ناصر : شوفي أمادام عشق فبلاصة مانضاربوا يا الله نفكروا فشي حل حيت إلى بقيتي هاكة غانمشي و نخليك هنا
عشق : سير خرج شكون شدك
سمعوا صوت الذئاب و شي حيوانات
عشق : لا صافي كملات (جلسات فالأرض ) غانبقاوا هنا تا يجيوا الحيوانات ياكلونا
ناصر مشى كايقلب فالكوخ لقى مانطة و شي حوايج جاب المانطة و غطا عشق
ناصر : قضي بهاد المانطة دابة
عشق :( تكلكمات فيها ) واراه باينة
ناصر :( ضحك ) زعما ماديتيهاش فيا gاع اهتاميتي غا براسك
عشق : إوى آش بغيتيني ندير ياك ماباغيني نgوليك آجي نتقاسموا السخونية و المانطا
ناصر :( كايحيد فحوايجو ) لاش كرا الله ايكثر خيرك
عشق :( ضورات راسها ) وا الباشار آش كادير
ناصر : كانشطح واش مابنتش ليك كانحيد حوايجي راه فازgن غانقضي بشي حوايج لقيتهم هنا
عشق : مزيان مزيان حيد تا سروالك عادي جدا راه معاك مرة
ناصر : راكي مرى مزوجة
عشق : لا يختلي رجل بامرأة إلا و الشيطان ثالثهما أخويا آش ضمن ليا بلي الشيطان ماغايلعبش ليك بذماغك
ناصر :( بهمس ) وا الصراحة عندكي الحق فهادي ولكن باقي الحال
عشق : هضر بجهد راني ماسمعت والو
ناصر :( جبد بريكا من جيبو ) والو
عشق : آش ناوي دير بديك البريكة
ناصر : ناوي نحرقك و نحرق راسي بيها يا ربي آش هاد المصيبة
عشق : فبلاصة ماتبقى كاتكثر بالهضرة سير قلب على شي شرويطة ولا شي حاجة شعل فيها العافية باش نسخنوا
ناصر :( ضحك ) شكرا على المساعدة ألالة عشق ماجاتش فبالي نهائيا
ضحكات عشق
عشق : شوف دابة حنا محبوسين هنا و ماعارفينش ايمتى غاتسحى الشتا و ايمتى غايلقانا قيصر فهاد المدة خاص نكونوا مهدنين
ناصر شعل شي حوايج لقاهم تما
وجلس حدى عشق بقاوا ساكتين و عشق كاضور فراسها
اما ناصر فغير كايشوف فالعافية
ناصر : واش نتي كاتبغي قيصر
عشق :( شافت فيه باستغراب ) هاداك راه راجلي بطبيعة الحال غانكون كانبغيه
ناصر :(ابتاسم بانكسار ) كون ماكنتيش كاتبغيه كي غاديري تا تولدي
عشق : كيفاش
ناصر : لا والو غير كانهضر مع راسي
عشق : ونتا واش كاتبغي كارلين
أنت تقرأ
المصارعة المراهقة _قلوب أرهقها العشق_
Actionهي مصارعة عالمية عايشة حياة مشمكرة لاعلاقة لها بالآداب و الاخلاق ضاربة الزمان بركلة عاشت هي و الام ديالها ما كانتش عارفة بلي الأب ديالها باقي حي و بلي هي من عائلة غنية اش غايوقع فاش غاتعرف الحقيقة ؟ او واش غاتبقا عايشة حياتها اللولة ؟ واش غاتلاقا ب...
