايوقع فاش غاتعرف الحقيقة ؟ او واش غاتبقا عايشة حياتها اللولة ؟ واش غاتلاقا ب...
